រាជធានីភ្នំពេញ ៖ ការរៀនពីរបៀបទំនាក់ទំនងឱ្យបានត្រឹមត្រូវនឹងជួយកូនរបស់អ្នកក្នុងការកសាងទំនាក់ទំនងសង្គម ។ លើសពីនេះជំនាញភាសាជាក់ស្តែងក៏មានប្រយោជន៍ក្នុងការសិក្សាផងដែរ ដោយសារសកម្មភាពកម្មសិក្សាភាគច្រើនពាក់ព័ន្ធនឹងការធ្វើការងារជាក្រុម និងការប្រាស្រ័យទាក់ទងរវាងមិត្តភក្ដិ ។ ពេលខ្លះកុមារមានការលំបាកក្នុងការបន្តប្រធានបទ និយាយក្នុងរបៀបមិនរៀបរយ…
រាជធានីភ្នំពេញ ៖ ការរៀនពីរបៀបទំនាក់ទំនងឱ្យបានត្រឹមត្រូវនឹងជួយកូនរបស់អ្នកក្នុងការកសាងទំនាក់ទំនងសង្គម ។ លើសពីនេះជំនាញភាសាជាក់ស្តែងក៏មានប្រយោជន៍ក្នុងការសិក្សាផងដែរ ដោយសារសកម្មភាពកម្មសិក្សាភាគច្រើនពាក់ព័ន្ធនឹងការធ្វើការងារជាក្រុម និងការប្រាស្រ័យទាក់ទងរវាងមិត្តភក្ដិ ។ ពេលខ្លះកុមារមានការលំបាកក្នុងការបន្តប្រធានបទ និយាយក្នុងរបៀបមិនរៀបរយ ឬមិនអាចគ្រប់គ្រងការសន្ទនា ហើយមានទំនោរមិនស្តាប់អ្នកដទៃ ។ ប្រសិនបើវាកើតឡើងម្តងម្កាល វាមិនមែនជារឿងចម្លែកទេ ប៉ុន្តែឪពុកម្តាយគួរយមចិត្តទុកដាក់ និងព្រួយបារម្ភនៅពេលដែលពួកគេធ្វើបែបនេះញឹកញាប់ ឬមិនសមរម្យសម្រាប់អាយុរបស់ពួកគេ ។
ដើម្បីជួយកូនរបស់អ្នកបង្កើតជំនាញទំនាក់ទំនងសង្គមដ៏រឹងមាំ អ្នកអាចអនុវត្តដូចខាងក្រោម ៖
១. ចូលរួមលេងហ្គេមសម្តែង ឬធ្វើពុតជាមួយកូនរបស់អ្នក ៖ កូន អ្នក ឬសមាជិកគ្រួសារផ្សេងទៀតអាចក្លែងបង្កើតធ្វើស្ថានភាពសង្គមដូចជា ការជប់លៀង ការទៅលេងជីដូនជីតា ឬចូលរួមការប្រគំតន្ត្រីជាដើម ហើយអនុវត្តអ្វីដែលគួរធ្វើ និងមិនគួរធ្វើជាមួយគ្នា ។
២. បង្កើតសាច់រឿងជាមួយគ្នា ៖ អ្នកអាចណែនាំកូនរបស់អ្នកឱ្យរៀបចំគំនិតរបស់ពួកគេឱ្យបានត្រឹមត្រូវ ។ ប្រើសកម្មភាពនេះដើម្បីអភិវឌ្ឍរឿងដែលពិពណ៌នាអំពីអាកប្បកិរិយាក្នុងស្ថានភាពសង្គម ។ ជាឧទាហរណ៍ អ្នកអាចបង្កើតរឿងអំពីការទៅមហោស្រព ។ បន្ទាប់មកអ្នកអាចបង្រៀនកូនរបស់អ្នកនូវសុជីវធម៌ត្រឹមត្រូវនៅពេលមើលការលេង និងរបៀបប្រព្រឹត្តឱ្យបានត្រឹមត្រូវនៅពេលកម្មវិធីកំពុងបើក ។
៣. ការធ្វើត្រាប់តាម ៖ អ្នកអាចប្រើតុក្កតា ដើម្បីនិទានរឿង សម្តែងរឿង ។ ការលេងបែបនេះ ក៏ជាវិធីដ៏ល្អក្នុងការប្រើទឹកមុខ និងកាយវិការដើម្បីពណ៌នាអំពីអ្វីមួយ ។
៤. ល្បែងប្តូរវេន ៖ ការលេងអុកអាចបង្រៀនកូនរបស់អ្នកឱ្យប្តូរវេន ។ វាក៏ជាវិធីដ៏ល្អផងដែរក្នុងការរៀនថាវាមិនអីទេក្នុងការចាញ់ (អ្វីដែលយើងហៅថាកីឡា) ហើយថាវាសំខាន់ជាងក្នុងការលេងដោយស្មើភាព និងមានភាពសប្បាយរីករាយ ។
៥. អនុវត្តការស្វាគមន៍ ៖ ចូរបង្រៀនកូនរបស់អ្នកនូវវិធីត្រឹមត្រូវដើម្បីស្វាគមន៍ និងគោរពអ្នកដទៃឧទាហរណ៍ ជីដូនជីតា គ្រូបង្រៀន អ្នកទទួលភ្ញៀវអគារ មិត្តភក្តិ អ្នកបោសសម្អាតផ្លូវ និងអ្នកដទៃទៀត ។ លើកទឹកចិត្តកូនរបស់អ្នកឱ្យនិយាយថា ជំរាបសួរ ជំរាបលា និង អរគុណ ពេលនិយាយជាមួយអ្នកដទៃ ។
៦. អនុវត្តការគួរសម និងសុជីវធម៌ ៖ ណែនាំកូនរបស់អ្នកអំពីរបៀបទំនាក់ទំនងក្នុងលក្ខណៈគួរសម ដោយប្រើប្រាស់ភាសាដោយផ្ទាល់ ឬដោយប្រយោល (ឧ. ជំនួសឱ្យការនិយាយថា 00បិទភ្លេងទៅ ! ពួកគេអាចនិយាយថា ចម្រៀងដូចជាខ្លាំងបន្តិចហើយបង ប្រហែលជាយើងអាចបន្ថយវាបន្តិចបាន ។
ជំនាញភាសាជាក់ស្តែងជួយកូនរបស់អ្នកក្នុងការយល់ដឹងពីអ្នកដទៃក្នុងស្ថានភាពផ្សេងៗ ហើយនឹងនាំពួកគេឱ្យមានអាកប្បកិរិយាសមស្រប ។ តាមរយៈការពិភាក្សាជាមួយកូនរបស់អ្នកពីរបៀបដែលមនុស្សអាចមានប្រតិកម្មខុសគ្នាអាស្រ័យលើវិធីដែលពួកគេបាននិយាយជាមួយ ពួកគេនឹងអាចឱ្យតម្លៃពីសារៈសំខាន់នៃការដឹងពីរបៀបសម្របភាសារបស់ពួកគេ ដើម្បីសម្រេចបានលទ្ធផលដែលពួកគេចង់បាន ។ ជំនាញទំនាក់ទំនងសង្គមមានតម្លៃសម្រាប់កូនរបស់អ្នក ហើយទំនួលខុសត្រូវរបស់ឪពុកម្តាយ គឺដើម្បីបំពាក់ពួកគេជាមួយនឹងអាកប្បកិរិយាត្រឹមត្រូវ សមរម្យ និងមានសុជីវធម៌ ដូច្នេះពួកគេនឹងអាចបង្កើតទំនាក់ទំនងយូរអង្វែងជាមួយមនុស្សផ្សេងទៀតនាពេលអនាគតបាន ៕ ប្រភព ៖ britishcouncil
អត្ថបទនេះផលិតឡើងក្រោមកិច្ចសហប្រតិបត្តិការជាមួយសាលារៀនវ៉េស្ទឡាញន៍ និងសាលារៀនណត្សឡាញន៍ ។ ដើម្បីអបអរការបើកដំណើរការសាលារៀនវ៉េស្ទឡាញន៍ សាខាឫស្សីកែវ និងសាខាពោធិ៍ចិនតុងពីរដំណាលគ្នា សាលាផ្តល់អាហារូបករណ៍ពិសេស ៥០% គ្រប់កម្មវិធីសិក្សា សម្រាប់សិស្ស ១០០ នាក់ដំបូង ចំពោះការចុះឈ្មោះចូលរៀនត្រឹមថ្ងៃទី ៣០ ខែមិថុនា ខាងមុខនេះ ។ សាលារៀនទទួលចុះឈ្មោះកុមារចាប់ពីអាយុ ២ ឆ្នាំកន្លះឡើង សម្រាប់កម្មវិធីចំណេះទូទៅខ្មែរ កម្មវិធីភាសាអង់គ្លេសទូទៅ និងកម្មវិធីភាសាចិនទូទៅចាប់ពីកម្រិតមត្តេយ្យ ដល់ទី ១២ ។ សាលារៀនវ៉េស្ទឡាញន៍ សាខាឫស្សីកែវស្ថិតនៅផ្លូវ ៥៩៨ ទល់មុខបុរីវិមានភ្នំពេញ និងនៅជាប់អគារគណៈកម្មការមូលបត្រកម្ពុជា សាខាពោធិ៍ចិនតុងស្ថិតនៅផ្លូវ ២០០៤ ទល់មុខកងពលតូចដឹកជញ្ជូនលេខ ៩៩ សម្រាប់ព័ត៌មានបន្ថែម សូមទំនាក់ទំនង 092 888 499 | 087 458 282 ៕
ចែករំលែកព័តមាននេះ