រាជធានីភ្នំពេញ ៖ ការប្រឈម ការប្រកួតប្រជែង គឺជាសកម្មភាព ឬដំណាក់កាលមួយនៃជីវិត ដែលទាមទារការខិតខំប្រឹងប្រែងផ្លូវចិត្ត ផ្លូវកាយដ៏អស្ចារ្យដើម្បីទទួលបានជោគជ័យ ។ ដូច្នេះហើយបញ្ហាប្រឈមនឹងសាកល្បងសមត្ថភាពរបស់កូនអ្នក…
រាជធានីភ្នំពេញ ៖ ការប្រឈម ការប្រកួតប្រជែង គឺជាសកម្មភាព ឬដំណាក់កាលមួយនៃជីវិត ដែលទាមទារការខិតខំប្រឹងប្រែងផ្លូវចិត្ត ផ្លូវកាយដ៏អស្ចារ្យដើម្បីទទួលបានជោគជ័យ ។ ដូច្នេះហើយបញ្ហាប្រឈមនឹងសាកល្បងសមត្ថភាពរបស់កូនអ្នក ហើយពិតណាស់វានឹងមិនងាយស្រួលនោះទេ ។ សាកល្បង ដើម្បីបង្រៀនកូនអ្នកឱ្យទទួលបានភាពជោគជ័យ ហើយនៅក្នុងដំណើរការនោះតម្រូវឱ្យកូនរបស់អ្នកលោតពីលើឧបសគ្គ ហើយក៏អាចធ្វើឱ្យពួកគេមានការខកចិត្តខ្លះៗ ។
បញ្ហាប្រឈម ក៏សាកល្បងជំនាញដោះស្រាយបញ្ហា ភាពធន់ ការលើកទឹកចិត្ត និងការតស៊ូរបស់កុមារផងដែរ ។ ដូច្នេះកុមារមិនគួររត់គេចទេ ពួកគេត្រូវតែប្រឈមមុខនឹងឧបសគ្គ ទោះបីជាពួកគេមិនមានអារម្មណ៍បែបនេះក្ដី ។ ការបំពេញកិច្ចការដ៏លំបាកប្រហែលជាមិនងាយស្រួលនោះទេ ប៉ុន្តែវាជារឿងល្អក្នុងការជំរុញ និងលើកទឹកចិត្តខ្លួនឯងឱ្យដើរទៅមុខ ។ ដូច្នេះតើកុមារអាចដោះស្រាយបញ្ហាប្រឈមដោយរបៀបណា ពេលវានៅក្រៅតំបន់ផាសុកភាពរបស់ពួកគេ ?
ខាងក្រោមនេះ គឺជាគន្លឹះជួយកុមារឱ្យយកឈ្នះលើបញ្ហាប្រឈមដោយលើកទឹកចិត្តពួកគេឱ្យមើលឃើញរូបភាពធំជាងនេះ ៖
១. តើលទ្ធផលចុងក្រោយមើលទៅដូចម្ដេច ? តើពួកគេនឹងទទួលបានអ្វីខ្លះនៅពេលបញ្ចប់ការប្រឈម ?
២. តើពួកគេនឹងមានអារម្មណ៍យ៉ាងណា នៅពេលពួកគេបានបញ្ចប់ការប្រឈមនោះ ? រីករាយ រំភើប ឬមោទនភាពចំពោះខ្លួនឯង ? ចូរបន្តជួយកូនរបស់អ្នកឱ្យនិយាយរបៀបដែលពួកគេអាចមានអារម្មណ៍ ។
៣. ឪពុកម្តាយអាចរំលឹកកូនៗអំពីសារៈសំខាន់នៃការខិតខំប្រឹងប្រែង និងរង្វាន់នៅពេលចុងបញ្ចប់ ។ តើវានឹងជួយដល់អាជីព ឬការរីកចម្រើនរបស់ពួកគេក្នុងពេលអនាគតយ៉ាងណា ?
៤. ជួយកូនរបស់អ្នកឱ្យបំបែកបញ្ហាប្រឈមជាតូចៗ ដើម្បីកុំឱ្យវាធំលើសលប់សម្រាប់ពួកគេពេក ។ ធ្វើឱ្យពួកគេមើលថា តើពួកគេខិតទៅជិតគោលដៅចុងក្រោយរបស់ពួកគេប៉ុណ្ណា និងថាតើពួកគេកំពុងរីកចម្រើនប៉ុនណា នៅពេលពួកគេដើរទៅមុខ ។
៥. លើកទឹកចិត្តពួកគេឱ្យរក្សាសន្ទុះ ខណៈពេលដែលធ្វើការផ្លាស់ប្តូរ ។
កុមារត្រូវតែប្រឈមមុខនឹងបញ្ហាជាប្រចាំ (ដូចមនុស្សពេញវ័យដែរ) ហើយពួកគេត្រូវគ្រប់គ្រង និងបញ្ចប់វាឱ្យបានជោគជ័យ ។ ចូរលើកទឹកចិត្តពួកគេឱ្យប្រឈមមុខនឹងបញ្ហាក្នុងជីវិត ព្រោះវានឹងនាំពួកគេទៅរកភាពមោទនភាព ភាពរីករាយ និងសមិទ្ធផល ។ ពួកគេគប្បីនឹងទទួលបានអារម្មណ៍វិជ្ជមានទាំងអស់នោះ ។ នៅពេលកុមារប្រឈមមុខនឹងបញ្ហា វាក៏បង្កើនការគោរពចំពោះខ្លួនឯងផងដែរ ។ ប្រសិនបើកូនរបស់អ្នកជួបបញ្ហាលំបាក ប្រហែលជាពួកគេត្រូវការយុទ្ធសាស្ត្រខ្លះ ដើម្បីជួយពួកគេ ។ ដូច្នេះ ចូរនៅក្បែរកូន ឬស្វែងរកវគ្គបង្វឹកបន្ថែមដើម្បីជួយពួកគេ ៕ ប្រភព ៖ thekidscoach
អត្ថបទនេះផលិតឡើងក្រោមកិច្ចសហប្រតិបត្តិការជាមួយសាលារៀនវ៉េស្ទឡាញន៍ និងសាលារៀនណត្សឡាញន៍ ។ វគ្គសិក្សាថ្មីចូលរៀនថ្ងៃទី ២៨ ខែមេសា ឆ្នាំ ២០២៥ ។ សាលារៀនផ្តល់ជូនកម្មវិធីចំណេះទូទៅខ្មែរពីថ្នាក់មត្តេយ្យ ដល់ទី ១២ កម្មវិធីភាសាអង់គ្លេសទូទៅ និងកម្មវិធីភាសាចិនទូទៅចាប់ពីកម្រិតមត្តេយ្យ ដល់ទី ១២ ។ សាលារៀនផ្តល់ជូនអាហារូបករណ៍រហូតដល់ ៣០% ការធានារ៉ាប់រងគ្រោះថ្នាក់បុត្រធីតា និងការការពារការសិក្សាបុត្រធីតារហូតដល់ ៥ ឆ្នាំ សម្រាប់ការចុះឈ្មោះត្រឹមថ្ងៃទី ៣០ មេសា ២០២៥ ។ សម្រាប់ព័ត៌មានបន្ថែម សូមទំនាក់ទំនងទូរស័ព្ទលេខ ៖ ០៩២ ៨៨៨ ៤៩៩ / ០១៥ ៨០៥ ១២៣ ៕
ចែករំលែកព័តមាននេះ