ADផ្ទាំងផ្សព្វផ្សាយពាណិជ្ជកម្ម

មន្ត្រីជាន់ខ្ពស់ធនាគារជាតិ នៃកម្ពុជា ដឹកនាំក្រុមការងារ សាកសួរសុខទុក្ខ យោធិននិងគោរពគោរពវិញ្ញាណក្ខវីរកងទ័ព

2 ថ្ងៃ មុន

១០ ខែ សីហា ឆ្នាំ ២០២៥ ម៉ោង ១៤:០៨

រាជធានីភ្នំពេញ ÷ ដោយការគោពរនិងដឹងគុណ ចំពោះវីរយុទ្ធជន ដ៏អង់អាចក្លាហានក្នុងបុព្វហេតុការពារមាតុភូមិ, ការពារអធិបតេយ្យ និងបូរណភាពទឹកដីនារសៀល ថ្ងៃទី៩ ខែសីហា ឆ្នាំ២០២៥ លោកជំទាវបណ្ឌិត ជា សិរី ទេសាភិបាលធនាគារជាតិនៃកម្ពុជា បានអញ្ជើញទៅកាន់មន្ទីរពេទ្យ យោធភូមិភាគទី៤ និងមន្ទីរពេទ្យបង្អែក ខេត្តសៀមរាប ដើម្បីសាកសួរសុខទុក្ខ និងនាំយកអំណោយដ៏ថ្លៃថ្លារបស់ សម្តេចមហាបវរធិបតី និងលោកជំទាវបណ្ឌិត ពេជ ចន្ទមុន្នី ហ៊ុន ម៉ាណែត ជូនយោធិនដែលកំពុងសម្រាកព្យាបាល ដែលកំពុងសម្រាកព្យាបាលកនៅទៅនោះ ។

ក្នុងឱកាសនោះលោកជំទាវបណ្ឌិត ជា សិរី បានពាំនាំនូវការផ្ដាំផ្ញើរសាកសួរសុខទុក្ខ ពីសំណាក់សម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត, សម្តេចមហាបវរធិបតី ហ៊ុន ម៉ាណែត និងលោកជំទាវបណ្ឌិត ពេជ ចន្ទមុន្នី ជូនចំពោះយោធិនយើង និងបានជូនពរឱ្យបានឆាប់ជាសះស្បើយ និងទទួលបានសុខភាពល្អកាន់តែរឹងមាំផងដែរ ។ ជាមួយនេះដែរលោកជំទាវ បណ្ឌិត ជា សិរី នូវបានសម្ដែងនូវការគោរពដឹងគុណយ៉ាងជ្រាលជ្រៅបំផុត ចំពោះការតស៊ូនិងការលះបង់ដ៏ធំធេង មិនអាចកាត់ថ្លៃបានរបស់វីរយុទ្ធជនយើង ក្នុងបុព្វហេតុការជាតិមាតុភូមិ និងប្រជាជនកម្ពុជា ហើយសូមចងចាំជានិច្ច ក្នុងបេះដូងកូនខ្មែរគ្រប់ៗជំនាន់ ។

បន្តមកនៅថ្ងៃទី១០ខែសីហា ឆ្នាំ២០២៥ លោកជំទាវបណ្ឌិត ជា សិរី ទេសាភិបាល ធនាគារជាតិនៃកម្ពុជា បានដឹកនាំក្រុមការងារ បានអញ្ជើញទៅគោរពវិញ្ញាណក្ខវីរកងទ័ព ដែលពលីក្នុងបុព្វហេតុការពារមាតុភូមិ,ការពារអធិបតេយ្យ និងបូរណភាពទឹកដី ចំនួន ៣ គ្រួសាររស់នៅក្នុងស្រុកបន្ទាយស្រី ខេត្តសៀមរាប ក្នុងឱកាសនោះដែរក៏បាននាំយកអំណោយដ៏ថ្លៃថ្លារបស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា និង លោកជំទាវបណ្ឌិត ពេជ ចន្ទមុន្នី ហ៊ុន ម៉ាណែត ជូនដល់ក្រុមគ្រួសារយុទ្ធជនពលីទាំង៣ គ្រួសារផងដែរ ៕ អត្ថបទសហការ