សន្ទុក ៖ ប្រជាពលរដ្ឋក្នុងស្រុកសន្ទុក ចងចាំ និងមិនអាចបំភ្លេចបាននូវមហាឧក្រិ.ដ្ឋកម្មនៃរបបកម្ពុជាប្រជាធិបតេយ្យដែលបានបង្កើតឡើងចំពោះមាតុភូមិ និងប្រជាជនកម្ពុជា ហើយដឹងគុណជានិច្ចចំពោះមហាគុណូបការៈនៃជ័យជម្នះ ៧ មករា ដែលបានសង្គ្រោះជាតិ…
សន្ទុក ៖ ប្រជាពលរដ្ឋក្នុងស្រុកសន្ទុក ចងចាំ និងមិនអាចបំភ្លេចបាននូវមហាឧក្រិ.ដ្ឋកម្មនៃរបបកម្ពុជាប្រជាធិបតេយ្យដែលបានបង្កើតឡើងចំពោះមាតុភូមិ និងប្រជាជនកម្ពុជា ហើយដឹងគុណជានិច្ចចំពោះមហាគុណូបការៈនៃជ័យជម្នះ ៧ មករា ដែលបានសង្គ្រោះជាតិ និងប្រជាជនឲ្យរស់ឡើងវិញ រួចផុតពីរបបប្រល័យពូជសាសន៍ ។
ប្រជាពលរដ្ឋរាប់រយនាក់ នៅក្នុងស្រុកសន្ទុក ខេត្តកំពង់ធំ នៅថ្ងៃទី២០ ខែឧសភា ឆ្នាំ២០២៥នេះ បានមកចូលរួមក្នុងទិវាជាតិនៃការចងចាំ ២០ ឧសភា ក្រោមអធិបតីភាពឯកឧត្តម ស៊ុ សន្និសិទ្ធ ទេសាភិបាលរង តំណាងដ៏ខ្ពង់ខ្ពស់លោកជំទាវ ជា សិរី អគ្គទេសាភិបាលធនាគារជាតិនៃកម្ពុជាដែលនេះជាព្រឹត្តិការណ៍មួយដែលប្រជាជនកម្ពុជាគ្រប់ៗរូប នៅចង់ចាំជានិច្ច ជាពិសេសប្រជាជនដែលមានអាយុលើសពី៤៥ ឆ្នាំឡើងទៅ សុទ្ធតែជាជនរងគ្រោះ និងជាសាក្សីដែលបានរស់នៅផ្ទាល់នៃមហាឧក្រិ.ដ្ឋកម្មដ៏ឃោរឃៅព្រៃ.ផ្សៃ ដែលបានធ្វើឲ្យប្រជាជនយើងបាត់បង់ជីវិតអស់ជាង៣លាននាក់ តែក្នុងរយៈពេល៣ឆ្នាំ ៨ខែ និង២០ថ្ងៃនៃមហាឧក្រិដ្ឋកម្ម ដែលរបបកម្ពុជាប្រជាធិបតេយ្យបានបង្កើត ឡើងចំពោះមាតុភូមិតែប៉ុណ្ណោះ ។
ឯកឧត្ដមស៊ុ សន្និសិទ្ធ បានបញ្ជាក់ដែរថា នៅក្នុងពេលដែលប្រទេសជាតិជួបប្រទះគ្រោះអាសន្នដូចនេះ មានតែបក្សប្រជាជនបដិវត្តន៍ខ្មែរ តែមួយគត់ដែលបច្ចុប្បន្ន គឺជាគណបក្សប្រជាជនកម្ពុជា ដែលកាលនោះទោះបីរបបប៉ុលពត បង្ក្រាបស្ទើររលំរលាយក៏ដោយបក្សនៅតែបន្តជ្រោងខ្ពស់ទង់ស្នេហាជាតិដ៏បរិសុទ្ធ ប្រមូលផ្តុំកម្លាំងដែលនៅសេសសល់ បង្កើតជារណសិរ្សសាមគ្គីសង្គ្រោះជាតិកម្ពុជា និងអំពាវនាវសុំជំនួយពីបណ្តាប្រទេសជាមិត្តវាយបណ្ដេញបនប្រល័យពូជសាសន៍ ហើយរំដោះប្រទេសជាតិ និងប្រជាជនបានទាន់ពេលវេលា នៅថ្ងៃទី ៧ ខែមករា ឆ្នាំ១៩៧៩ ។
ផ្តើមចេញពីដំណើរតស៊ូជាមួយទឹកចិត្តដ៏មោះមុតនោះរបស់សម្តេច តេជោ ហ៊ុន សែន ទើបនាំឱ្យមានការរំដោះប្រទេសជាតិ និងប្រជាជនកម្ពុជា ពិឃា.ត ប៉ុល ពត នៅថ្ងៃទី៧ ខែមករា ឆ្នាំ១៩៧៩ ហើយឈានឆ្ពោះទៅរកការ និងនាំកម្ពុជាធានាបាននូវសុខសន្តិភាព សេរីភាពលទ្ធិប្រជាធិបតេយ្យ ស្ថិរភាពនយោបាយ និងវឌ្ឍនភាពសង្គម ប្រជាជនកម្ពុជារស់នៅយ៉ាងសុខដុមរមនាដូចពេលបច្ចុប្បន្ន ។
ឯកឧត្ដមបានបន្តទៀតថា ក្រោមដំបូលសន្តិភាពដែលជាមរតកដឹកនាំរបស់សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភានៃព្រះរាជាណាចក្រកម្ពុជា រាជរដ្ឋាភិបាលនីតិកាលថ្មីដែលដឹកនាំដោយ សម្តេចមហាបវរធិបតី ហ៊ុន ម៉ាណែត បាន និងកំពុងដឹកនាំប្រកបដោយភាពស្វាហាប់ ដើម្បីបន្ត បេសកកម្មដ៏ពិសិដ្ឋរបស់រាជរដ្ឋាភិបាលនីតិកាលចាស់ ក្នុងការរក្សាឱ្យបានសុខសន្តិភាពដែលជា ខឿនធានាសេចក្តីសុខរបស់ប្រជាពលរដ្ឋ ជំរុញដល់កំណើនសេដ្ឋកិច្ច និងការអភិវឌ្ឍបានសមិទ្ធផលថ្មីៗបន្តទៀតឆ្លើយតបសេចក្តីត្រូវការរបស់ប្រជាពលរដ្ឋ ។ ដូចនេះហើយមិនថា តែប្រជាជនស្រុកសន្ទុកទេ គឺប្រជាជននៅទូទាំងប្រទេសសុទ្ធតែបានថ្លែងនូវការដឹងគុណជានិច្ចចំពោះគណបក្សប្រជាជនកម្ពុជាដែលបានរំដោះឲ្យមាតុភូមិឲ្យរួចផុតពីគ្រោះមហន្តរាយប្រល័យពូជសាសន៍នេះ ។
ជាការពិតមានតែបក្សប្រជាជនកម្ពុជាមួយគត់ដែលតែងតែនៅតស៊ូ រួមសុខ រួមទុក្ខ ចែករំលែកការលំបាកជាមួយប្រជាជន ដោយបានដឹកនាំឆ្លងកាត់នូវគ្រប់ពុះពារឧបសគ្គគ្រប់បែបយ៉ាង ដើម្បីប្រទេសជាតិ និងប្រជាជនរស់នៅសុខក្សេមក្សាន្តក្រោមម្លប់សន្តិភាព និងប្រកបដោយភាពរីកចម្រើន ។
សូមបញ្ជាក់ថា នៅក្នុងពិធីនេះដែរក៏មានការរៀបចំពិធីបង្សុកូល រាប់បាត្រព្រះសង្ឃ ឧទ្ទិសកុសលជូនដល់លោកឪពុកអ្នកម្តាយ បងប្អូនជន រួមជាតិទាំងអស់ ដែលបានរងគ្រោះបាត់បង់ជីវិតដោយអំពើប្រល័យពូជសាសន៍ និងរំលឹកឡើងវិញនូវមហាឧក្រិ.ដ្ឋកម្មដែលបនប្រល័យពូជសាសន៍ប៉ុលពតបានបង្កឡើង និងដើម្បីដឹងគុណូបការៈដ៏ធំធេងរបស់រណសិរ្សសាមគ្គីសង្គ្រោះជាតិកម្ពុជា និងគណបក្សប្រជាជនកម្ពុជា ដែលបានជួយរំដោះជាតិ និងប្រជាជនយើងឲ្យរួចផុតពីមហាឧក្រិ.ដ្ឋកម្មនោះ ៕
ចែករំលែកព័តមាននេះ