ពិព័រណ៍ CAMWATER, CAMBUILD និង CAMAUTO ឆ្នាំ​២០២៥ រួបរួម​គ្នា​ដើម្បី​ជំរុញ​នវានុវត្តន៍ និង​ព​ន្លឿ​ន​ការ​រីក​ចម្រើន​ក្នុង​វិស័យ​ហេដ្ឋារចនាសម្ព័ន្ធ ទឹក​ស្អាត និង​ច​លន​ភាព ​។

រាជធានីភ្នំពេញ៖ ចក្ខុវិស័យ​របស់​កម្ពុជា ​សម្រាប់​អនាគត ​ដែល​មានការ​ត​ភ្ជាប់ ភាពរឹងមាំ និង​ចីរភាព​កាន់តែ​ប្រសើរ ដែល​នឹង​ក្លាយជា​ចំណុច​ដ៏​សំខាន់​ នៅ​ថ្ងៃនេះ​ ។ ពិព័រណ៍​ឧស្សាហ​កម្មវិស័យ​ទឹក​ស្អាត ២០២៥ ដែល​បាន​រៀបចំ​ឡើង​ដោយ​ក្រុមហ៊ុន Informa Markets និង​សមាគម​អ្នក​ផ្គត់ផ្គង់​ទឹក​ស្អាត​កម្ពុជា (CWA) បាន​ចុះហត្ថលេខា​លើ​អនុស្សរណៈ​ នៃ​ការ​យោគយល់​គ្នា​ជា​ផ្លូវការ (MOU) នៅ​ក្នុង​សន្និសីទ​សារព័ត៌មាន​ដ៏​សំខាន់ ​ដែល​បាន​ប្រារព្ធ​ឡើង​នៅ​សណ្ឋាគារ​ភ្នំពេញ​នៃ ប្រទេស​កម្ពុជា ​។

ពិធី​ចុះហត្ថលេខា​នេះ​បាន​ប្រមូលផ្តុំ​ភាគី ​ពាក់ព័ន្ធ​សំខាន់​ៗ ​មក​ពី​វិស័យ​សំណង់ ទឹក​ស្អាត និង​រថយន្ត​។ តំណាង​ជាន់ខ្ពស់​ មក​ពី​ក្រុមប្រឹក្សា​ស្ថាបត្យករ​កម្ពុជា ក្រុមប្រឹក្សា​វិស្វករ​កម្ពុជា សមាគម​វិនិយោគិន អ្នកម៉ៅការ អ្នក​គ្រប់​គ្រង់​ គម្រោង​ការដ្ឋាន និង​ស្ថាបត្យករ​កម្ពុជា និង​សហព័ន្ធ​ឧស្សាហកម្ម​រថយន្ត​កម្ពុជា បាន​ចូលរួម​ក្នុង​ពិធី​នេះ ដែល​នឹង​ឆ្លុះ​បញ្ចាំង​ពី​ភាព​ស៊ីសង្វាក់​គ្នា​ នៃ​កិច្ច​សហប្រតិបត្តិការ​នេះ​ក្នុង​វិស័យ​ផ្សេង​ៗ​គ្នា​ ។

“​កិច្ច​សហប្រតិបត្តិការ​នេះ​គឺជា​ពេលវេលា​ដ៏​សំខាន់​មួយ​សម្រាប់​វិស័យ​ទឹក​ស្អាត​នៅ​កម្ពុជា​” នេះ​ជា​ប្រសាសន៍​របស់​លោក Gerard Leeuwenburgh អ្នក​គ្រប់​គ្រង់​ទូទៅ​ប្រចាំ​ប្រទេស​ម៉ា​ឡេ​ស៊ី និង​កម្ពុជា នៃ​ក្រុមហ៊ុន Informa Markets​។ “​តាម​រយៈ​វេទិកា​ពិព័រណ៍​របស់​យើង​ជាមួយនឹង​អ្នកជំនាញ និង​បណ្តាញ​របស់​សមាគម​ផ្គត់ផ្គង់​ទឹក​កម្ពុជា យើង​កំពុង​បង្កើត​ឱកាស​ដែល​មិន​ធ្លាប់​មាន​ពី​មុន​មក​សម្រាប់​នវានុវត្តន៍ ការ​វិនិយោគ និង​កំណើន​ប្រកបដោយ​ចីរភាព​។​”

តាម​រយៈ​កិច្ចសហការ​ដ៏​សកម្ម​នេះ​ពិព័រណ៍​ឧស្សាហ​កម្មវិស័យ​ទឹក​ស្អាត ២០២៥ នឹង​គាំទ្រ​របៀបវារៈ​អភិវឌ្ឍន៍​វិស័យ​ទឹក​របស់​កម្ពុជា​ដោយ​៖

· ព​ន្លឿ​ន​ការ​វិនិយោគ​លើ​គម្រោង​ហេដ្ឋារចនាសម្ព័ន្ធ​ទឹក​ស្អាត​ប្រកបដោយ​ចីរភាព
· បង្ហាញ​បច្ចេកវិទ្យា​ជំនាន់​ថ្មី​សម្រាប់​ការ​ប្រព្រឹត្ត​កម្ម​ទឹក និង​ការ​ចែកចាយ
· គាំទ្រ​ការ​ធ្វើ​ទំនើប​កម្ម​ប្រព័ន្ធ​សា​ធារ​ណូ​ប​ភោគ​នៅ​តាម​តំបន់​ទីក្រុង និង​ជនបទ
· សម្រប​សម្រួលការ​បណ្តុះបណ្តាល ការ​ផ្លាស់​ប្តូរ​ចំណេះដឹង និង​គំនិត​ផ្តួចផ្តើម​កសាង​សមត្ថភាព
· បង្កើត​កិច្ច​សន្ទនា​រវាង​អ្នក​បង្កើត​គោលនយោបាយ អ្នកគ្រប់គ្រង អ្នក​ផ្តល់​សេវា​សាធារណៈ និង​អ្នក​ច្នៃប្រឌិត
· ភ្ជាប់​ទំនាក់ទំនង​រវាង​ភាគី​ពាក់ព័ន្ធ​កម្ពុជា​ជាមួយនឹង​ការ​អនុវត្ត​ល្អ​បំផុត​អន្តរជាតិ

អនុស្សរណៈ​នៃ​ការ​យោគយល់​គ្នា​រវាង ពិព័រណ៍​ឧស្សាហ​កម្មវិស័យ​ទឹក​ស្អាត ២០២៥ (CAMWATER2025) និង សមាគម​អ្នក​ផ្គត់ផ្គង់​ទឹក​ស្អាត​កម្ពុជា (CWA) នេះ​នឹង​បង្កើត​អត្ថប្រយោជន៍​ជាក់ស្តែង និង​រយៈពេល​វែង​សម្រាប់​សហគមន៍​ទូ​ទាំង​ប្រទេស​កម្ពុជា តាម​រយៈ​ការ​បង្កើន​លទ្ធភាព​ទទួល​បាន​ទឹក​ស្អាត ការ​សាងសង់​ហេដ្ឋារចនាសម្ព័ន្ធ​ដែល​ធន់​នឹង​ការ​ប្រែប្រួល​នៃ​អាកាសធាតុ និង​ការ​ពង្រឹងសមត្ថភាព​បច្ចេកទេស​របស់​អ្នក​ប្រតិបត្តិការ​ទឹក​ក្នុងស្រុក ​។

ពិព័រណ៍​ឧស្សាហ​កម្មវិស័យ​ទឹក​ស្អាត ២០២៥ (CAMWATER 2025) ត្រូវ​បាន​ដាក់​ជា​យុទ្ធសាស្ត្រ​ក្នុង​វេទិកា​ពាណិជ្ជកម្ម​ពហុ​វិស័យ​ដ៏​សកម្ម​មួយ ដែល​រួម​ជាមួយ CAMBUILD ២០២៥ និង CAMAUTO ២០២៥​។ ដោយ​ប្រព្រឹត្ត​ទៅ​ចាប់ពី​ថ្ងៃ​ទី​១៤ ដល់​ថ្ងៃ​ទី​១៦ ខែតុលា ឆ្នាំ​២០២៥ នៅ​មជ្ឈមណ្ឌល​ពិព័រណ៍ និង​សន្និសីទ​កោះ​ពេជ្រ (DIECC) រាជធានី​ភ្នំពេញ ពិព័រណ៍​ទាំង​បី​នេះ​នឹង​បង្កើត​ប្រព័ន្ធ​អេកូ​ធុរកិច្ច​ដ៏​ទូលំទូលាយ​បំផុត​របស់​កម្ពុជា​សម្រាប់​ហេដ្ឋារចនាសម្ព័ន្ធ ទឹក​ស្អាត និង​ច​លន​ភាព – ដែល​ដឹកនាំ​ដោយ​ក្រុមហ៊ុន Informa Markets​ ។

CAMBUILD ២០២៥ គឺជា​ពិព័រណ៍​អគារ និង​សំណង់​ដ៏​ធំ​បំផុត និង​មានការ​ទទួលស្គាល់​ច្រើន​បំផុត​នៅ​កម្ពុជា ដែល​បង្ហាញ​នូវ​ដំណោះស្រាយ​អគារ​ឆ្លាត​វៃ និង​ទំនើប​បំផុត សម្ភារៈ​ប្រកបដោយ​ចីរភាព និង​នវានុវត្តន៍​វិស្វកម្ម​។

CAMWATER ២០២៥ ផ្តោត​លើ​ការ​ផ្គត់ផ្គង់​ទឹក​ស្អាត ការ​ប្រព្រឹត្ត​កម្ម​ទឹក​កខ្វក់ និង​និរន្តរភាព – ដែល​ឥឡូវនេះ​ត្រូវ​បាន​លើកកម្ពស់​ដោយ​ភាព​ជា​ដៃគូ​ជាមួយ​សមាគម​អ្នក​ផ្គត់ផ្គង់​ទឹក​ស្អាត​កម្ពុជា CWA ដើម្បី​ដោះស្រាយ​អាទិភាព​ជាតិ​ក្នុង​ការ​ទទួល​បាន​ទឹក​ស្អាត និង​ការ​ធ្វើ​ឱ្យ​ប្រសើរ​ឡើង​នូវ​សេវា​សាធារណៈ ​។

CAMAUTO ២០២៥ ត្រូវ​បាន​ជំរុញ​ដល់​វិស័យ​យានយន្ត និង​ច​លន​ភាព ដោយ​បង្ហាញ​នូវ​បច្ចេកវិទ្យា​យានយន្ត​ទំនើប គ្រឿងបន្លាស់ និង​គ្រឿង​ជួសជុល​បន្ថែម ដំណោះស្រាយ​ទីផ្សារ និង​ប្រព័ន្ធ​ដឹក​ជញ្ជូន​ដែល​ចាំបាច់​សម្រាប់​កំណើនសេដ្ឋកិច្ច​របស់​កម្ពុជា ​។

“​តាម​រយៈ​ការ​រួបរួម​យុទ្ធសាស្ត្រ​វិស័យ​ទាំង​បី​នេះ​ស្ថិត​ក្រោម​ដំបូល​តែ​មួយ យើង​កំពុង​តែ​បង្កើត​ប្រព័ន្ធ​អេកូឡូស៊ី​ដែល​គ្មាន​គូរ​ប្រៀប​សម្រាប់​ពាណិជ្ជកម្ម កិច្ច​សហប្រតិបត្តិការ និង​នវានុវត្តន៍​” នេះ​បើ​តាម​ប្រសាសន៍​របស់​លោក Leeuwenburgh​។ “​នេះ​គឺជា​ការ​បើកចំហ​នូវ​ភាព​រួម​គ្នា​នៃ​វិស័យ​ផ្សេង​ៗ ក្នុង​ទាក់ទាញ​ការ​វិនិយោគ​ដែល​មានគុណ​ភាព​ខ្ពស់ និង​ជួយ​ព​ន្លឿ​ន​គោលដៅ​អភិវឌ្ឍន៍​របស់​កម្ពុជា​។​”

ការ​ប្រារព្ធ​ពិព័រណ៍​ទាំង​បី​នេះ​នៅ​ទីតាំង​រួម​ជាមួយ​គ្នា​តាម​យុទ្ធសាស្ត្រ​នេះ នឹង​បង្កើត​បាន​នូវ​បរិយាកាស​ដែល​មានការ​ទំនាក់ទំនង​គ្នា ដែល​ក្នុង​នោះ​រួម​មាន វិស័យ​សំណង់ វិស័យ​ទឹក​ស្អាត និង​យានយន្ត​ជួប​ប្រសព្វ​រវាង​គ្នា​។ ការ​រួម​បញ្ចូល​គ្នា​នេះ​នឹង​នាំ​មក​នូវ​៖

· នវានុវត្តន៍​ឆ្លង​វិស័យ​តាម​រយៈ​ដំណោះស្រាយ​រួម និង​សហ​បច្ចេកវិទ្យា
· ពង្រីក​ឱកាស​វិនិយោគ​តាម​រយៈ​ការ​ភ្ជាប់​បណ្តាញ​ភាគី​ពាក់ព័ន្ធ​ដ៏​ចម្រុះ
· ការ​សម្របសម្រួល​កិច្ច​សន្ទនា​គោលនយោបាយ​ជាមួយ​សមាគម និង​ស្ថាប័ន​រដ្ឋាភិបាល
· ដំណោះស្រាយ​ដែល​ព​ន្លឿ​ន​ចំពោះ​បញ្ហា​ប្រឈម​ដែល​កំពុង​វិ​វត្ត​នៅ​តំបន់​ទីក្រុង និង​ទី​ជនបទ​នៅ​កម្ពុជា
· ឱកាស​សម្រាប់​ពង្រីក​សមត្ថភាព ជំនាញ​ក្នុងស្រុក និង​ការ​ត្រៀមកម្លាំង​ពលកម្ម

ជាមួយនឹង​ក្រុមហ៊ុន​តាំងពិព័រណ៍​ឈានមុខ​ជាង ១០០​ក្រុមហ៊ុន និង​អ្នក​ពាណិជ្ជកម្ម​ជាង ៦,០០០ នាក់ មក​ពី​ប្រទេស​ជាង​១២ រួម​មាន វៀតណាម ចិន ម៉ា​ឡេ​ស៊ី ថៃ អ៊ី​តា​លី កូរ៉េ និង​ប្រទេស​ផ្សេង​ៗ​ទៀត​។ ការ​ប្រារព្ធ​ពិព័រណ៍ CAMBUILD, CAMWATER និង CAMAUTO ឆ្នាំ​២០២៥ សន្យា​ថា​នឹង​ក្លាយជា​វេទិកា​អាជីវកម្ម​ដ៏​មាន​ឥទ្ធិពល​បំផុត​របស់​កម្ពុជា សម្រាប់​ការ​អភិវឌ្ឍ​ហេដ្ឋារចនាសម្ព័ន្ធ និង​វិស័យ​យានយន្ត​របស់​កម្ពុជា ​។

ដោយពេល​វេលា​កាន់តែ​ខិត​ជិត​មក​ដល់​ខែតុលា ឆ្នាំ​២០២៥ យើង​លើកទឹកចិត្ត​ដល់​អ្នក​តាំងពិព័រណ៍ អ្នក​ទស្សនា និង​អ្នកដឹកនាំ​ឧស្សាហកម្ម​ឱ្យ​ចុះ​ឈ្មោះ​ទុកជា​មុន​។ ប្រសិនបើ​លោក​អ្នក​ចង់​ពង្រីក​ទំនាក់ទំនង​អាជីវកម្ម ស្វែងរក​បច្ចេកវិទ្យា​ថ្មី​ៗ ឬ​ជួយ​កំណត់​អនាគត​ហេដ្ឋារចនាសម្ព័ន្ធ​របស់​កម្ពុជា ពី​ពិព័រណ៍ CAMBUILD, CAMWATER និង CAMAUTO ២០២៥ ផ្តល់​ជូន​នូវ​ឱកាស​ដ៏​ល្អ​ឥត​ខ្ចោះ​សម្រាប់​ការ​អភិវឌ្ឍ និង​កំណើនសេដ្ឋកិច្ច ​។

CAMBUILD ២០២៥, CAMWATER ២០២៥ និង CAMAUTO ២០២៥ នឹង​ត្រូវ​ប្រារព្ធ​ឡើង​ចាប់ពី​ថ្ងៃ​ទី​១៤ ដល់​ថ្ងៃ​ទី​១៦ ខែតុលា ឆ្នាំ​២០២៥ នៅ​មជ្ឈមណ្ឌល​ពិព័រណ៍ និង​សន្និសីទ​កោះ​ពេជ្រ (DIECC) រាជធានី​ភ្នំពេញ​។ សម្រាប់​ព័ត៌មាន​បន្ថែម សូម​ចូល​ទៅ​កាន់​៖ www.cambuild.com, www.camwaterexpo និង www.camautoexpo.com​ ៕ អត្ថបទសហការ