រាជធានីភ្នំពេញ ៖ ការស្រាវជ្រាវបានបង្ហាញថា ក្មេងអាចសួរសំណួររហូតដល់ ៤០០ ក្នុងមួយថ្ងៃ ប៉ុន្តែនៅពេលដែលកូនប្រុសកាន់តែធំហាក់ដូចជាពួកគេសួរសំណួរតិចជាងមុន ។ កូនប្រុសភាគច្រើនខ្លាចមិនហ៊ានសួរសំណួរដែលអៀនខ្នាស ឬផ្ទាល់ខ្លួននោះទេ…
រាជធានីភ្នំពេញ ៖ ការស្រាវជ្រាវបានបង្ហាញថា ក្មេងអាចសួរសំណួររហូតដល់ ៤០០ ក្នុងមួយថ្ងៃ ប៉ុន្តែនៅពេលដែលកូនប្រុសកាន់តែធំហាក់ដូចជាពួកគេសួរសំណួរតិចជាងមុន ។ កូនប្រុសភាគច្រើនខ្លាចមិនហ៊ានសួរសំណួរដែលអៀនខ្នាស ឬផ្ទាល់ខ្លួននោះទេ ។ ប៉ុន្តែយើងចង់ផ្តល់ឱ្យពួកគេនូវចម្លើយទាំងនោះ មុនពេលពួកគេស្វែងរកចម្លើយពីមិត្តភ័ក្តិ ឬអ្នកមានឥទ្ធិពលលើប្រព័ន្ធផ្សព្វផ្សាយសង្គម ។ ដូច្នេះខាងក្រោមនេះ គឺជាសំណួរចំនួន ១០ ដែលកូនប្រុសរបស់អ្នកខ្លាចនឹងសួរអ្នក ៖
១. តើអ្វីជារឿងអាក្រក់បំផុត ដែលអ្នកធ្លាប់ធ្វើ ? ៖ ឪពុកម្តាយភាគច្រើនមិនចូលចិត្តនិយាយអំពីភាពបរាជ័យ និងចំណុចខ្វះខាតរបស់ពួកគេទេ ប៉ុន្តែកូនប្រុសត្រូវការស្តាប់រឿងទាំងនេះ ។ ការលឺអំពីរឿងដែលយើងបរាជ័យ នឹងជួយឱ្យពួកគេមើលឃើញពីការបរាជ័យរបស់ពួកគេផ្ទាល់ ។
២. តើអ្នកគិតយ៉ាងណាចំពោះការផឹកស្រាមិនទាន់គ្រប់អាយុ និងគ្រឿងញៀន ? ៖ ពួកគេចង់ស្តាប់ (ប៉ុន្តែប្រហែលជាខ្លាចក្នុងការសួរ) គំនិតរបស់យើង បទពិសោធន៍របស់យើង និងការណែនាំរបស់យើង នៅពេលដែលពួកគេចង់សាករបស់ទាំងនេះ ។
៣. តើអ្នកគួរនៅឆ្ងាយប៉ុនណាពីមនុស្សស្រី ? ៖ ការបណ្តុះគុណធម៌នៃព្រហ្មចារីយ៍ គឺបង្រៀនកូនៗរបស់យើងកុំឱ្យមានការរួមភេទមុនពេលរៀបការ ។ ការដឹងរឿងនេះនឹងបង្រៀនពួកគេថា ការស្រឡាញ់នរណាម្នាក់ទាមទារការគ្រប់គ្រងខ្លួនឯង និងការលះបង់ខ្ពស់ ។
៤. ហេតុអ្វីបានជាឪពុកម្តាយមិនចង់ឱ្យកូនមើលរឿងអាសអាភាស ? ៖ ទោះបីជាយើងខិតខំប្រឹងប្រែងអស់ពីសមត្ថភាពក៏ដោយ កូនប្រុសរបស់យើងអាចនឹងជួបរឿងអាសអាភាស មិនថានៅលើទូរសព្ទ នៅក្នុងកម្មវិធីដែលពួកគេមើល ឬសូម្បីតែនៅលើផ្ទាំងប៉ាណូ ឬគម្របទស្សនាវដ្តីក៏ដោយ ។ យើងត្រូវត្រៀមខ្លួនដើម្បីជួយពួកគេឱ្យយល់ពីរបៀបដែលរូបភាពអាសអាភាសប៉ះពាល់ដល់ពួកគេ ។
៥. តើការសម្រេចកាមដោយខ្លួនឯងជារឿងត្រឹមត្រូវទេ ? ៖ នៅពេលដែលក្មេងប្រុសធំឡើង អ័រម៉ូនដែលកំពុងតែក្តៅគគុក និងការចង់ដឹងចង់ឃើញអាចនាំឱ្យពួកគេស្វែងយល់ពីខ្លួនឯង ។ កូនប្រុសត្រូវការឪពុករបស់គេប្រាប់ពួកគេថា វាជារឿងធម្មតាទេដែលត្រូវល្បួងឱ្យសម្រេចកាមដោយខ្លួនឯង ហើយអ្នកអាចយល់បាន ប៉ុន្តែនៅពេលជាមួយគ្នានេះ ពួកគេគួរតែមើលឃើញថា នេះជាឱកាសមួយដើម្បីរៀនអំពីវិន័យ និងការគ្រប់គ្រងខ្លួនឯង ។
៦. តើវាជារឿងធម្មតាទេដែលខ្ញុំគិតអំពីរឿងអាក្រក់ ? ៖ កូនប្រុសរបស់យើងប្រឈមមុខនឹងការប្រយុទ្ធដូចគ្នា ។ យើងត្រូវជួយពួកគេឱ្យយល់ថា ការមានគំនិត មិនមែនជាបញ្ហានោះទេ តែការរស់នៅ ឬការប្រព្រឹត្តទៅលើវាទើបជារឿងសំខាន់ ។
៧. ហេតុអ្វីបានជាប៉ាស្រឡាញ់ខ្ញុំ ? ៖ ក្នុងចំណោមការទទួលខុសត្រូវជាច្រើនរបស់ឪពុក គឺការជួយកូនប្រុសឱ្យឆ្លើយសំណួរនោះ ។ វិធីសាមញ្ញមួយដែលយើងអាចធ្វើនេះ គឺប្រាប់កូនប្រុសរបស់យើងនូវរឿងដែលយើងស្រឡាញ់បំផុតអំពីពួកគេ ដោយមិនខ្វល់ថា ពួកគេសួរអ្វីនោះទេ ។
៨. តើប៉ា និងម៉ាក់អាចនឹងបែកគ្នាទេ ? ៖ ដោយសារពួកគេប្រហែលជាស្គាល់នរណាម្នាក់ដែលឪពុកម្តាយបែកគ្នា ឬលែងលះ កូនប្រុសរបស់យើងប្រហែលជាខ្លាចក្នុងការសួរសំណួរអំពីអាពាហ៍ពិពាហ៍របស់យើង ។ ពួកគេអាចនឹងបារម្ភថា ប្រសិនបើឪពុកម្តាយរបស់ពួកគេអាចឈប់ស្រលាញ់គ្នាបាន វាអាចមានន័យថា ឪពុកម្តាយយើងនឹងឈប់ស្រឡាញ់ពួកគេផងដែរ ។ មិនថា មានរឿងអ្វីកើតឡើងក្នុងអាពាហ៍ពិពាហ៍ទេ កូនប្រុសរបស់អ្នកត្រូវដឹងថា អ្នកយកចិត្តទុកដាក់ចំពោះគាត់ ហើយអ្នកទាំងពីរនឹងនៅទីនោះសម្រាប់គាត់ ទោះបីជាមានរឿងអ្វីកើតឡើងក៏ដោយ ។
៩. ហេតុអ្វីបានជាប៉ា និងម៉ាក់លែងជាប្តីប្រពន្ធ ? ៖ ក្មេងតូចៗពេញចិត្តនឹងចម្លើយសខ្មៅរហ័ស ។ ប៉ុន្តែនៅពេលដែលក្មេងកាន់តែធំ ពួកគេត្រូវការព័ត៌មានបន្ថែមបន្តិច ។ ប្រសិនបើអ្នកជាឪពុក ឬម្តាយទោល ទោះជាមានចម្លើយយ៉ាងណានោះ សូមចែករំលែកវាតាមវិធីដែលសមស្របតាមអាយុ និងដោយមិននិយាយអាក្រក់ពីម្តាយ ឬឪពុករបស់កូនប្រុសអ្នក ។
១០. ហេតុអ្វីបានជាអ្នកជឿលើព្រះ ? ៖ នៅពេលខ្លះ ក្មេងភាគច្រើននឹងសួរអំពីព្រះ ។ ក្នុងនាមជាឪពុក យើងត្រូវចែករំលែកហេតុផលសម្រាប់ក្តីសង្ឃឹមរបស់យើងជាមួយកូនៗ ៕ ប្រភព ៖ allprodad
អត្ថបទនេះផលិតឡើងក្រោមកិច្ចសហប្រតិបត្តិការជាមួយសាលារៀនវ៉េស្ទឡាញន៍ និងសាលារៀនណត្សឡាញន៍ ។ សាលារៀនវ៉េស្ទឡាញន៍ នឹងបើកដំណើរការសាខាទី ១៤ របស់ខ្លួនស្ថិននៅបណ្តោយផ្លូវលេខ ៥៩៨ ក្នុងខណ្ឌឫស្សីកែវ នៅដើមខែមិថុនា ឆ្នាំ ២០២៦ ខាងមុខនេះ ។ សាលារៀនផ្តល់ជូនកម្មវិធីចំណេះទូទៅខ្មែរពីថ្នាក់មត្តេយ្យ ដល់ទី ១២ កម្មវិធីភាសាអង់គ្លេសទូទៅ និងកម្មវិធីភាសាចិនទូទៅចាប់ពីកម្រិតមត្តេយ្យ ដល់ទី ១២ ។ សម្រាប់ព័ត៌មានបន្ថែម សូមទំនាក់ទំនងទូរស័ព្ទលេខ ៖ 089 792 168 / 015 337 123 ៕
ចែករំលែកព័តមាននេះ