រាជធានីភ្នំពេញ ៖ កាលពីពេលថ្មីៗនេះក្រុមហ៊ុន TODAY internet បានសហការជាមួយដៃគូ MoU របស់ខ្លួន គឺវិទ្យាស្ថានសាន់រ៉ាយស៍ ក្នុងការរៀបចំនូវវគ្គបណ្ដុះបណ្ដាលខ្លីមួយដែលមានឈ្មោះ…
រាជធានីភ្នំពេញ ៖ កាលពីពេលថ្មីៗនេះក្រុមហ៊ុន TODAY internet បានសហការជាមួយដៃគូ MoU របស់ខ្លួន គឺវិទ្យាស្ថានសាន់រ៉ាយស៍ ក្នុងការរៀបចំនូវវគ្គបណ្ដុះបណ្ដាលខ្លីមួយដែលមានឈ្មោះ ថា Network BootCamp ដែលជាផ្នែកមួយពង្រឹងគុណវុឌ្ឍិរបស់បុគ្គលិក ដើម្បីផ្តល់សេវាថែទាំ បច្ចេកទេសដល់អតិថិជនរបស់ខ្លួនប្រកបដោយគុណភាព ។ BootCamp គឺជាកម្មវិធី បណ្តុះបណ្តាលជំនាញឯកទេសដែលត្រូវបានរចនាឡើងដើម្បីលត់ដំជំនាញស្នូល និងចំណេះដឹងអោយកាន់តែខ្លាំង និងស៊ីជម្រៅដោយផ្សារភ្ជាប់ជាមួយការ អនុវត្តន៍ជាក់ស្តែង ក៏ដូចជាគ្រូបង្គោលដែលមានបទពិសោធន៍ និងកំពុងបម្រើការក្នុងជំនាញស្រាប់ ។
សម្រាប់វគ្គ Network BootCamp នេះនឹងផ្តល់នូវចំណេះដឹងផ្នែកបណ្តាញមូលដ្ឋាន ជំនាញជាក់
ស្តែងក្នុងការកំណត់រចនាសម្ព័ន្ធបណ្តាញ ដំណោះស្រាយបញ្ហាឧបករណ៍ និងការយល់ដឹងអំពី គំនិតបណ្តាញទំនើបៗដូចជា IPv6, ឧបករណ៍ឥតខ្សែ, បណ្ដាញសុវត្ថិភាព និងស្វ័យប្រវត្តិកម្ម ។
លោក ម៉េង សុងកេង នាយកប្រតិបត្តិនៃក្រុមហ៊ុន TODAY internet បានមានប្រសាសន៍ថា “នេះជាគំនិតផ្តួចផ្តើម និងជាការវិនិយោគរបស់ក្រុមហ៊ុនក្នុងការជួយជំរុញដល់ការបណ្តុះ បណ្តាលជំនាញស្នូលសម្រាប់ទាំងបុគ្គលិកហាត់ការ និងបុគ្គលិកពេញសិទ្ធិដើម្បីអោយពួកគាត់មានសមត្ថភាពគ្រប់គ្រាន់ក្នុងការផ្តល់សេវាប្រកបដោយគុណភាពជូនដល់អតិថិជន និងជាការវិនិយោគដល់អនាគតដ៏វែងឆ្ងាយរបស់ពួកគេក្នុងវិស័យការងារបច្ចេកវិទ្យាផងដែរ ។”
បច្ចុប្បន្នក្រុមហ៊ុន TODAY internet បាននឹងកំពុងបម្រើសេវាអ៉ីនធឺណិតជូនដល់អតិថិជនទាំង ប្រភេទក្រុមហ៊ុនអាជីវកម្ម និងតាមគេហដ្ឋាននៅតាមបណ្តាលខេត្តក្រុងដូចជា រាជធានីភ្នំពេញ ក្រុងតាខ្មៅ ក្រុងបាវិត ក្រុងប៉ោយប៉ែត ខេត្តបាត់ដំបង ខេត្តសៀមរាប និងខេត្តព្រះសីហនុ ។
សម្រាប់ព័ត៌មានបន្ថែម សូមទាក់ទងតាមរយៈទូរស័ព្ទលេខ ៖ Hotline Number 070 21 55 77 ឬតាមរយៈ Facebook Messenger “TODAY Internet” ឬគេហរទំព័រ today.com.kh ៕ អត្ថបទសហការ
ចែករំលែកព័តមាននេះ