រាជធានីភ្នំពេញ ៖ អ្នកមិនចាំបាច់ធ្វើជាអ្នកជំនាញ ដើម្បីបង្រៀនកូនអំពីលុយនោះទេ តែនៅពេលដែលអ្នកអាចធ្វើបាន មិនថានៅផ្ទះ ឬពេលអ្នកចេញក្រៅ ។ ក. ចូរចាប់ផ្តើមការសន្ទនាអំពីលុយជាមួយកូនរបស់អ្នក…
រាជធានីភ្នំពេញ ៖ អ្នកមិនចាំបាច់ធ្វើជាអ្នកជំនាញ ដើម្បីបង្រៀនកូនអំពីលុយនោះទេ តែនៅពេលដែលអ្នកអាចធ្វើបាន មិនថានៅផ្ទះ ឬពេលអ្នកចេញក្រៅ ។
ក. ចូរចាប់ផ្តើមការសន្ទនាអំពីលុយជាមួយកូនរបស់អ្នក ៖
១. របៀបរកលុយ ៖ ប្រាប់កូនអំពីរបៀបដែលអ្នករកប្រាក់សម្រាប់ការចំណាយ ។ ពន្យល់កូនថា អ្នកនឹងទទួលបានទឹកប្រាក់រាល់ពេលដែលអ្នកធ្វើការ ហើយគេបង់ប្រាក់ឱ្យអ្នក ។ ចូរនិយាយពីរបៀបដែលអ្នកប្រើលុយនោះដើម្បីចំណាយលើសម្ភារសំខាន់ៗ ដូចជាអាហារ សម្លៀកបំពាក់ ទឹក និងភ្លើង ។
២. តម្រូវការ និងការចង់បាន ៖ និយាយអំពីរបៀបដែលអ្នកកំណត់អាទិភាពអ្វីដែលអ្នកចំណាយប្រាក់ ។ ពិភាក្សាពីភាពខុសគ្នារវាងតម្រូវការ និងការចង់បាន ហើយលើកទឹកចិត្តកូនរបស់អ្នកឱ្យគិតអំពីតម្រូវការ និងការចង់បាន មុនពេលចំណាយប្រាក់ ។
៣. តាមដានការចំណាយ ៖ ពេលកូនរបស់អ្នកធំល្មមអាចធ្វើការដំបូងបាន ពួកគេអាចនឹងចំណាយលុយទាំងអស់ដែលពួកគេរកបាន ដូច្នេះចូរបង្ហាញពួកគេពីរបៀបតាមដានការចំណាយរបស់ខ្លួនឯង ដើម្បីមើលថាតើលុយរបស់ពួកគេទៅណាខ្លះ ។
ខ. បង្រៀនកូនរបស់អ្នកអំពីលុយ ថាលុយនឹងត្រូវចំណាយទៅលើអ្វីខ្លះ ?
១. នៅពេលអ្នកបង់ប្រាក់ ៖ ពន្យល់កូនថា នៅពេលអ្នកចុច app បង់លុយ លុយនោះវានឹងរត់ទៅកាន់ធនាគារ ឬបែបណា ។ ពេលអ្នកចុចបង់លុយ អ្នកត្រូវបាត់បង់លុយដែលអ្នកធ្វើការរកបាន ហើយលុយរបស់អ្នកនឹងតិចជាងមុនពេលអ្នកបង់លុយ ។
២. ពេលដើរទិញអីវ៉ាន់ ៖ នៅពេលដើរទិញអីវ៉ាន់ សូមបង្រៀនកូនរបស់អ្នកអំពីតម្លៃរបស់របរ ។ បង្ហាញពួកគេពីរបៀបដែលទំនិញស្រដៀងគ្នា តែមានតម្លៃខុសគ្នា ។ ប្រៀបធៀបថា តើតម្លៃទាបជាងប៉ុន្មាន ជាមួយនឹងការផ្តល់ជូនពិសេស ឬការបញ្ចុះតម្លៃ និងពន្យល់កូនថា ផលិតផលមួយណាល្អជាងមួយណា មួយណាថ្លៃជាងមួយណា ។
៣. នៅពេលបង់វិក្កយបត្រ ៖ បង្ហាញកូនរបស់អ្នកនូវវិក្កយបត្រទឹក ឬភ្លើង ។ ពន្យល់ថា តើអ្នកត្រូវធ្វើការប៉ុន្មានម៉ោង ឬថ្ងៃ ដើម្បីរកប្រាក់ដើម្បីបង់វិក្កយបត្រនោះ ។ វានឹងជួយឱ្យពួកគេភ្ជាប់ទំនាក់ទំនងជាមួយការបង់ប្រាក់សម្រាប់អ្វីៗ ។
គ. ឱ្យកូនចូលរួមក្នុងការសម្រេចចិត្តបង់ប្រាក់ ៖
១. ពិនិត្យកិច្ចព្រមព្រៀង ៖ ធ្វើការរួមគ្នាដើម្បីស្រាវជ្រាវតាមអ៊ីនធឺណិត ឬទិញទំនិញ ដើម្បីស្វែងរកកិច្ចព្រមព្រៀងដ៏ល្អបំផុត សម្រាប់អ្វីមួយដែលពួកគេចង់ទិញ ។
២. រៀបចំផែនការព្រឹត្តិការណ៍មួយ ៖ ចូលរួមជាមួយកូនរបស់អ្នកក្នុងការរៀបចំផែនការ និងថវិកាសម្រាប់ការចេញក្រៅ ឬពិធីខួបកំណើត ដូចជាការចាយទៅលើការដឹកជញ្ជូន អាហារ សំបុត្រអញ្ជើញ ឬសកម្មភាពនានា ។
៣. ធ្វើកញ្ចប់ថវិកា ៖ ធ្វើកញ្ចប់ថវិកាគ្រួសារជាមួយកូនរបស់អ្នក ។ ពន្យល់ថា តើអ្នកមានលុយប៉ុន្មានក្នុងមួយសប្តាហ៍ និងរបៀបដែលអ្នកចំណាយ និងសន្សំវា ។ ពួកគេនឹងចាប់ផ្តើមយល់ដឹងអំពីតម្លៃនៃការរស់នៅ និងចំណាយពេលប៉ុន្មានដើម្បីសន្សំ ។
៤. ចែករំលែកលុយរបស់ពួកគេ ៖ លើកទឹកចិត្តកូនរបស់អ្នកឱ្យបរិច្ចាគប្រាក់សន្សំមួយចំនួនរបស់ពួកគេទៅអង្គការសប្បុរសធម៌ ។ ឱ្យពួកគេជ្រើសរើសអង្គការសប្បុរសធម៌ណាមួយ ដែលត្រូវបរិច្ចាគ ហើយនិយាយអំពីអារម្មណ៍ល្អក្នុងការជួយអ្នកដទៃ ។ នេះបង្រៀនពួកគេថា អ្នកអាចប្រើលុយមានតម្លៃច្រើនជាងការទិញរបស់របរ ។
៥. ឱ្យលុយកូន ៖ អ្នកអាចឱ្យលុយ ដើម្បីជួយកូនរបស់អ្នកឱ្យយល់ពីតម្លៃនៃប្រាក់ ។ អ្នកអាច
ជ្រើសរើសកិច្ចការមួយចំនួន ដើម្បីបង់ប្រាក់ឱ្យពួកគេដូចជាការសម្អាតផ្ទះ បូមធូលីផ្ទះ ធ្វើអាហារថ្ងៃត្រង់ ហាលខោអាវ យកសំរាមចេញជាដើម ។ ហើយអ្នកត្រូវប្រាកដថា អ្នកដកប្រាក់ របស់ពួកគេមកវិញ ប្រសិនបើពួកគេមិនធ្វើកិច្ចការនោះ ។
លើកទឹកចិត្តកូនរបស់អ្នកឱ្យសន្សំលុយ ។ កូនជ្រូក និងគណនីធនាគារ គឺល្អសម្រាប់ក្មេងតូចៗ ដើម្បីជួយឱ្យគេមើលឃើញ និងយល់អំពីប្រាក់ ។ ពួកគេអាចមើលឃើញប្រាក់របស់ពួកគេកើនឡើងនៅពេលដែលពួកគេសន្សំ ។ ការបើកគណនីសន្សំ គឺជាវិធីដ៏ល្អមួយដើម្បីណែនាំកុមារឱ្យស្គាល់ធនាគារ ការសន្សំ និងការប្រាក់ ៕ ប្រភព ៖ moneysmart
អត្ថបទនេះផលិតឡើងក្រោមកិច្ចសហប្រតិបត្តិការជាមួយសាលារៀនវ៉េស្ទឡាញន៍ និង សាលារៀនណត្សឡាញន៍ ។ សាលារៀនវ៉េស្ទឡាញន៍ នឹងបើកដំណើរការសាខាទី ១៤ របស់ខ្លួនស្ថិននៅបណ្តោយផ្លូវលេខ ៥៩៨ ក្នុងខណ្ឌឫស្សីកែវ នៅដើមខែមិថុនា ឆ្នាំ ២០២៦ ខាងមុខនេះ ។ សាលារៀនផ្តល់ជូនកម្មវិធីចំណេះទូទៅខ្មែរពីថ្នាក់មត្តេយ្យ ដល់ទី ១២ កម្មវិធីភាសាអង់គ្លេសទូទៅ និងកម្មវិធីភាសាចិនទូទៅចាប់ពីកម្រិតមត្តេយ្យ ដល់ទី ១២ ។ សម្រាប់ព័ត៌មានបន្ថែម សូមទំនាក់ទំនងទូរស័ព្ទលេខ ៖ 089 792 168 / 015 337 123 ៕
ចែករំលែកព័តមាននេះ