រាជធានីភ្នំពេញ, ខែកញ្ញា ឆ្នាំ ២០២៦ ៖ ភោជនីយដ្ឋាន Dian Xiao Er បានពង្រឹងកិត្យានុភាពរបស់ខ្លួននៅលើឆាកអន្តរជាតិ ម្តងទៀត ដោយទទួលបានពានរង្វាន់ The People’s Choice Award នៅក្នុងព្រឹត្តិការណ៍ RAS Epicurean Star Award 2026 នៅប្រទេសសិង្ហបុរី ។ នេះគឺជាលើកទី ៣ ហើយដែល Dian Xiao Er ទទួលបានពានរង្វាន់ដ៏មានតម្លៃមួយនេះបន្ទាប់ពីធ្លាប់បានឈ្នះក្នុងឆ្នាំ ២០២៣ និង ២០២៤ ។
កម្មវិធី Epicurean Star Award គឺជាព្រឹត្តិការណ៍ប្រចាំឆ្នាំដ៏ធំមួយដែលរៀបចំឡើងដោយ សមាគមភោជនីយដ្ឋាន សិង្ហបុរី (Restaurant Association of Singapore – RAS) ដើម្បីវាយតម្លៃ និងលើកតម្កើងភោជនីយដ្ឋាន និងអាជីវកម្មម្ហូបអាហារ-ភេសជ្ជៈ (F&B) ដែលមានស្នាដៃឆ្នើម និងផ្តល់បទពិសោធន៍ដ៏ល្អឥតខ្ចោះជូនអតិថិជន ។ ពានរង្វាន់ដែលកើតចេញពីបេះដូង និងការបោះឆ្នោតរបស់អតិថិជន អ្វីដែលធ្វើឱ្យពានរង្វាន់ The People’s Choice Award មានតម្លៃ និងអត្ថន័យពិសេសបំផុតសម្រាប់ Dian Xiao Er នោះគឺ ការជ្រើសរើសជ័យលាភីត្រូវបានធ្វើឡើងតាមរយៈការបោះឆ្នោតផ្ទាល់ពីសំណាក់អតិថិជន និងមហាជន ។ ពានរង្វាន់នេះមិនត្រឹមតែជាការសម្រេចដោយគណៈកម្មការជំនាញប៉ុណ្ណោះទេ ប៉ុន្តែគឺជាសាក្សីបញ្ជាក់យ៉ាងច្បាស់ពីក្តីស្រឡាញ់ ការពេញចិត្ត និងទំនុកចិត្តយ៉ាងជ្រាលជ្រៅដែលអតិថិជនមានចំពោះ Dian Xiao Er ។
ការទទួលបានពានរង្វាន់ជាលើកទី ៣ នេះ គឺជាការឆ្លុះបញ្ចាំងពីស្តង់ដារគុណភាពខ្ពស់ រសជាតិអាហារដ៏ប្រណីត និងសេវាកម្មប្រកបដោយភាពកក់ក្តៅដែល Dian Xiao Er បានរក្សាយ៉ាងខ្ជាប់ខ្ជួនក្នុងរយៈពេលជាច្រើនឆ្នាំកន្លងមក ។ ពង្រីកភាពល្បីល្បាញពីសិង្ហបុរី មកកាន់បេះដូងនៃរាជធានីភ្នំពេញ Dian Xiao Er បានបង្កើតឡើងដំបូងនៅប្រទេសសិង្ហបុរី ហើយបានកសាងកេរ្តិ៍ឈ្មោះ យ៉ាងល្បីល្បាញតាមរយៈម្ហូបចិនបែបប្រពៃណី ជាមួយបរិយាកាសកក់ក្តៅ សមស្របសម្រាប់គ្រួសារ ។ ក្នុងចំណោមមុខម្ហូបប្រចាំហាងជាច្រើន ទាខ្វៃឱសថបុរាណ (Herbal Roast Duck) គឺជាមុខម្ហូបឯកដ៏ល្បីល្បាញ ដែលបានជួយបង្កើតអត្តសញ្ញាណ និងភាពជោគជ័យជូន Dian Xiao Er កន្លងមក ។
បច្ចុប្បន្ន Dian Xiao Er បាននាំយកស្តង់ដារ និងរសជាតិដើមដ៏ល្បីល្បាញមកជូនប្រជាជនកម្ពុជាផងដែរ តាមរយៈសាខា Dian Xiao Er Cambodia នៅក្នុងសង្កាត់ បឹងកេងកងទី ១ រាជធានីភ្នំពេញ ។ សម្រាប់ Dian Xiao Er Cambodia សមិទ្ធផលអន្តរជាតិនេះ គឺជាការបញ្ជាក់បន្ថែមទៀតជូនអតិថិជននៅកម្ពុជា នូវការប្តេជ្ញាចិត្តលើគុណភាព រសជាតិ និងបទពិសោធន៍ញ៉ាំអាហារកម្រិតស្តង់ដារសិង្ហបុរីដូចគ្នា ។
លោក Samuel Yik ដែលជាស្ថាបនិករបស់ Dian Xiao Er បានមានប្រសាសន៍ថា ៖ «ការទទួលបានពានរង្វាន់ The People’s Choice Award ជាលើកទី ៣ គឺជាកិត្តិយសដ៏ខ្ពង់ខ្ពស់ និងជាកម្លាំងចិត្តដ៏ធំធេងសម្រាប់គ្រួសារ Dian Xiao Er ទាំងមូល ។ ជោគជ័យនេះកើតឡើងបាន ដោយសារតែការគាំទ្រ និងទំនុកចិត្តពីសំណាក់អតិថិជនទាំងអស់ ។ យើងខ្ញុំសូមថ្លែងអំណរគុណ យ៉ាងជ្រាលជ្រៅ និងសូមប្តេជ្ញាចិត្តបន្តផ្តល់ជូននូវគុណភាពអាហារដ៏ល្អ និងពេលវេលាដ៏មានន័យ សម្រាប់គ្រប់អតិថិជនទាំងអស់បន្ថែមទៀត» ។
Dian Xiao Er សូមថ្លែងអំណរគុណយ៉ាងជ្រាលជ្រៅចំពោះអតិថិជនទាំងអស់ ដែលបានបន្តជ្រើសរើស និងរួមដំណើរ ជាមួយយើងខ្ញុំ ។ រាល់ការអញ្ជើញមកពិសារអាហារ និងស្នាមញញឹមរបស់លោកអ្នក គឺជាកម្លាំងជំរុញឱ្យ Dian Xiao Er បន្តអភិវឌ្ឍន៍ខ្លួនកាន់តែប្រសើរឡើង ។
ទីតាំងហាង ៖ https://maps.app.goo.gl/9quuH8HF6NREF9rSA
ទំនាក់ទំនងកក់តុ ៖ +855 86 866 887
ព័ត៌មានបន្ថែម ៖ https://www.facebook.com/dxekh.official ៕ អត្ថបទសហការ
ចែករំលែកព័តមាននេះ