រាជធានីភ្នំពេញ ៖ ជីវិត គឺជាដំណើរការនៃការសិក្សា និងការលូតលាស់ ។ ពេលអ្នកនៅក្មេង ពិភពលោកអាចមើលទៅគួរឱ្យខ្លាច ។ យើងត្រូវជួយកុមារឱ្យរៀនពីវិធីដោះស្រាយបញ្ហាប្រឈមផ្សេងៗដែលពួកគេអាចជួបប្រទះ…
រាជធានីភ្នំពេញ ៖ ជីវិត គឺជាដំណើរការនៃការសិក្សា និងការលូតលាស់ ។ ពេលអ្នកនៅក្មេង ពិភពលោកអាចមើលទៅគួរឱ្យខ្លាច ។ យើងត្រូវជួយកុមារឱ្យរៀនពីវិធីដោះស្រាយបញ្ហាប្រឈមផ្សេងៗដែលពួកគេអាចជួបប្រទះ ដូច្នេះពួកគេអាចរីកចម្រើនទៅជាមនុស្សពេញវ័យ ដែលអាចសម្របសម្រួល និងទទួលជោគជ័យបានល្អ ។ កុមារគួររៀនមេរៀនជីវិតសំខាន់ៗទាំងប្រាំពីរនេះនៅពេលពួកគេផ្លាស់ប្តូរពីកុមារភាពទៅវ័យជំទង់ ។
១. ភាពស្មោះត្រង់ គឺជាគន្លឹះដ៏ល្អបំផុត ៖ មេរៀនជីវិតដ៏សំខាន់មួយសម្រាប់កុមារ គឺត្រូវស្មោះត្រង់ជានិច្ច ។ ការកុហកនឹងធ្វើឱ្យពួកគេមានបញ្ហា ហើយវាមិនមានតម្លៃទេ ។ មូលដ្ឋាននៃទំនាក់ទំនងល្អ គឺភាពស្មោះត្រង់ មិនថាជាមួយមិត្តភក្តិ គ្រួសារ ឬនរណាម្នាក់ផ្សេងទៀត ។ ដើម្បីបណ្តុះគុណធម៌នៃភាពស្មោះត្រង់ដល់កូនៗ ឪពុកម្តាយត្រូវតែធ្វើជាគំរូវិជ្ជមាន ត្រូវតែមានតម្លាភាព និងស្មោះត្រង់ជាមួយកូនជានិច្ច ទោះបីជាវាពិបាកធ្វើក៏ដោយ ។ អ្នកកាន់តែស្មោះត្រង់ជាមួយកូន ទំនាក់ទំនងរបស់អ្នកនឹងកាន់តែរឹងមាំ ។
២. ប្រព្រឹត្តចំពោះអ្នកដទៃតាមដែលអ្នកចង់បានមកវិញ ៖ នៅពេលដែលយើងប្រព្រឹត្តចំពោះនរណាម្នាក់ដោយសេចក្តីសប្បុរស និងការគោរព អ្នកនឹងទទួលបានការគោរពមកវិញដូចគ្នា ។ ការចេះយល់ចិត្តអ្នកដទៃ គឺជាមេរៀនដ៏សំខាន់មួយដើម្បីបង្រៀនក្មេងៗ ព្រោះវាជួយបង្កើនការយល់ដឹងរបស់ពួកគេអំពីសារៈសំខាន់នៃក្តីមេត្តា ។
៣. សុជីវធម៌ ៖ សុជីវធម៌ នឹងជួយឱ្យកុមារងាយចុះសម្រុងជាមួយអ្នកដទៃ ។ អ្នកគប្បីបង្រៀនកូនអំពីសារៈសំខាន់នៃការនិយាយថា “សូម” និង “សូមអរគុណ” និងមានភាពគួរសមពេញមួយជីវិតរបស់ពួកគេ ។
៤. កូនមិនតែងតែទទួលបានអ្វីដែលកូនចង់បានទេ ៖ ការពិតដ៏អាក្រក់នៃជីវិត គឺថា មិនមែនអ្វីៗទាំងអស់សុទ្ធតែជារបស់យើងទេ ។ ការបង្រៀនកូនចំពោះរឿងនេះអាចជួយកុមារឱ្យជួបការខកចិត្តតិច នៅពេលដែលអ្វីៗមិនដំណើរការ ។ វាក៏សំខាន់ផងដែរដែលកុមាររៀនពីរបៀបទប់ទល់នឹងការខកចិត្តដែលមានសុខភាពល្អ ។
៥. ជោគជ័យ កើតចេញពីការខិតខំប្រឹងប្រែង ៖ កូនក្មេងត្រូវតែប្រឹងប្រែង ដើម្បីសម្រេចបាននូវអ្វីដែលពួកគេចង់បាន ។ ការខិតខំប្រឹងប្រែង ហើយទទួលបានលទ្ធផលដែលខ្លួនចង់បាន គឺជាក្តីសុខ និងការពេញចិត្តណាស់ ។
៦. វាមិនតែងតែអំពីអ្នកទេ ៖ ការរៀនថា ជីវិតមិនមែនតែងតែទាក់ទងនឹងយើងទេ ។ វាមានសារៈសំខាន់ណាស់ក្នុងការជួយកូនរបស់យើងឱ្យយល់ថា ពួកគេមិនមែនជាមនុស្សតែម្នាក់គត់នៅក្នុងពិភពលោកនេះ ហើយកម្មភាពរបស់ពួកគេតែមានផលវិបាកចំពោះពួកគេ និងមនុស្សជុំវិញខ្លួន ។
៧. អារម្មណ៍នៃការទទួលខុសត្រូវ ៖ វាមានសារៈសំខាន់ណាស់ក្នុងការបង្រៀនកុមារឱ្យទទួលខុសត្រូវ ចំពោះសកម្មភាពរបស់ពួកគេផ្ទាល់ ។ ក្មេងដែលយកចិត្តទុកដាក់លើសកម្មភាពរបស់ខ្លួន ទំនងជាក្លាយជាមនុស្សពេញវ័យដែលជោគជ័យ និងមានក្រមសីលធម៌ការងារខ្លាំង ។ ទំនួលខុសត្រូវ គឺជាគន្លឹះនៃជីវិតជោគជ័យ ៕ ប្រភព ៖ thepillarsclc
អត្ថបទនេះផលិតឡើងក្រោមកិច្ចសហប្រតិបត្តិការជាមួយសាលារៀនវ៉េស្ទឡាញន៍ និងសាលារៀនណត្សឡាញន៍ ។ សាលារៀនវ៉េស្ទឡាញន៍ នឹងបើកដំណើរការសាខាទី ១៤ របស់ខ្លួនស្ថិននៅបណ្តោយផ្លូវលេខ ៥៩៨ ក្នុងខណ្ឌឫស្សីកែវ នៅដើមខែមិថុនា ឆ្នាំ ២០២៦ ខាងមុខនេះ ។ សាលារៀនផ្តល់ជូនកម្មវិធីចំណេះទូទៅខ្មែរពីថ្នាក់មត្តេយ្យ ដល់ទី ១២ កម្មវិធីភាសាអង់គ្លេសទូទៅ និងកម្មវិធីភាសាចិនទូទៅចាប់ពីកម្រិតមត្តេយ្យ ដល់ទី ១២ ។ សម្រាប់ព័ត៌មានបន្ថែម សូមទំនាក់ទំនងទូរស័ព្ទលេខ ៖ 089 792 168 / 015 337 123 ៕
ចែករំលែកព័តមាននេះ