ADផ្ទាំងផ្សព្វផ្សាយពាណិជ្ជកម្ម

ឪពុកម្តាយគួរធ្វើបែបណាពេលកូនធ្លាក់ទឹកចិត្ដ ?

1 ថ្ងៃ មុន

១៣ ខែ ឧសភា ឆ្នាំ ២០២៥ ម៉ោង ១៦:០៨

រាជធានីភ្នំពេញ ៖ វាជារឿងធម្មតាទេដែលក្មេងមានអារម្មណ៍មិនល្អ ឬសោកសៅនៅពេលខ្លះ ។ ប៉ុន្តែនៅពេលដែលអារម្មណ៍ទាំងនេះមានរយៈពេលជាច្រើនសប្តាហ៍ ឬយូរជាងនេះបូករួមផ្សំនឹងការផ្លាស់ប្តូរផ្សេងទៀត វាអាចជាជំងឺធ្លាក់ទឹកចិត្ត ។ ការព្យាបាលអាចជួយកុមារឱ្យឆ្លងកាត់ភាពសោកសៅ ឬបាក់ទឹកចិត្ត ហើយក៏មានរឿងជាច្រើនដែលឪពុកម្តាយអាចធ្វើបាន ដើម្បីជួយកូនផងដែរ ។ ដូច្នេះប្រសិនបើភាពសោកសៅមានរយៈពេលជាច្រើនសប្តាហ៍ ឬយូរជាងនេះ សូមពិភាក្សាជាមួយគ្រូពេទ្យរបស់កូនអ្នក ។

១. និយាយជាមួយកូនអំពីភាពសោកសៅ និងការធ្លាក់ទឹកចិត្ត ៖ ក្មេងៗប្រហែលជាមិនដឹងថា ហេតុអ្វីបានជាពួកគេសោកសៅ ឬធ្លាក់ទឹកចិត្តខ្លាំងនោះទេ ហើយហេតុអ្វីបានជាអ្វីៗហាក់ដូចជាពិបាកម្ល៉េះសម្រាប់ពួកគេ ។ ចូរអនុញ្ញាតឱ្យពួកគេដឹងថា អ្នកដឹងថាពួកគេកំពុងឆ្លងកាត់ការលំបាក ហើយអ្នកនឹងនៅទីនោះដើម្បីជួយពួកគេ ។ ចូរស្តាប់ លួងលោម ផ្តល់ការគាំទ្រ និងបង្ហាញសេចក្តីស្រឡាញ់ចំពោះកូន ។

២. ទៅជួបជាមួយគ្រូពេទ្យរបស់កូនអ្នក ៖ អនុញ្ញាតឱ្យគ្រូពេទ្យរបស់កូនអ្នកដឹងថា តើអាការៈបែបនេះមានរយៈពេលយូរប៉ុណ្ណាហើយ ។ នេះក៏មិនមានន័យថា កុមារមានការធ្លាក់ទឹកចិត្តនោះដែរ ដូច្នេះប្រាប់គ្រូពេទ្យរបស់កូនអ្នកលម្អិត ប្រសិនបើអ្នកបានកត់សម្គាល់ផងដែរនូវការប្រែប្រួលនៃការគេង ការញ៉ាំ ថាមពល ឬការប្រឹងប្រែងរបស់កូនអ្នក ។ គ្រូពេទ្យរបស់កូនអ្នកក៏អាចបញ្ជូនអ្នកទៅកាន់អ្នកជំនាញផ្នែកចិត្តសាស្ត្រផងដែរ ។

៣. ណាត់ជួបអ្នកជំនាញចិត្តសាស្ត្រ ៖ អ្នកជំនាញចិត្តសាស្ត្រ (វេជ្ជបណ្ឌិតសុខភាពផ្លូវចិត្ត) នឹងចំណាយពេលជជែកជាមួយអ្នក និងកូនរបស់អ្នក ។ ពួកគេនឹងធ្វើការត្រួតពិនិត្យស៊ីជម្រៅសម្រាប់ជំងឺធ្លាក់ទឹកចិត្តដោយសួរសំណួរ និងស្តាប់ ។ អ្នកជំនាញក៏អាចអាចពន្យល់ពីរបៀបដែលការព្យាបាលអាចជួយកូនរបស់អ្នកផងដែរ ។

៤. អត់ធ្មត់ អធ្យាស្រ័យ ហើយចិត្តល្អចំពោះកូន ៖ នៅពេលកូនរបស់អ្នកមានអារម្មណ៍មិនល្អ ឬពិបាកចិត្ត ចូរព្យាយាមអត់ធ្មត់ ។ ចូរសាកសួរគ្រូពេទ្យ ឬអ្នកជំនាញ ដើម្បីរកវិធីដោះស្រាយ ឬវិធីឆ្លើយតបបំផុតទៅកាន់កូន ។ ជាធម្មតា អ្នកអាចស្ងប់ស្ងាត់ បន្ទាប់មកណែនាំពួកគេឱ្យមានអាកប្បកិរិយាល្អប្រសើរ ។ ជំនួសឱ្យអារម្មណ៍មិនល្អ អនុញ្ញាតឱ្យកុមារមានមោទនភាពក្នុងការធ្វើបានល្អជាងមុន ។ អនុញ្ញាតឱ្យកូនដឹងថា អ្នកមានមោទនភាពចំពោះពួកគេផងដែរ ។

៥. បង្កើតពេលវេលារីករាយជាមួយគ្នា ៖ ចូរចំណាយពេលជាមួយកូនរបស់អ្នក ធ្វើអ្វីដែលអ្នកទាំងពីរអាចរីករាយ ។ អ្នកអាចនាំកូនទៅដើរលេង លេងហ្គេម ធ្វើម្ហូប អានរឿង ធ្វើសិប្បកម្ម ឬមើលរឿងកំប្លែងជាដើម ។ ចូរចំណាយពេលនៅខាងក្រៅ ប្រសិនបើអ្នកអាច ។ រឿងទាំងនេះអាចលើកទឹកចិត្តឱ្យមានអារម្មណ៍វិជ្ជមានដោយសន្សឹមៗ ហើយក៏ជួយឱ្យអ្នក និងកូនរបស់អ្នកឱ្យមានអារម្មណ៍ជិតស្និទ្ធជាងមុនផងដែរ ៕ ប្រភព ៖ kidshealth

អត្ថបទនេះផលិតឡើងក្រោមកិច្ចសហប្រតិបត្តិការជាមួយសាលារៀនវ៉េស្ទឡាញន៍ និងសាលារៀនណត្សឡាញន៍ ។ វគ្គសិក្សាថ្មីចូលរៀនថ្ងៃទី ២៨ ខែមេសា ឆ្នាំ ២០២៥ ។ សាលារៀនផ្តល់ជូនកម្មវិធីចំណេះទូទៅខ្មែរពីថ្នាក់មត្តេយ្យ ដល់ទី ១២ កម្មវិធីភាសាអង់គ្លេសទូទៅ និងកម្មវិធីភាសាចិនទូទៅចាប់ពីកម្រិតមត្តេយ្យ ដល់ទី ១២ ។ សាលារៀនផ្តល់ជូនអាហារូបករណ៍រហូតដល់ ៣០% ការធានារ៉ាប់រងគ្រោះថ្នាក់បុត្រធីតា និងការការពារការសិក្សាបុត្រធីតារហូតដល់ ៥ ឆ្នាំ សម្រាប់ការចុះឈ្មោះត្រឹមថ្ងៃទី ៣០ មេសា ២០២៥ ។ សម្រាប់ព័ត៌មានបន្ថែម សូមទំនាក់ទំនងទូរស័ព្ទលេខ ៖ ០៩២ ៨៨៨ ៤៩៩ / ០១៥ ៨០៥ ១២៣ ៕