រាជធានីភ្នំពេញ ៖ កាលពីពេលថ្មីៗកន្លងមកនេះ សិស្សានុសិស្សសាលារៀនវ៉េស្ទឡាញន៍ សាខាច្បារអំពៅប្រមាណ ១០០នាក់ បានទៅទស្សនកិច្ចសិក្សានៅកសិដ្ឋានគិរីសួគ៌ ស្ថិតនៅខេត្តតាកែវ ដែលជាកន្លែងចិញ្ចឹមគោយកទឹកដោះដ៏ធំជាងគេ ដោយប្រើបច្ចេកវិទ្យាទំនើបបំផុត…
រាជធានីភ្នំពេញ ៖ កាលពីពេលថ្មីៗកន្លងមកនេះ សិស្សានុសិស្សសាលារៀនវ៉េស្ទឡាញន៍ សាខាច្បារអំពៅប្រមាណ ១០០នាក់ បានទៅទស្សនកិច្ចសិក្សានៅកសិដ្ឋានគិរីសួគ៌ ស្ថិតនៅខេត្តតាកែវ ដែលជាកន្លែងចិញ្ចឹមគោយកទឹកដោះដ៏ធំជាងគេ ដោយប្រើបច្ចេកវិទ្យាទំនើបបំផុត នៅប្រទេសកម្ពុជា ដើម្បីឈ្វេងយល់ ពីដំណើរការអាជីវកម្ម និងសង្វាក់ផលិតបែបបច្ចេកវិទ្យាទំនើប ។
តាមរយៈទស្សនកិច្ចសិក្សានេះ សិស្សានុសិស្សបានឈ្វេងយល់នៅផ្នែកមួយៗ នៃសង្វាក់ផលិតកម្មចិញ្ចឹមគោតាំងពីដើមដល់ចប់ ដោយផ្ដើមពីផ្នែកដាំដុះច្រូតកាត់ស្មៅដោយម៉ាស៊ីនគ្រឿងចក្រ ផ្នែកចម្ការពោត ចម្ការស្មៅម៉ុមបាសាស្រោចស្រពដោយប្រព័ន្ធទឹកស្វ័យប្រវត្តិ ការកែច្នៃចំណីសត្វសម្បូរជីវជាតិ ការកែច្នៃផលិត រហូតដល់ច្រកដបវេចខ្ចប់ជាផលិតផលសម្រេច ។
លើសពីនេះ សិស្សក៏បានចំណេះដឹងពាក់ព័ន្ធប្រវត្តិ និងការចាប់ផ្តើមដំណើរការកសិដ្ឋានគិរីសួគ៍ យុទ្ធសាស្ត្រនៃការលក់ និងការធ្វើទីផ្សារ បញ្ហាប្រឈមនិងការស្វែងរកដំដោះ ដើម្បីឲ្យសម្រេចបានជាទឹកដោះគោមួយដែលមានគុណភាព អភិវឌ្ឍសុខភាពតាមរយៈការពង្រីកអាហារូបត្ថម្ភដល់ប្រជាជន។
កសិដ្ឋានចិញ្ចឹមគោយកទឹកដោះគិរីសួគ៌ ដែលស្ថិតនៅភូមិឱភាសាំង ឃុំកណ្ដឹង ស្រុកបាទី ខេត្តតាកែវបានដំណើរការរយៈពេលជាង ៦ឆ្នាំមកហើយតាំងពីផ្ដើមការសាងសង់រហូតដល់ទទួលបានតំណក់ទឹកដោះគោដំបូង។ កសិដ្ឋានក៏បានលក់ចែកចាយផលិតផលរបស់ខ្លួនមានទឹកដោះគោស្រស់ និងយ៉ាអួ ច្រើនរសជាតិ នៅលើទីផ្សារ តាមផ្សារទំនើប ផ្សារធម្មតា រាប់ពាន់កន្លែង ដោយទទួលបានការគាំទ្រយ៉ាងខ្លាំង ។
សូមជម្រាបថា សាលារៀនតែងតែរៀបចំដំណើរទស្សកិច្ចសិក្សាទៅកាន់សហគ្រាស កសិដ្ឋាន និងក្រុមហ៊ុននានាក្នុងស្រុក ក្នុងគោលបំណងផ្សារភ្ជាប់មេរៀនសហគ្រិនភាព ទៅនឹងការអនុវត្តជាក់ស្តែង ៕ អត្ថបទសហការ
ចែករំលែកព័តមាននេះ