រាជធានីភ្នំពេញ៖ កូនខ្មែរពិតជាខ្លាំង ក្រោយជោគជ័យសាប៊ូកក់សក់ មិនបានប៉ុន្មានខែផង លោក ឧកញ៉ា សឹង ចាតវិជ្ជា សម្ពោធផលិតផលថ្មីគឺ «សាប៊ូដុសខ្លួន» ដែលកំពុងផលិតលក់ក្នុងទីផ្សារកម្ពុជា ។
នៅថ្ងៃទី១៩ ខែតុលា ឆ្នាំ២០២៦ ដោយជូនតាមសំណូមពរ អ្នកប្រើប្រាស់ លោក ឧកញ៉ា សឹង ចាតវិជ្ជា បានឱ្យដឹងនៅក្នុងវេទិកាសន្នីសិទ្ធសារព័ត៌មាននៅរោងចក្រផ្ទាល់ ដូចនេះថា៖ «ដោយសារតែការជឿទុកចិត្ត លើផលិតផលទីមួយ គឺសាប៊ូកក់សក់ «សុខមាល» ដែលទទួលបានការគាំទ្រនិងបញ្ជាទិញយ៉ាងច្រើនលើសលប់ ពីអតិថិជន ផលិតផលទី២ (សាប៊ូដុសខ្លួន) នេះ ក៏ត្រូវបានទទួលស្គាល់ និងតម្រូវការកម្ម៉ងទិញ យ៉ាងខ្ពស់ផងដែរ» ។
លោកឧកញ៉ា សឹង ចាតវិជ្ជា បានបន្តថា ដោយការយកចិត្តទុកដាក់ខ្ពស់លើគុណភាព និងសុវត្ថិភាព សាប៊ូដុសខ្លួន «សុខមាល» មាន ៣ក្លិន ៣ពណ៏ ព្រមគ្នាតែម្តង គឺ៖ ទី១-ក្លិនសាគូរ៉ា ប៉ារីស, ទី២-ក្លិនក្រូច, និងទី៣-ក្លិនប៉ោមខៀវ។ លក្ខណៈពិសេសរបស់សាប៊ូនេះ របស់សាប៊ូដុស ខ្លួនទាំងបីនេះមានដូចជា ការចម្រាញ់ចេញពីធម្មជាតិ សម្រាប់គ្រប់ប្រភេទស្បែក, សម្អាតបានជ្រះល្អ, ធ្វើអោយស្បែកមានសភាពទន់ល្មើយ ភ្លឺរលោង មានសំណើម, ចិញ្ចឹមស្បែកដោយ វីតាមីន B5 និង Glycerin និង មានពពុះច្រើន ។ ចំពោះតម្លៃវិញគឺសមរម្យណាស់ អាចប្រកួតប្រជែងនៅលើទីផ្សារបាន ចំណុះ ១០០០ មីលីលីត្រ តម្លៃត្រឹមតែ ២០,០០០ រៀល ប៉ុណ្ណោះ! ។
ជាមួយគ្នានេះផងដែរ លោកឧកញ៉ាបានបញ្ជាក់ថា បច្ចុប្បន្នរោងចក្រមានសមត្ថភាព ផលិតបានខ្ពស់ រហូតដល់ទៅ ៤ម៉ឺនដប ក្នុងមួយថ្ងៃ ដើម្បីឆ្លើយតបនឹងតម្រូវការទីផ្សារ។ ការបើករោងចក្រផលិតសាប៊ូកក់សក់នៅពេលនេះ គឺចំកាលៈទេសៈ និងជាការសម្រេចចិត្តដ៏ត្រឹមត្រូវបំផុត ស្របពេលដែលប្រជាជនខ្មែរ ទូទាំងប្រទេសកំពុងរួមដៃគ្នា ធ្វើពហិការមិនប្រើប្រាស់ផលិតផលពីប្រទេសជិតខាង ។
លោកឧកញ៉ា សឹង ចាតវិជ្ជា បន្ថែមថា៖ «យើងមានការឈឺចាប់ ទើបយើងរួមចិត្ត រួមកម្លាំងគ្នាបង្កើតនូវរោងចក្រនេះឡើង ដើម្បីបង្ហាញថាខ្មែរ ក៏អាចធ្វើបាន! កាលពីមុន យើងធ្លាប់តែរំពឹងលើផលិតផល នាំចូលរហូតដល់ ៨០% ប៉ុន្តែឥឡូវនេះ ស្មារតីស្នេហាជាតិបានក្រោកឈរឡើង ប្រជាជនខ្មែរបានងាកមកគាំទ្រផលិតផល ក្នុងស្រុកយ៉ាងពេញទំហឹង។ តោះ! ចូលរួមគាំទ្រសហគ្រាសខ្មែរ និងប្រើប្រាស់សាប៊ូដុសខ្លួន «សុខមាល» ដើម្បីមោទនភាពជាតិ និងសេដ្ឋកិច្ចជាតិយើងទាំងអស់គ្នា» ៕ អត្ថបទសហការ
ចែករំលែកព័តមាននេះ