រាជធានីភ្នំពេញ ៖ ក្នុងនាមជាឪពុកម្តាយ អ្នកប្រហែលជាបារម្ភ និងគិតថា កូនរបស់អ្នកស្ថិតក្នុងគ្រោះថ្នាក់គ្រប់ពេលវេលា ។ អ្នកអាចការពារពួកគេ ហើយឃាំងពួកគេទុកតែនៅក្នុងបន្ទប់ ដើម្បីការពាររាល់គ្រោះថ្នាក់…
រាជធានីភ្នំពេញ ៖ ក្នុងនាមជាឪពុកម្តាយ អ្នកប្រហែលជាបារម្ភ និងគិតថា កូនរបស់អ្នកស្ថិតក្នុងគ្រោះថ្នាក់គ្រប់ពេលវេលា ។ អ្នកអាចការពារពួកគេ ហើយឃាំងពួកគេទុកតែនៅក្នុងបន្ទប់ ដើម្បីការពាររាល់គ្រោះថ្នាក់ ឬជួយគ្រប់គ្រងជីវិតជំនួសពួកគេជានិច្ច ? ទោះបីជាបំណងប្រាថ្នារបស់ឪពុកម្តាយគ្រប់រូបចង់ឱ្យពួកគេមានសុវត្ថិភាពក៏ដោយ ក៏អ្នកមិនអាចបិទពួកគេឱ្យនៅឆ្ងាយពីពិភពលោកបានដែរ ។ ដូច្នេះសូមចាប់ផ្តើមណែនាំកូនរបស់អ្នកបន្តិចម្តងៗ ហើយខាងក្រោមនេះជារឿងគ្រោះថ្នាក់ ៤ យ៉ាង ដែលឪពុកម្តាយគប្បីគួរឱ្យកូនរបស់អ្នកធ្វើ ៖
១. ពេលវេលាដោយគ្មានការត្រួតពិនិត្យ ៖ វាមានសារៈសំខាន់នៃកុមារភាពដែលផ្អែកលើការលេង ។ ការលេងដោយគ្មានការត្រួតពិនិត្យអាចបង្កើតសមត្ថភាពរាងកាយ ផ្លូវចិត្ត និងសង្គម ដែលផ្តល់ឱ្យកុមារនូវទំនុកចិត្តថា ពួកគេអាចប្រឈមមុខនឹងស្ថានភាពថ្មី ដែលជាការប្រឆាំងនឹងរោគថប់បារម្ភ ។ កុមារដែលមានឪពុកម្តាយតែងតែសំកុករង់ចាំមើល និងការពារពួកគេជានិច្ចអាចនឹងក្លាយជាមនុស្សធំដែលមិនចូលចិត្តហានិភ័យ មិនចូលចិត្តប្រជែង ។ កុមារដែលមិនធ្លាប់ជួបប្រទះនឹងការប្រថុយប្រថានមិនមានការរីកចម្រើនទេ ។ ដូច្នេះការផ្តល់ពេលវេលាដល់កូនៗដើម្បីលេង ស្វែងយល់ រៀន និងប្រាស្រ័យទាក់ទងជាមួយអ្នកដទៃដោយគ្មានភ្នែកឪពុកម្តាយតែងតែមើលពួកគេ គឺមានប្រយោជន៍ណាស់ ។ តើវាមានគ្រោះថ្នាក់ទេ ? ប្រាកដណាស់ ! ពួកគេអាចឈឺ ពួកគេអាចរងគ្រោះបន្តិចបន្តួច ។ ប៉ុន្តែនោះគឺជាផ្នែកមួយនៃការវាយតម្លៃហានិភ័យ ដែលគ្រប់គ្នាត្រូវតែរៀន ។ ក្មេងដែលរៀនវាតាំងពីតូចមានអត្ថប្រយោជន៍ច្រើននាពេលអនាគត ។
២. លេងកីឡា ៖ និយាយពីហានិភ័យ កីឡា គឺពោរពេញដោយហានិភ័យ ប៉ុន្តែក្មេងដែលលេងកីឡានឹងរីកចម្រើនបានលឿន ។ ពួកគេមានការគោរពខ្លួនឯងខ្ពស់ ហើយអត្រានៃការធាត់ និងជំងឺធ្លាក់ទឹកចិត្តគឺទាប ថែមទាំងធ្វើឱ្យការសិក្សាកាន់តែល្អប្រសើរឡើង ។ តើពួកគេអាចរងរបួសទេ ? ប្រាកដណាស់ ! ប៉ុន្តែតើហានិភ័យមានតម្លៃសម្រាប់កូនទេ ? ពិតជាមានដូច្នេះពេលខ្លះ ការលេងកីឡាគឺជារឿងគ្រោះថ្នាក់មួយដែលអ្នកគួរអនុញ្ញាតឱ្យកូនរបស់អ្នកធ្វើ ។
៣. ចាប់ផ្តើមណាត់ជួប ៖ ពេលកូនពេញវ័យ ពួកគេប្រាកដជាមានស្នេហា ហើយប្រឈមនឹងការណាត់ជួបគ្នា ។ មានការខូចចិត្ត ការបំពានពាក្យសំដី និងផ្លូវកាយ ភាពស្និទ្ធស្នាលផ្លូវចិត្ត និងផ្លូវកាយ មុនពេលពួកគេ ឬទំនាក់ទំនងរបស់ពួកគេមានភាពចាស់ទុំគ្រប់គ្រាន់ដើម្បីដោះស្រាយវា ។ ប៉ុន្តែរឿងដ៏អស្ចារ្យនៃការណាត់ជួបកាលនៅវ័យជំទង់ គឺឪពុកម្តាយអាចនៅទីនោះដើម្បីជួយគាំទ្រ ។ ការបើកចំហរ និងគាំទ្រកូនពីក្រោយ គឺជាវិធីដែលមានសុវត្ថិភាពបំផុតដើម្បីរៀនពីរបៀបស្រឡាញ់ និងត្រូវបានគេស្រឡាញ់ ។ អ្នកក៏អាចបង្រៀនកូនពីរបៀបប្រព្រឹត្តចំពោះអ្នកដទៃ និងការរំពឹងថា នឹងត្រូវបានគេប្រព្រឹត្តមកវិញបែបណា ។
៤. គ្រប់គ្រងលុយ ៖ ការគ្រប់គ្រងលុយ គឺប្រថុយប្រថាននៅគ្រប់វ័យ ជាពិសេសសម្រាប់កុមារដែលជាធម្មតាត្រូវបានដឹកនាំដោយកម្លាំងជំរុញ ហើយទោះបីជាមនុស្សពេញវ័យក្តីមិនទាន់ស្ទាត់ជំនាញនោះដែរ ។ យើងអាចយកគំរូតាមការគ្រប់គ្រងលុយបានល្អដោយការរស់នៅក្នុងមធ្យោបាយរបស់យើង ហើយបង្រៀនកូនៗរបស់យើងឱ្យចេះគ្រប់គ្រងលុយតាំងពីតូច ៕ ប្រភព ៖ allprodad
អត្ថបទនេះផលិតឡើងក្រោមកិច្ចសហប្រតិបត្តិការជាមួយសាលារៀនវ៉េស្ទឡាញន៍ និងសាលារៀនណត្សឡាញន៍ ។ ដើម្បីអបអរការបើកដំណើរការសាលារៀនវ៉េស្ទឡាញន៍ សាខាឫស្សីកែវ និងសាខាពោធិ៍ចិនតុងពីរដំណាលគ្នា សាលាផ្តល់អាហារូបករណ៍ពិសេស ៥០% គ្រប់កម្មវិធីសិក្សា សម្រាប់សិស្ស ១០០ នាក់ដំបូង ចំពោះការចុះឈ្មោះចូលរៀនត្រឹមថ្ងៃទី ៣០ ខែមិថុនា ខាងមុខនេះ ។ សាលារៀនទទួលចុះឈ្មោះកុមារចាប់ពីអាយុ ២ ឆ្នាំកន្លះឡើង សម្រាប់កម្មវិធីចំណេះទូទៅខ្មែរ កម្មវិធីភាសាអង់គ្លេសទូទៅ និងកម្មវិធីភាសាចិនទូទៅចាប់ពីកម្រិតមត្តេយ្យ ដល់ទី ១២ ។ សាលារៀនវ៉េស្ទឡាញន៍ សាខាឫស្សីកែវស្ថិតនៅផ្លូវ ៥៩៨ ទល់មុខបុរីវិមានភ្នំពេញ និងនៅជាប់អគារគណៈកម្មការមូលបត្រកម្ពុជា សាខាពោធិ៍ចិនតុងស្ថិតនៅផ្លូវ ២០០៤ ទល់មុខកងពលតូចដឹកជញ្ជូនលេខ ៩៩ សម្រាប់ព័ត៌មានបន្ថែម សូមទំនាក់ទំនង 092 888 499 | 087 458 282 ៕
ចែករំលែកព័តមាននេះ