ខេត្តកំពង់ធំ ៖ មន្ត្រីជាន់ខ្ពស់កាកបាទក្រហមកម្ពុជាខេត្តកំពង់ធំ បានលើកយកបុណ្យកុសលដែលកើតចេញពីពិធីបុណ្យកាន់បិណ្ឌថ្ងៃទី ១ ឆ្នាំនេះឧទ្ទិសជូនចំពោះដួងវិញ្ញាណក្ខ័នវីរយុទ្ធជនកម្ពុជា ដែលពលីជីវិតក្នុងបុព្វហេតុការពារជាតិមាតុភូមិ និងប្រជាជនកម្ពុជានាពេលកន្លងមក និងនាពេលថ្មីៗនេះ នៃការប៉ះទង្គិចរវាងកម្ពុជា…
ខេត្តកំពង់ធំ ៖ មន្ត្រីជាន់ខ្ពស់កាកបាទក្រហមកម្ពុជាខេត្តកំពង់ធំ បានលើកយកបុណ្យកុសលដែលកើតចេញពីពិធីបុណ្យកាន់បិណ្ឌថ្ងៃទី ១ ឆ្នាំនេះឧទ្ទិសជូនចំពោះដួងវិញ្ញាណក្ខ័នវីរយុទ្ធជនកម្ពុជា ដែលពលីជីវិតក្នុងបុព្វហេតុការពារជាតិមាតុភូមិ និងប្រជាជនកម្ពុជានាពេលកន្លងមក និងនាពេលថ្មីៗនេះ នៃការប៉ះទង្គិចរវាងកម្ពុជា ថៃ និងសូមឲ្យវីរយុទ្ធជនដ៏អង់អាចក្លាហានដែលកំពុងសម្រាកព្យាបាលទាំងអស់បានជាសះស្បើយ និងមានសុខភាពរឹងមាំដើម្បីបន្តការពារបូរណភាពទឹកដីពីការឈ្លានពានពីខ្មាំងសត្រូវ ។
នេះជាការបញ្ជាក់របស់លោកជំទាវ ខៀវ ស៊ីណា ជា ចាន់តូ អនុប្រធានកិត្តិយស សាខាកាកបាទក្រហមកម្ពុជាខេត្តកំពង់នាថ្ងៃទី ៨ ខែកញ្ញា ឆ្នាំ ២០២៥ ក្នុងឱកាសដែលលោកជំទាវ និងសហការីព្រមទាំងក្រុមគ្រួសារ អញ្ជើញចូលរួមកាន់បិណ្ឌទី ១ ជាមួយប្រជាពុទ្ធបរិស័ទចំណុះជើងវត្តដែលបានប្រារព្ធធ្វើនៅវត្តមួយចំនួនស្ថិតនៅ ស្រុកសន្ទុក ខេត្តកំពង់ធំ ។
លោកជំទាវ ខៀវ ស៊ីណា ជាចាន់តូ បានលើកឡើងផងដែរ ប្រជាជនយើងបានប្រារព្វធ្វើបុណ្យទានតាមប្រពៃណីនានាដូចបុណ្យកាន់បិណ្ឌនាថ្ងៃនេះ បានយើងមិនអាចបំភ្លេចបាននូវគុណបំណាច់ និងការលះបង់ដ៏ធំធេងរបស់វីរយុទ្ធជនយើងបានឡើយ ។ ដូចនេះសូមបុណ្យកុសលដែលយើងបានធ្វើឡើងនៅក្នុងឱកាសនៃថ្ងៃបិណ្ឌទី ១ នេះជូនដល់ដួងវិញ្ញាណក្ខ័នយុទ្ធជន យុទ្ធនារីស្នេហាជាតិដែលពលីជីវិតក្នុងបុព្វហេតុជាតិមាតុភូមិគ្រប់សម័យកាល និងជាពិសេស ចំពោះវីរយុទ្ធជនដែលបានពលីជៅវិតក្នុងការការពាទឹកដីក្នុងការប៉ះទង្គិចលើសមរភូមិព្រំដែន កម្ពុជា ថៃ នាពេលថ្មីៗនេះសូមឲ្យមនុញ្ញផលជួយជូនវិញ្ញាណក្ខ័នអស់លោកទាំងនេះបានសោយសុខនាឋានបុរមសុខកុំបីឃ្លៀងឃ្លាតឡើយ ។ ហើយមួយចំណែកទៀតជូនពរដល់វិរះយុទ្ធជនកំពុងសម្រាក់ព្យាបាលឆាប់បានជាសះស្បើយនិងមានសុខភាពល្អបរិបូរណ៍ប្រកបដោយកំលាំងរឹងមាំខ្លាំងក្លាដើម្បីបន្តបំពេញភារកិច្ចដ៏ឧត្ដង្គឧត្ដមជូនជាតិមាតុភូមិនិងប្រជាជនកម្ពុជាឲ្យជួបនូវសេចក្ដីសុខនិងប្រទេសកម្ពុជាមានតែសុខសន្តិភាព និងការអភិវឌ្ឍលើគ្រប់វិស័យ ។
ទន្ទឹមនឹងនេះដែរតាមរយៈបុណ្យកុសលដែលកើតចេញពីបុណ្យកាន់បិណ្ឌនេះទី ១ នេះដែរក៏បានបួងសួងសូមឲ្យមនុញ្ញផលកើតចេញពីបុណ្យប្រកបដោយសុទ្ធាជ្រះថ្លានៃមហាកម្លាំងសាមគ្គីរបស់ប្រជាជនយើងសូមផ្ដល់នូវសេចក្ដីសុខ ចម្រុងចម្រើនដល់ថ្នាក់ជាតិ គ្រប់លំដាប់ថ្នាក់និងប្រជាជនកម្ពុជាទាំងអស់ទទួលបានតែសេចក្ដីសុខនិងមានការអភិវឌ្ឍរីកចម្រើនសម្បូររុងរឿងហើយសូមឈ្នះអស់មាសត្រូវមកពីគ្រប់ទិសទី ។
នៅក្នុងឱកាសនៃការអញ្ជើញចូលរូមក្នុងថ្ងៃកាន់បិណ្ឌទី ១នេះលោកជំទាវ ខៀវ ស៊ីណា ជាចាន់តូ ក៏បានវេបច្ច័យដែលកើតចេញពីទឹកចិត្តប្រកបដោយសុទ្ធាប្រគេនចំពោះព្រះសង្ឃសម្រាប់ទ្រទ្រង់ក្នុងពិធីបុណ្យកាន់បិណ្ឌ និងបានប្រគេនទយ្យវត្ថុគ្រឿងបរិក្ខាមួយចំនួនដល់បណ្ដាវត្តចំនួន ៣ ក្នុងនោះសម្រាប់វត្តសង់ឃ្លាំងបច្ច័យកាន់បិណ្ឌវត្តចំនួន ១លាន ៧សែនរៀល, បច្ច័យប្រគេព្រះសង្ឃ ២លាន ៨សែនរៀល និងបច្ច័យសម្រាប់កសាងវត្តចំនួន ១ពាន់ដុល្លា ,វត្តសន្ទុកក្រៅបច្ច័យកាន់ ១លាន ៣ម៉ឺនរៀល,ប្រគេនបច្ច័យប្រគេនព្រះសង្ឃ ២លានរៀល និងវត្តធ្មម្មនាថបច្ច័យកាន់ ១លាន ៤ម៉ឺនរៀលបច្ច័យប្រគេនព្រះសង្ឃ៣លានរៀលនិងបច្ច័យកសាងវត្ត ១ពាន់ដុល្លា ៕ អត្ថបទសហការ
ចែករំលែកព័តមាននេះ