អំណោយ ៣ ដែលអ្នកគប្បីផ្តល់ជូនកូនស្រីរបស់អ្នករាល់ថ្ងៃ !
រាជធានីភ្នំពេញ ៖ តើអ្នកកំពុងធ្វើអ្វីជារៀងរាល់ថ្ងៃ ដើម្បីវិនិយោគលើទំនាក់ទំនងរបស់អ្នកជា មួយកូនស្រី ? ខាងក្រោមនេះ គឺជាអំណោយដ៏ពិសេសចំនួន ៣ ដើម្បីផ្តល់ជូនកូនស្រីរបស់…
រាជធានីភ្នំពេញ ៖ តើអ្នកកំពុងធ្វើអ្វីជារៀងរាល់ថ្ងៃ ដើម្បីវិនិយោគលើទំនាក់ទំនងរបស់អ្នកជា មួយកូនស្រី ? ខាងក្រោមនេះ គឺជាអំណោយដ៏ពិសេសចំនួន ៣ ដើម្បីផ្តល់ជូនកូនស្រីរបស់ អ្នកជារៀងរាល់ថ្ងៃ ដែលនឹងផ្តល់ផលចំណេញច្រើនក្នុងរយៈពេលវែង ៖
១. ពាក្យលើកទឹកចិត្ត ៖ កូនស្រីរបស់អ្នកត្រូវប្រឈមនឹងការវាយលុកនៃភាពអវិជ្ជមានជារៀងរាល់ថ្ងៃ ។ សំឡេងទាំងនេះប្រាប់នាងថា នាងមិនឆ្លាតគ្រប់គ្រាន់ នាងមិនស្អាតគ្រប់គ្រាន់ ឬនាងមិនល្អគ្រប់គ្រាន់ ។ ទោះបីជាអ្នកមិនអាចផ្លាស់ប្តូរវាទាំងស្រុងក៏ដោយ ប៉ុន្តែអ្នកអាច ជា មនុស្សម្នាក់ដែលចង់ផ្តល់ពាក្យលើកទឹកចិត្តជារៀងរាល់ថ្ងៃចំពោះនាង ។ វាជារឿងសំខាន់ ណាស់ដែលពាក្យទាំងនេះមានខ្លឹមសារល្អ មិនមែនគ្រាន់តែជាការនិយាយបំភាន់ឱ្យតែបាន នោះទេ ។ តើអ្នកអាចចំណាយពេលដើម្បីកត់សម្គាល់រឿងមួយជារៀងរាល់ថ្ងៃ ដែលអ្នកអាច លើកទឹកចិត្តកូនស្រីរបស់អ្នកបានទេ ? ប្រហែលវាជាក្រមសីលធម៌ការងាររបស់នាង ឬពីរ បៀបដែលនាងបានជួយអ្នកដទៃ ។ អ្នកក៏អាចគិតថា កូនស្រីរបស់អ្នកគួរឱ្យស្រឡាញ់ ឬចេះ គិតគូរដឹតដល់ជាដើម ។ អ្វីក៏ដោយ រើសយកមក ហើយសរសើរកូនស្រីទៅ ។ វាពិតជាជំហានសំខាន់មួយ ដើម្បីធ្វើឱ្យទំនាក់ទំនងឪពុក និងកូនស្រីប្រសើរឡើង ។
២. សួរសំណួរ ៖ ក្នុងនាមជាឪពុក យើងប្រាប់ឱ្យកូនស្រីធ្វើនូវរឿងជាច្រើនជារៀងរាល់ថ្ងៃ ដូចជា លាងចាន ! សម្អាតបន្ទប់របស់កូន ! ធ្វើកិច្ចការផ្ទះរបស់កូន ! ប៉ុន្តែតើយើងសួរសំណួរ ប៉ុន្មានទៅ ? តើអ្នកដឹងទេថា សំណួរមានសារៈសំខាន់ ពីព្រោះវាធ្វើឱ្យពួកគេយល់ថា អ្នកចង់ ដឹងពីសុខទុក្ខរបស់កូនគ្រប់ពេលវេលា ។ ការណែនាំ ការបញ្ជាក់ប្រាប់កូន គ្រាន់តែទាមទារឱ្យ កូនស្តាប់បង្គាប់ ប៉ុន្តែសំណួរអាចជំរុញការសន្ទនា និងការភ្ជាប់ទំនាក់ទំនង ។ អ្នកអាចនិយាយ ថា នៅសាលា ថ្ងៃនេះយ៉ាងម៉េចដែរកូន ? តើមានអ្វីធ្វើឱ្យកូនសប្បាយចិត្តនៅថ្ងៃនេះ ? តើផ្នែកណាដែលកូនពេញចិត្តថ្ងៃនេះ ? តើផ្នែកណាដែលពិបាកបំផុត ? ។
៣. ការយកចិត្តទុកដាក់របស់អ្នក ៖ ប្រហែលជាវត្ថុដ៏មានតម្លៃ និងពិបាកបំផុត ដែលអ្នកអាច ផ្តល់ឱ្យកូនស្រីរបស់អ្នក គឺការយកចិត្តទុកដាក់របស់អ្នក ។ មានរឿងរាប់ពាន់ដែលអ្នកកំពុង ជាប់រវល់ ឬប្រជែងនឹងការយកចិត្តទុកដាក់របស់អ្នកជារៀងរាល់ថ្ងៃ ប៉ុន្តែប្រសិនបើអ្នកចង់ធ្វើឱ្យទំនាក់ទំនងកូនស្រីរបស់ឪពុកប្រសើរឡើង វាចាប់ផ្តើមដោយការយកចិត្តទុកដាក់របស់អ្នក ។ តើកូនស្រីរបស់អ្នកកំពុងធ្វើអ្វីឥឡូវនេះ ? តើអ្នកកត់សម្គាល់អ្វីអំពីនាង ? តើនាងសប្បាយ ចិត្តទេ ? តើនាងសោកសៅទេ ? តើការសង្កេតនេះអាចនាំឱ្យអ្នកធ្វើអ្វី ? មានសំណួរដែលអ្នក អាចសួរនាងបានទេ ? តើមានពាក្យលើកទឹកចិត្តដែលអ្នកអាចផ្តល់ឱ្យកូនស្រីបានទេ ? ការ យកចិត្តទុកដាក់របស់អ្នកជាអំណោយដ៏សំខាន់បំផុត ។ ចូរមានចិត្តទូលាយដោយការយក ចិត្តទុកដាក់ចំពោះកូនស្រីរបស់អ្នកនៅថ្ងៃនេះ ហើយវាប្រហែលជាអ្វីដែលនាងកំពុងត្រូវការ នៅពេលនេះផងដែរ ៕ ប្រភព ៖ allprodad
អត្ថបទនេះផលិតឡើងក្រោមកិច្ចសហប្រតិបត្តិការជាមួយសាលារៀនវ៉េស្ទឡាញន៍ និងសាលារៀនណត្សឡាញន៍ ។ សាលារៀនវ៉េស្ទឡាញន៍ នឹងបើកដំណើរការសាខាទី ១៤ របស់ខ្លួនស្ថិននៅបណ្តោយផ្លូវលេខ ៥៩៨ ក្នុងខណ្ឌឫស្សីកែវ នៅដើមខែមិថុនា ឆ្នាំ ២០២៦ ខាងមុខនេះ ។ សាលារៀនផ្តល់ជូនកម្មវិធីចំណេះទូទៅខ្មែរពីថ្នាក់មត្តេយ្យ ដល់ទី ១២ កម្មវិធីភាសាអង់គ្លេសទូទៅ និងកម្មវិធីភាសាចិនទូទៅចាប់ពីកម្រិតមត្តេយ្យ ដល់ទី ១២ ។ សម្រាប់ព័ត៌មានបន្ថែម សូមទំនាក់ទំនងទូរស័ព្ទលេខ ៖ 089 792 168 / 015 337 123 ៕
ចែករំលែកព័តមាននេះ