រាជធានីភ្នំពេញ ៖ ជំនាញសិក្សាដ៏សំខាន់បំផុតមួយដែលអ្នកអាចជួយកូនរបស់អ្នក គឺការក្លាយជាអ្នកសិក្សាឯករាជ្យ ។ កុមារដែលជាអ្នកសិក្សាឯករាជ្យច្រើនមានទំនុកចិត្តលើខ្លួនឯងកាន់តែខ្លាំង ហើយមានអារម្មណ៍កាន់តែខ្លាំងថា ពួកគេគ្រប់គ្រងការសិក្សារបស់ពួកគេបានយ៉ាងល្អប្រសើរ ។ ការលើកទឹកចិត្តដល់ការសិក្សាដោយឯករាជ្យអាចកើតឡើងតាំងពីក្មេង…
រាជធានីភ្នំពេញ ៖ ជំនាញសិក្សាដ៏សំខាន់បំផុតមួយដែលអ្នកអាចជួយកូនរបស់អ្នក គឺការក្លាយជាអ្នកសិក្សាឯករាជ្យ ។ កុមារដែលជាអ្នកសិក្សាឯករាជ្យច្រើនមានទំនុកចិត្តលើខ្លួនឯងកាន់តែខ្លាំង ហើយមានអារម្មណ៍កាន់តែខ្លាំងថា ពួកគេគ្រប់គ្រងការសិក្សារបស់ពួកគេបានយ៉ាងល្អប្រសើរ ។ ការលើកទឹកចិត្តដល់ការសិក្សាដោយឯករាជ្យអាចកើតឡើងតាំងពីក្មេង ប៉ុន្តែវាអាចពិបាកសម្រាប់ឪពុកម្តាយដែលមិនសូវយល់ច្បាស់ មិនដឹងថាពេលណាគួរជួយកូន ពេលណាគួរឱ្យកូនធ្វើដោយខ្លួន ឬពួកគេកំពុងជួយកូនលើសលប់ពេក ឬមិនគ្រប់គ្រាន់ជាដើម ។ ប្រសិនបើអ្នកតែងតែជួយធ្វើកិច្ចការផ្ទះរបស់ពួកគេជាប្រចាំ យើងមានជំហានសាមញ្ញមួយចំនួនដែលអ្នកអាចអនុវត្ត ដើម្បីជួយកូនរបស់អ្នកឱ្យក្លាយជាអ្នកសិក្សាឯករាជ្យ ។
១. ជួយកូនរបស់អ្នកឱ្យឆ្លើយសំណួរទីមួយ ឬពីរ បន្ទាប់មក អនុញ្ញាតឱ្យពួកគេធ្វើសំណួរបន្ទាប់ដោយខ្លួនឯង ។ លើកទឹកចិត្តពួកគេឱ្យស្វែងរក និងទទួលបានចម្លើយដោយខ្លួនឯង ប៉ុន្តែប្រសិនបើពួកគេពិបាក នោះអ្នកអាចជួយពួកគេ តាមរយៈការចង្អុលបង្ហាញពីរបៀបរកឃើញចម្លើយ ។
២. ពិភាក្សាអំពីការកំណត់ពេលវេលា ដែលពួកគេគិតថា វានឹងចំណាយពេលពួកគេដើម្បីបញ្ចប់សកម្មភាពដែលនៅសល់ ដើម្បីជួយពួកគេឱ្យផ្តោតលើការងាររបស់ពួកគេ ។ អ្នកអាចកំណត់ម៉ោងនៅលើទូរសព្ទរបស់អ្នក ហើយលើកទឹកចិត្តពួកគេឱ្យធ្វើការប្រណាំង នឹងនាឡិកា ។ ពេលវេលាកំណត់គួរតែសមហេតុផល ដើម្បីឱ្យកុមារអាចបញ្ចប់ការងាររបស់ពួកគេដោយការសរសេរយ៉ាងស្អាតល្អ និងមិនប្រញាប់ពេក ។
៣. ប្រសិនបើកូនរបស់អ្នកស៊ាំនឹងអ្នកនៅជាមួយពួកគេនៅពេលពួកគេបំពេញកិច្ចការផ្ទះរបស់ពួកគេបន្តិចម្តងៗ ចូរនៅឱ្យឆ្ងាយពីកូនបន្តិច ។ ដំបូងជួយកូនឱ្យចាប់ផ្តើមកិច្ចការផ្ទះរបស់ពួកគេ បន្ទាប់មកអង្គុយជិតពួកគេ ប៉ុន្តែមិនមែនទៅជួយពួកគេនោះទេ ប៉ុន្តែទៅលើកទឹកចិត្តពួកគេឱ្យបញ្ចប់ការងារដោយខ្លួនឯង ។ យូរៗទៅអ្នកអាចសាកល្បងនៅឆ្ងាយពីពួកគេបន្តិចម្តង រហូតដល់ពយកគេអាចធ្វើការតែម្នាក់ឯងបាន ខណៈពេលដែលអ្នកអាចធ្វើរឿងផ្សេងទៀតដែលអ្នកប្រហែលជាត្រូវធ្វើ ។
៤. ទុកពេលវេលាខ្លះសម្រាប់កូន បន្ទាប់ពីពួកគេបញ្ចប់កិច្ចការផ្ទះ ដើម្បីចំណាយពេល នៅជាមួយកូន ហើយផ្តោតតែលើពួកគេ ។ អ្នកអាចលេងហ្គេមជាមួយគ្នា ឬអានរឿងនិទាន ។ វាជារង្វាន់ដ៏ល្អសម្រាប់ការបញ្ចប់ការងាររបស់ពួកគេដោយខ្លួនឯង ។
៥. សំខាន់បំផុត គឺត្រូវតឹងរ៉ឹង ។ ប្រសិនបើកូនរបស់អ្នកមិនព្យាយាមធ្វើការដោយឯករាជ្យ ឬរវល់នឹងកិច្ចការដែលពួកគេអាចធ្វើបានយ៉ាងងាយស្រួលនៅពេលអ្នកនៅទីនោះ ចូរប្រាប់ពួកគេថា អ្នកមានទំនុកចិត្តលើសមត្ថភាពរបស់ពួកគេក្នុងការធ្វើវាដោយខ្លួនឯង ហើយអ្នកនឹងមិនជួយពួកគេទេ លុះត្រាតែពួកគេពិតជាត្រូវការវាមែន ។ វាអាចពិបាកក្នុងការនិយាយថា ទេ ប៉ុន្តែវាពិតជាមានតម្លៃក្នុងការឃើញពួកគេកាន់តែមានទំនុកចិត្ត និងជឿជាក់លើខ្លួនឯងក្នុងនាមជាអ្នកសិក្សាម្នាក់ ៕ ប្រភព ៖ britishcouncil
អត្ថបទនេះផលិតឡើងក្រោមកិច្ចសហប្រតិបត្តិការជាមួយសាលារៀនវ៉េស្ទឡាញន៍ និងសាលារៀនណត្សឡាញន៍ ។ បវេសនកាលឆ្នាំសិក្សាថ្មី ចូលរៀនថ្ងៃទី ៤ ខែសីហា ឆ្នាំ ២០២៥ ។ សាលារៀនផ្តល់ជូនកម្មវិធីចំណេះទូទៅខ្មែរពីថ្នាក់មត្តេយ្យ ដល់ទី ១២ កម្មវិធីភាសាអង់គ្លេសទូទៅ និងកម្មវិធីភាសាចិនទូទៅចាប់ពីកម្រិតមត្តេយ្យ ដល់ទី ១២ ។ សាលារៀនផ្តល់ជូនអាហារូបករណ៍រហូតដល់ ៣០% ការធានារ៉ាប់រងគ្រោះថ្នាក់បុត្រធីតា និងការការពារការសិក្សាបុត្រធីតារហូតដល់ ៥ ឆ្នាំ សម្រាប់ការចុះឈ្មោះត្រឹមថ្ងៃទី ៣១ ខែកក្កដា ២០២៥ ។ សម្រាប់ព័ត៌មានបន្ថែម សូមទំនាក់ទំនងទូរស័ព្ទលេខ ៖ ០៩២ ៨៨៨ ៤៩៩ / ០១៥ ៨០៥ ១២៣ ៕
ចែករំលែកព័តមាននេះ