រាជធានីភ្នំពេញ ៖ នៅពេលនិយាយដល់ជំងឺមហារីក មនុស្សជាច្រើនគិតដល់ជំងឺមហារីកសួត មហារីកមាត់ស្បូន ឬជំងឺមហារីកសុដន់ដែលជួបញឹកញាប់ ។ ប៉ុន្តែ មហារីកច្រមុះ ក៏ជាជំងឺមួយដែលបងប្អូនបុរសស្ត្រីគួរយកចិត្តទុកដាក់ផងដែរ ។ យោងតាមការណែនាំពីសាស្ត្រាចារ្យវេជ្ជបណ្ឌិត កែវ សុវណ្ណ ឯកទេសផ្នែកត្រចៀក ច្រមុះ បំពង់ក នៅមន្ទីរពហុព្យាបាល អឃីត សែនសុខ អ្នកដែលចូលចិត្តញ៉ាំ ឬធ្វើការនៅកន្លែងមានផ្សែង ឬសារធាតុគីមីច្រើន គួរយកចិត្តទុកដាក់ចំពោះសុខភាពច្រមុះ និងផ្លូវដង្ហើម ។
តើនរណាខ្លះគួរប្រុងប្រយ័ត្ន ? ការហិតផ្សែង ឬសារធាតុគីមីក្នុងរយៈពេលយូរអាចប្រឈមនឹងបញ្ហាមហារីកច្រមុះ ។ ក្នុងជីវភាពប្រចាំថ្ងៃ អ្នកដែលគួរប្រុងប្រយ័ត្នមានដូចជា ៖
• អ្នកចូលចិត្តញ៉ាំអាហារបែបអាំង ឬមានផ្សែងហុយ ដូចជាសាច់អាំង Barbeque និងត្រីឆ្អើ
• អ្នកវៃសារ៉ាស្បែកជើង
• អ្នកបាញ់ថ្នាំសម្លាប់សត្វល្អិត
• ជាងមាស
• ឬអ្នកធ្វើការនៅកន្លែងមានផ្សែងពីការដុតពីភ្លើង ឬការងារនៅកន្លែងមានសារធាតុគីមីច្រើន ។
តើជំងឺមហារីកច្រមុះអាចបង្ហាញរោគសញ្ញាអ្វីខ្លះ ? រោគសញ្ញាដែលគួរយកចិត្តទុកដាក់អាចរួមមាន ៖
• ឈឺក្បាលរ៉ាំរៃ ឬឈឺមួយជំហៀងក្បាល
• ឈាមច្រមុះញឹកញាប់ ឈាមតែម្ខាង ឬមានឈាមលាយជាមួយសំបោរ
• តឹងច្រមុះម្ខាង ឬសងខាង
• មានដុំំ ឬហើមក្នុងច្រមុះ
• បាត់បង់ការដឹងក្លិន ឈឺក និងពិបាកលេបអាហារ ។
ប៉ុន្តែសូមបងប្អូនកុំទាន់ភ័យព្រួយ ទោះបីបងប្អូនមានរោគសញ្ញាខាងលើនេះ ក៏មិនទាន់អាចបញ្ជាក់ថា បងប្អូនមានជំងឺមហារីកច្រមុះឡើយ ។ សូមទៅពិនិត្យសុខភាពនៅមន្ទីរពេទ្យ ឬជួបជាមួយសាស្ត្រាចារ្យវេជ្ជបណ្ឌិត ឯកទេសផ្នែកត្រចៀក ច្រមុះ បំពង់ក ដើម្បីពិនិត្យ និងធ្វើរោគវិនិច្ឆ័យឱ្យបានច្បាស់ និងទាន់ពេលវេលា ។
នៅមន្ទីរពហុព្យាបាល អឃីត សែនសុខ មានពិនិត្យ ព្យាបាល និងវះកាត់ផ្នែកត្រចៀក ច្រមុះ បំពង់ក ដោយសាស្ត្រាចារ្យ និងវេជ្ជបណ្ឌិតឯកទេស ដែលមានជំនាញ និងបទពិសោធន៍ជាច្រើនឆ្នាំ ។
ព័ត៌មានបន្ថែមពីការព្យាបាលនៅមន្ទីរពេទ្យ អឃីត
សាខាកោះពេជ្រ ៖ 086 999 173
សាខាសែនសុខ ៖ 098 941 758 ៕ អត្ថបទសហការ
សូមទស្សនាវីដេអូ ៖ https://www.facebook.com/reel/669470199436418
ចែករំលែកព័តមាននេះ