រាជធានីភ្នំពេញ៖ នៅថ្ងៃទី១ ខែកក្កដា ឆ្នាំ២០២៥ នេះ អាជ្ញាធរសេវាហិរញ្ញវត្ថុមិនមែនធនាគារ (អ.ស.ហ.) និយ័តករមូលបត្រកម្ពុជា (ន.ម.ក.) និងបណ្តាញគ្រឹះស្ថានអប់រំ…
រាជធានីភ្នំពេញ៖ នៅថ្ងៃទី១ ខែកក្កដា ឆ្នាំ២០២៥ នេះ អាជ្ញាធរសេវាហិរញ្ញវត្ថុមិនមែនធនាគារ (អ.ស.ហ.) និយ័តករមូលបត្រកម្ពុជា (ន.ម.ក.) និងបណ្តាញគ្រឹះស្ថានអប់រំ វេសឡាញ អេឌ្យូខេសិន គ្រុប បានសហការរៀបចំ កម្មវិធីផ្តល់អាហារូបករណ៍ពិសេស សម្រាប់បុត្រធីតារបស់ថ្នាក់ដឹកនាំ និងមន្ត្រីនៃអគ្គលេខាធិការដ្ឋាននៃ អ.ស.ហ. និងនិយ័តករ និងអង្គភាពក្រោមឱវាទ នៃ អ.ស.ហ. សម្រាប់ការចុះឈ្មោះចូលរៀនសាលារៀនវ៉េស្ទឡាញន៍ សាខាឫស្សីកែវ (ផ្លូវ៥៩៨) ដើម្បីចូលរួមចំណែកជាមួយរាជរដ្ឋាភិបាលកម្ពុជា ក្នុងការអភិវឌ្ឍវិស័យអប់រំ ឱ្យកាន់តែរីកចម្រើនបន្ថែមទៀត ។
កម្មវិធីខាងលើនេះ មានការអញ្ជើញចូលរួមជាអធិបតីភាព ឯកឧត្តម ស៊ូ សុជាតិ ប្រតិភូរាជរដ្ឋាភិបាលទទួលបន្ទុក ជាអគ្គនាយកនៃ ន.ម.ក. និង ឧកញ៉ាបណ្ឌិត ប៉ិច បូឡែន អគ្គនាយកនៃបណ្តាញគ្រឹះស្ថាន វេសឡាញ អេឌ្យូខេសិន គ្រុប ។
សូមបញ្ជាក់ថា អាហារូបករណ៍ដែលផ្តល់ជូនដោយ សាលារៀនវ៉េស្ទឡាញន៍ សាខាឬស្សីកែវមានចំនួនពី២០% រហូតដល់៥០% តាមលក្ខខណ្ឌកំណត់ លើការចុះឈោះចូលរៀនកម្មវិធីមត្តេយ្យភាសាខ្មែរនិងអង់គ្លេស កម្មវិធីចំណេះទូទៅខ្មែរ កម្មវិធីភាសាអង់គ្លេសទូទៅ និងកម្មវិធីភាសាចិនទូទៅ ។
សម្រាប់ព័ត៌មានបន្ថែមសូមទំនាក់ទំនង 089 792 168 | 015 337 123 ឬតេឡេក្រាម https://t.me/wegcustomerservice ។ សាលារៀនស្ថិននៅបណ្តោយផ្លូវ៥៩៨ សង្កាត់ច្រាំងចំរេះ១ ខណ្ឌឫស្សីកែវ ទល់មុខបុរីវិមានភ្នំពេញ និងនៅជាប់អគារគណៈកម្មាការមូលបត្រកម្ពុជា ឬចុចទីតាំង https://shorturl.at/OPHzm ។
គួរបញ្ជាក់ថា ក្រៅពីអនុវត្តកម្មវិធីសិក្សាគោល ស្របតាមក្រសួងអប់រំ យុវជន និងកីឡា បណ្តាញសាលារៀនវ៉េស្ទឡាញន៍ បានរៀបចំបញ្ចូលកម្មវិធី ដែលនាំមកពីក្រៅប្រទេស ដោយផ្តោតទៅលើជំនាញបំណិនសតវត្សរ៍ទី២១ ពោលគឺ ដើម្បីជួយឱ្យសិស្សអាចសម្របខ្លួន ទៅនឹងបម្រែបម្រួលបរិបទសង្គម សេដ្ឋកិច្ច ក៏ដូចជាសម្រាប់ទីផ្សារការងារ នៅពេលអនាគតដូចជា កម្មវិធីបណ្តុះបណ្តាលទម្លាប់ល្អទាំង៧ សម្រាប់បុគ្គលឆ្នើម ដែលផ្តោតសំខាន់លើការអភិវឌ្ឍអត្តចរិត និងភាពជាអ្នកដឹកនាំ កម្មវិធីចំណេះដឹងហិរញ្ញវត្ថុ ដែលជួយជំរុញនិងបណ្តុះបណ្តាលចំណេះដឹងសេដ្ឋកិច្ច ចំណេះដឹងហិរញ្ញវត្ថុ និងសហគ្រិនភាព ព្រមទាំងកម្មវិធីបណ្តុះបណ្តាលជំនាញកុំព្យូទ័រ បច្ចេកវិទ្យា និងឌីជីថល ។
លើសពីនេះ ដើម្បីជួយបង្កើនគុណភាពសិក្សា របស់សិស្សានុសិស្សឱ្យកាន់តែប្រសើរឡើង សាលារៀនបានបន្ថែមបច្ចេកវិទ្យាអប់រំ រៀននិងបង្រៀនតាមប្រព័ន្ធអនឡាញ ដូចជា៖ សង្កប្បៈ ( Sangapac) សម្រាប់សិស្សថ្នាក់ទី១ ដល់ទី៤, E-school សម្រាប់សិស្សថ្នាក់ទី៩ ដល់ទី១២ និង Desdopi សម្រាប់សិស្សថ្នាក់ទី៧ ដល់ទី១២ ។
សូមជម្រាបថា សាលារៀនវ៉េស្ទឡាញន៍ គឺជាបណ្តាញគ្រឹះស្ថានអប់រំ របស់វេសឡាញ អេឌ្យូខេសិន គ្រុប ដែលបានបង្កើតឡើង ក្នុងឆ្នាំ២០០៨ រហូតមកដល់ពេលបច្ចុប្បន្ននេះ មានសាខាចំនួន១៧ ក្នុងរាជធានីភ្នំពេញ ខេត្តបាត់ដំបង និងខេត្តបាត់ដំបង និងមានសិស្សសរុប ១៧ ៥០០នាក់ ។ ចំពោះទីតាំងសាលារៀនវ៉េស្ទឡាញន៍មាន៖ សាខាសន្ធរម៉ុក សាខាទួលទំពូង សាខាច្បារអំពៅ សាខាទួលស្វាយព្រៃ សាខាទួលសង្កែ សាខាភ្នំពេញថ្មី សាខាដូនពេញ សាខាចំការដូង សាខាព្រែកលៀប សាខាបាត់ដំបង សាខាតាខ្មៅ សាខាក្រុងច្បារមន សាខាឈូកមាស សាខាឫស្សីកែវ(ផ្លូ៥៩៨) និងសាខាពោធិ៍ចិនតុង(ផ្លូវ២០០៤) ៕ អត្ថបទសហការ
ចែករំលែកព័តមាននេះ