រាជធានីភ្នំពេញ ៖ អត្ថបទនេះមានលក្ខណៈសាមញ្ញ និងមានប្រសិទ្ធភាព ហើយអាចជួយអ្នកបង្កើតទំនាក់ទំនងមួយដ៏ល្អ អាចជួយក្មេងជំទង់របស់អ្នកដែលកំពុងជួបការលំបាក ។ វាចាប់ផ្តើមជាមួយនឹងការកសាងទំនាក់ទំនងបើកចំហ និងមានប្រសិទ្ធភាពជាមួយកូនរបស់អ្នក ។…
រាជធានីភ្នំពេញ ៖ អត្ថបទនេះមានលក្ខណៈសាមញ្ញ និងមានប្រសិទ្ធភាព ហើយអាចជួយអ្នកបង្កើតទំនាក់ទំនងមួយដ៏ល្អ អាចជួយក្មេងជំទង់របស់អ្នកដែលកំពុងជួបការលំបាក ។ វាចាប់ផ្តើមជាមួយនឹងការកសាងទំនាក់ទំនងបើកចំហ និងមានប្រសិទ្ធភាពជាមួយកូនរបស់អ្នក ។ ខាងក្រោមនេះ គឺជាគន្លឹះនៃការចិញ្ចឹមកូនវិជ្ជមាន ដែលនឹងនាំអ្នកទៅរកភាពជោគជ័យ ៖
ការបង្កើតទំនាក់ទំនងបើកចំហ ស្មោះត្រង់ និងគោរព គឺជាគន្លឹះក្នុងការចិញ្ចឹមកូនជំទង់ ។ ការប្រាស្រ័យទាក់ទងប្រកបដោយប្រសិទ្ធភាពមានធាតុផ្សំសំខាន់ៗចំនួនបី គឺការយល់ចិត្ត ការស្តាប់សកម្ម និងការសន្ទនាបើកចំហ ។
គន្លឹះសម្រាប់ឪពុកម្តាយទី ១ ប្រើការយល់ចិត្ត ៖ នេះជាកន្លែងដែលអ្នកយល់អំពីពិភពយុវវ័យរបស់អ្នក ។ ចូលទៅក្នុងជីវិតរបស់ពួកគេ ហើយដើរមួយសន្ទុះធំ ដើម្បីស្វែងយល់ឱ្យច្បាស់ពីកូនរបស់អ្នកឱ្យបានពិតប្រាកដ ។ អ្នកប្រហែលជាភ្ញាក់ផ្អើល ចំពោះអ្វីដែលអ្នកបានដឹងអំពីអំពីរបៀបដែលកូនរបស់អ្នកមើលឃើញពិភពលោក ។ ទស្សនវិស័យនេះមានតម្លៃមិនគួរឱ្យជឿ ដើម្បីទទួលបានវា អ្វីដែលអ្នកត្រូវធ្វើបន្ទាប់ គឺស្តាប់ និងបើកចំហ ចំពោះគំនិត និងទស្សនៈរបស់ពួកគេ ។
គន្លឹះសម្រាប់ឪពុកម្តាយ ទី ២ សាកល្បងការស្តាប់សកម្ម ៖ ការស្តាប់សកម្ម តម្រូវឱ្យអ្នកចូលរួមយ៉ាងពេញលេញ នៅពេលដែលក្មេងជំទង់របស់អ្នកកំពុងនិយាយ ។ ត្រង់ចំណុចនេះ គ្រាន់តែស្តាប់ដោយចេតនា ដើម្បីយល់ពីអារម្មណ៍របស់កូនអ្នក និងកម្លាំងរុញច្រានសម្រាប់អារម្មណ៍ទាំងនោះ ជាជាងស្តាប់ដើម្បីគ្រាន់តែឆ្លើយតប ។ ការស្តាប់សកម្មរួមមានការសួរសំណួរកូនវិញដូចជា តើកូនមានអារម្មណ៍យ៉ាងណា ? ឬ តើកូនគិតយ៉ាងណា ?
គន្លឹះសម្រាប់ឪពុកម្តាយ ទី ៣ ប្រើការសន្ទនាបើកចំហ ៖ ប្រសិនបើអ្នកខ្មាស់អៀនពីជម្លោះ ដំបូន្មានក្នុងការចិញ្ចឹមកូនដ៏ល្អបំផុតដែលយើងអាចផ្តល់ឱ្យ គឺនិយាយដោយផ្ទាល់មុខ ប៉ុន្តែរក្សាភាសារបស់អ្នកឱ្យបើកចំហ និងបន្ធូរអារម្មណ៍ ។ យកបញ្ហាដាក់លើតុ ប្រឈមនឹងបញ្ហា ហើយដោះស្រាយវាជាមួយគ្នា ។ ចូរពិភាក្សាដោយស្មោះត្រង់ និងប្រកបដោយការគោរព អ្នកអាចនិយាយដោយសេរី និងស្មោះត្រង់អំពីបញ្ហាណាមួយ ។ អ្នកអាចព្យាយាមចាប់ផ្តើមការសន្ទនាដោយនិយាយថា ប៉ាម៉ាក់មានរឿងមួយចង់ពិភាក្សាជាមួយកូន ប៉ុន្តែដំបូង ប៉ាម៉ាក់ចង់ដឹងពីគំនិតរបស់កូនសិន ឬ ប៉ាម៉ាក់ត្រូវការជំនួយរបស់កូនលើរឿងអ្វី យើងអាចនិយាយអំពីវាបានទេ ? បន្ទាប់មក ចូរស្តាប់កូនដោយយកចិត្តទុកដាក់ ហើយតបទៅកូនខ្លះផង ៕ ប្រភព ៖ purelifeadventure
អត្ថបទនេះផលិតឡើងក្រោមកិច្ចសហប្រតិបត្តិការជាមួយសាលារៀនវ៉េស្ទឡាញន៍ និងសាលារៀនណត្សឡាញន៍ ។ សាលារៀនវ៉េស្ទឡាញន៍ នឹងបើកដំណើរការសាខាទី ១៤ របស់ខ្លួនស្ថិននៅបណ្តោយផ្លូវលេខ ៥៩៨ ក្នុងខណ្ឌឫស្សីកែវ នៅដើមខែមិថុនា ឆ្នាំ ២០២៦ ខាងមុខនេះ ។ សាលារៀនផ្តល់ជូនកម្មវិធីចំណេះទូទៅខ្មែរពីថ្នាក់មត្តេយ្យ ដល់ទី ១២ កម្មវិធីភាសាអង់គ្លេសទូទៅ និងកម្មវិធីភាសាចិនទូទៅចាប់ពីកម្រិតមត្តេយ្យ ដល់ទី ១២ ។ សម្រាប់ព័ត៌មានបន្ថែម សូមទំនាក់ទំនងទូរស័ព្ទលេខ ៖ 089 792 168 / 015 337 123 ៕
ចែករំលែកព័តមាននេះ