រាជធានីភ្នំពេញ ៖ កាលពីចុងសប្តាហ៍កន្លងមកនេះ បណ្តាញគ្រឹះស្ថានអប់រំ វេសឡាញ អេឌ្យខេសិន បានរៀបចំវគ្គបណ្តុះបណ្តាលស្តីពី “មូលដ្ឋានគ្រឹះនៃការគ្រប់គ្រង” ដល់បុគ្គលិកប្រតិបត្តិការ គោលបំណងផ្តល់ចំណេះដឹង…
រាជធានីភ្នំពេញ ៖ កាលពីចុងសប្តាហ៍កន្លងមកនេះ បណ្តាញគ្រឹះស្ថានអប់រំ វេសឡាញ អេឌ្យខេសិន បានរៀបចំវគ្គបណ្តុះបណ្តាលស្តីពី “មូលដ្ឋានគ្រឹះនៃការគ្រប់គ្រង” ដល់បុគ្គលិកប្រតិបត្តិការ គោលបំណងផ្តល់ចំណេះដឹង ជំនាញ និងពង្រឹងសមត្ថភាព ក្នុងជំរុញប្រសិទ្ធភាព និងផលិតភាពការងារឱ្យកាន់ល្អប្រសើរបន្ថែមទៀត ។
វគ្គបណ្តុះបណ្តាលនេះផ្តោតសំខាន់លើ ការៀបចំផែនការសកម្មភាព ការកំណត់គោលដៅនិងសមិទ្ធផលរំពឹងទុក ការគិតលើយុទ្ធសាស្ត្រ ការសហការធ្វើការងារជាក្រុម ការប្រើប្រាស់ពេលវេលាឱ្យឆ្លាតវៃនិងមានប្រយោជន៍ ការឈ្វេងយល់ពីចរិតនិងសក្តានុពលបុគ្គលិក ការបង្កើតភាពម្ចាស់ការនិងជំនឿទុកចិត្តលើខ្លួនឯង ។
គួរជម្រាបថា បណ្តាញគ្រឹះស្ថានអប់រំ វេសឡាញ អេឌ្យខេសិន គ្រុបបានផ្តល់ឱកាសសិក្សាដល់បុគ្គលិកគ្រប់លំដាប់ថ្នាក់តាមរយៈវគ្គបណ្តុះបណ្តាល សិក្ខាសាលា វគ្គបំប៉នសមត្ថភាព និងអាហារូបករណ៍កម្រិតឧត្តមសិក្សាក្នុងស្រុក និងក្រៅប្រទេស ក្នុងទិសដៅចូលរួមចំណែកអភិវឌ្ឍមូលធនមនុស្សនៅកម្ពុជា។ លើសពីនេះ វេសឡាញក៏មានយុទ្ធសាស្ត្រផែនការស្នងដំណែងសម្រាប់បុគ្គលិកឆ្នើម ដើម្បីបង្កើនអ្នកដឹកនាំជំនាន់ថ្មី និងទទួលឱកាសរីកចំរើនក្នុងស្ថាប័នផងដែរ ៕ អត្ថបទសហការ
ចែករំលែកព័តមាននេះ