រាជធានីភ្នំពេញ ៖ ក្នុងពិព័រណ៍ពាណិជ្ជកម្ម និងផ្សព្វផ្សាយផលិតផលវៀតណាម-កម្ពុជា ឆ្នាំ ២០២៦ (VIDEX CAMBODIA 2026) ក្រុមហ៊ុន Metfone រួមជាមួយបណ្តាក្រុមហ៊ុនផ្សេងទៀតនៃសម្ព័ន្ធក្រុមហ៊ុន Viettel បាននាំយកដំណោះស្រាយបច្ចេកវិទ្យាជាច្រើនមកដាក់តាំងបង្ហាញ ដែលគ្របដណ្តប់លើវិស័យទូរគមនាគមន៍ ហិរញ្ញវត្ថុឌីជីថល បញ្ញាសិប្បនិម្មិត (AI) ភស្តុភារកម្ម និងទីក្រុងឆ្លាតវៃ ដើម្បីបើកឱកាសថ្មីៗសម្រាប់កិច្ចសហប្រតិបត្តិការ និងការអនុវត្តបច្ចេកវិទ្យានៅកម្ពុជា ។
ពិព័រណ៍ VIDEX CAMBODIA 2026 ប្រព្រឹត្តទៅចាប់ពីថ្ងៃទី ១៤ ដល់ថ្ងៃទី ១៧ ខែតុលា នៅមជ្ឈមណ្ឌលសន្និបាត និងពិព័រណ៍កោះពេជ្រ រាជធានីភ្នំពេញ ដោយមានការចូលរួមពីសហគ្រាសជាង ១៦០ និងស្តង់តាំងពិព័រណ៍ជាង ២៣០ ។ ព្រឹត្តិការណ៍នេះផ្តល់ឱកាសដល់សហគ្រាសនៃប្រទេសទាំងពីរក្នុងការពង្រឹងទំនាក់ទំនង បង្ហាញផលិតផល និងស្វែងរកឱកាសភាពជាដៃគូក្នុងវិស័យពាណិជ្ជកម្ម វិនិយោគ និងបច្ចេកវិទ្យា ។
ក្រោមសារសំខាន់ «បច្ចេកវិទ្យាសកល ដើម្បីអនាគតប្រកបដោយចីរភាព» ដែលឆ្លុះបញ្ចាំងពីចក្ខុវិស័យរបស់ Viettel ក្នុងការប្រើប្រាស់សមត្ថភាពបច្ចេកវិទ្យាលំដាប់សកល ដើម្បីឆ្លើយតបទៅនឹងតម្រូវការជាក់ស្តែងរបស់ប្រជាពលរដ្ឋ អាជីវកម្ម និងសង្គម ស្តង់ពិព័រណ៍របស់ Viettel បានទាក់ទាញចំណាប់អារម្មណ៍ពីក្រសួង ស្ថាប័នរដ្ឋាភិបាល សហគ្រាស និងអ្នកទស្សនាមកពីប្រទេសវៀតណាម និងកម្ពុជា ។ ស្តង់ពិព័រណ៍នេះផ្តល់ឱកាសឱ្យអ្នកចូលរួមទទួលបានបទពិសោធន៍ផ្ទាល់ជាមួយដំណោះស្រាយតភ្ជាប់ឌីជីថល ហិរញ្ញវត្ថុឌីជីថល និងបញ្ញាសិប្បនិម្មិត (AI) ព្រមទាំងដំណោះស្រាយថាមពល និងទីក្រុងឆ្លាតវៃ ដែលផ្តល់ដោយក្រុមហ៊ុន Viettel Cambodia ដែលធ្វើប្រតិបត្តិការក្រោមម៉ាកយីហោ Metfone និងក្រុមហ៊ុនបុត្រសម្ព័ន្ធផ្សេងទៀតរបស់ Viettel ។
ក្នុងវិស័យភស្តុភារកម្ម Metfone បាននាំយកសេវាកម្ម Metfone Express ដែលបានដាក់ឱ្យដំណើរការកាលពីខែមិថុនា ឆ្នាំ ២០២៦ មកបង្ហាញ ។ សេវាកម្មនេះប្រើប្រាស់បច្ចេកវិទ្យាសម្រាប់ការគ្រប់គ្រងការបញ្ជាទិញ ការសម្របសម្រួលការដឹកជញ្ជូន និងការតាមដានស្ថានភាពកញ្ចប់ទំនិញ ។ សេវាកម្មនេះគឺជាជំហានបន្តនៃការពង្រីកវិសាលភាពអាជីវកម្មរបស់ក្រុមហ៊ុន ដើម្បីឆ្លើយតបទៅនឹងតម្រូវការដែលកំពុងកើនឡើងក្នុងទីផ្សារពាណិជ្ជកម្ម និងដឹកជញ្ជូននៅកម្ពុជា ។
ចាប់តាំងពីការចាប់ផ្តើមប្រតិបត្តិការពាណិជ្ជកម្មនៅឆ្នាំ ២០០៩ Metfone បានក្លាយជាក្រុមហ៊ុនផ្តល់សេវាទូរគមនាគមន៍មួយ ដែលមានហេដ្ឋារចនាសម្ព័ន្ធគ្របដណ្តប់យ៉ាងទូលំទូលាយនៅទូទាំងប្រទេសកម្ពុជា ។ ដោយផ្អែកលើមូលដ្ឋានគ្រឹះដ៏រឹងមាំនេះ ក្រុមហ៊ុនកំពុងពង្រីកសកម្មភាពជាបន្តបន្ទាប់ទៅកាន់សេវាកម្មឌីជីថល ហិរញ្ញវត្ថុឌីជីថល ភស្តុភារកម្ម និងដំណោះស្រាយបច្ចេកវិទ្យាសម្រាប់សហគ្រាស ។
ទន្ទឹមនឹងសកម្មភាពអាជីវកម្ម Metfone ក៏បានអនុវត្តកម្មវិធីគាំទ្រសហគមន៍ក្នុងវិស័យអប់រំ សុខាភិបាល និងការតភ្ជាប់អ៊ីនធឺណិត ដើម្បីជួយពង្រីកលទ្ធភាពទទួលបានបច្ចេកវិទ្យា ជាពិសេសនៅតាមតំបន់ជនបទ និងតំបន់ដាច់ស្រយាល ។
ការចូលរួមរបស់ Metfone ក្នុងពិព័រណ៍ VIDEX CAMBODIA 2026 បានបង្កើតឱកាសបន្ថែមសម្រាប់ការតភ្ជាប់ទំនាក់ទំនងរវាងសហគ្រាសបច្ចេកវិទ្យាវៀតណាម និងកម្ពុជា ព្រមទាំងណែនាំដំណោះស្រាយឌីជីថលដែលអាចអនុវត្តបានក្នុងវិស័យសេដ្ឋកិច្ចជាច្រើន ។ កិច្ចខិតខំប្រឹងប្រែងទាំងនេះរួមចំណែកលើកកម្ពស់កិច្ចសហប្រតិបត្តិការផ្នែកបច្ចេកវិទ្យា គាំទ្រតម្រូវការនៃការធ្វើបរិវត្តកម្មឌីជីថល និងជំរុញការអភិវឌ្ឍសេដ្ឋកិច្ចឌីជីថលកម្ពុជាប្រកបដោយចីរភាព ៕ អត្ថបទសហការ
ចែករំលែកព័តមាននេះ