ខេត្តកំពត ៖ ដើម្បីចូលរួមចំណែកក្នុងការការពារបរិស្ថាន ក្រុមហ៊ុន តូយ៉ូតា (ខេមបូឌា) បានចាប់ដៃគូសហការជាមួយសភាយុវពាណិជ្ជករអន្តរជាតិកម្ពុជា (JCI) រៀបចំកម្មវិធីដាំកូនកោងកាងសរុបចំនួន ២.០២៥…
ខេត្តកំពត ៖ ដើម្បីចូលរួមចំណែកក្នុងការការពារបរិស្ថាន ក្រុមហ៊ុន តូយ៉ូតា (ខេមបូឌា) បានចាប់ដៃគូសហការជាមួយសភាយុវពាណិជ្ជករអន្តរជាតិកម្ពុជា (JCI) រៀបចំកម្មវិធីដាំកូនកោងកាងសរុបចំនួន ២.០២៥ ដើម នៅខេត្តកំពត ។
ពិធីដាំកូនកោងកាងនេះ ធ្វើឡើងកាលពីព្រឹកថ្ងៃអាទិត្យ ទី ៧ ខែកញ្ញា ឆ្នាំ ២០២៥ ក្រោមប្រធានបទ «តោះដាំដើមឈើ ចាំអង្កាល់ទៀត !» ។ កម្មវិធីនេះធ្វើឡើងនៅសហគមន៍នេសាទកំពង់សាមគ្គី ក្នុងភូមិកំពង់ត្នោត ឃុំកូនសត្វ ស្រុកទឹកឈូ ខេត្តកំពត ដែលមានការចូលរួមពីលោក អ៉ឹម ច័ន្ទសោធន អភិបាលស្រុកទឹកឈូ ។
ការដាំកូនកោងកាងនេះ មិនត្រឹមតែជួយដល់ជីវៈចម្រុះ និងមច្ឆាជាតិប៉ុណ្ណោះទេ ថែមទាំងជារបាំងធម្មជាតិជួយទប់ស្កាត់ទឹកជំនន់ ការកើនឡើងកម្ពស់ទឹកសមុទ្រ និងការបាក់ច្រាំងផងដែរ ។
តោះ ! ចាប់ផ្ដើមទាំងអស់គ្នា ដើម្បីភពផែនដីដែលជាមាតារបស់យើងទាំងអស់គ្នា ! អនាគតនៃភពផែនដីស្ថិតនៅក្នុងដៃអ្នក ! សូមរួមគ្នារក្សាភាពសុខដុមជាមួយធម្មជាតិ ! ៕ អត្ថបទសហការ
ចែករំលែកព័តមាននេះ