រាជធានីភ្នំពេញ ៖ កុមារជាច្រើនរងគ្រោះអំពីភាពជឿជាក់លើខ្លួនឯង និងតស៊ូខ្លាំងដើម្បីមានអារម្មណ៍ល្អចំពោះខ្លួនឯង ជាពិសេសនៅពេលដែលអ័រម៉ូនចាប់ផ្តើម ហើយរាងកាយរបស់ពួកគេចាប់ផ្តើមផ្លាស់ប្តូរ ។ ក្នុងនាមជាឪពុកម្តាយ មានរឿងជាច្រើនដែលអ្នកអាចធ្វើបាន ដើម្បីជួយពួកគេមានអារម្មណ៍ថា…
រាជធានីភ្នំពេញ ៖ កុមារជាច្រើនរងគ្រោះអំពីភាពជឿជាក់លើខ្លួនឯង និងតស៊ូខ្លាំងដើម្បីមានអារម្មណ៍ល្អចំពោះខ្លួនឯង ជាពិសេសនៅពេលដែលអ័រម៉ូនចាប់ផ្តើម ហើយរាងកាយរបស់ពួកគេចាប់ផ្តើមផ្លាស់ប្តូរ ។ ក្នុងនាមជាឪពុកម្តាយ មានរឿងជាច្រើនដែលអ្នកអាចធ្វើបាន ដើម្បីជួយពួកគេមានអារម្មណ៍ថា មានសារៈសំខាន់ និងបង្កើនទំនុកចិត្តលើខ្លួនឯង ។
ដូច្នេះ ខាងក្រោមនេះ គឺជាគំនិតសំខាន់ចំនួន ១០ ដែលអ្នកគប្បីអនុវត្តតាម ៖
១. សរសើរការខិតខំប្រឹងប្រែងរបស់កូន ៖ មិនថាកូនតូចរបស់អ្នកគូររូបភាពបានល្អ ឬព្យាយាមលេងកីឡានោះទេ វាពិតជាសំខាន់ណាស់ក្នុងការសរសើរការខិតខំប្រឹងប្រែងរបស់ពួកគេ មិនថារឿងតូច ឬធំនោះទេ ។ ទោះបីជាពួកគេមិនបានឈ្នះ ឬទទួលបានលទ្ធផលដែលពួកគេចង់បានក៏ដោយ ការបង្ហាញការគាំទ្ររបស់អ្នក គឺជាគន្លឹះសំខាន់ ។
២. ស្តាប់នៅពេលពួកគេនិយាយ ៖ ឪពុកម្តាយជាច្រើនច្រើនមើលរំលង ព្រងើយកន្តើយ ឬស្តាប់កូនបណ្តើរ ចុចទូរសព្ទ ឬធ្វើការបណ្តើរ ។ ការធ្វើបែបនេះពិតជាមិនល្អនោះទេ វាបង្ហាញថា អ្នកមិនគោរពកូន ដូច្នេះសូមព្យាយាមដើរចេញពីឧបករណ៍របស់អ្នក ហើយយកចិត្តទុកដាក់យ៉ាងច្បាស់ចំពោះអ្វីដែលពួកគេត្រូវនិយាយ ។
៣. ប្រើប្រាស់ជំនាញរបស់កូន ៖ មធ្យោបាយដ៏ល្អបំផុតមួយ ដើម្បីឱ្យកុមារមានអារម្មណ៍ល្អ គឺការប្រើជំនាញរបស់ពួកគេ ។ ឧទាហរណ៍ «កូនពិតជាអស្ចារ្យណាស់ក្នុងការជួសជុលរបស់ផ្សេងៗ តើកូនអាចមើលម៉ាស៊ីននេះឱ្យប៉ាបានទេ ?» ឬ «កូនអាចជួយធ្វើម្ហូប ឬដុតនំដែលកូនពូកែនោះបានទេ ?» ។
៤. អានរឿងបំផុសគំនិតពួកគេ ៖ ឱ្យកូនអានសៀវភៅបំផុសគំនិតដ៏អស្ចារ្យអំពីការទទួលយកខ្លួនឯង និងក្លាយជាអ្នកជានរណា ។ ការអានរឿងនិទានបែបនេះឱ្យកូនស្តាប់ និងពិភាក្សាអំពីប្រធានបទនេះ នឹងជួយពួកគេឱ្យដឹងថា ការធ្វើជាខ្លួនឯង គឺល្អគ្រប់គ្រាន់ហើយ ។
៥. ចូលរួមក្នុងសកម្មភាពរួមគ្នា ៖ ការទៅកន្លែងដែលកូនរបស់អ្នកចូលចិត្ត និងធ្វើសកម្មភាពដែលពួកគេចូលចិត្ត នឹងជួយឱ្យពួកគេមានអារម្មណ៍ថា មានសារៈសំខាន់ និងស្រឡាញ់ ។
៦. សួរអំពីថ្ងៃរបស់ពួកគេ ៖ ការសួរនាំអំពីថ្ងៃរបស់កូនអ្នកនឹងមានន័យណាស់សម្រាប់ពួកគេ ។ ទោះកូនធំហើយក៏ដោយ ពួកគេនៅតែចង់ឱ្យអ្នកទទួលស្គាល់ និងកោតសរសើរ ។ អ្នកក៏អាចព្យាយាមទុកពេលមួយឡែកដើម្បីនិយាយអំពីកង្វល់ ឬបញ្ហាដែលពួកគេអាចមាន ។
៧. ចម្អិនម្ហូបដែលពួកគេចូលចិត្ត ៖ ការចម្អិនម្ហូបដែលគេចូលចិត្តដោយសាមញ្ញ គួរតែអាចបង្កើតស្នាមញញឹមនៅលើមុខរបស់ពួកគេ និងជួយឱ្យពួកគេមានអារម្មណ៍ថាមានតម្លៃ ។
៨. ធ្វើឱ្យកូនកក់ក្តៅ ៖ ការធ្វើឱ្យកូនកក់ក្តៅនៅពេលយប់ និងនិយាយរឿងនិទានពេលចូលគេងនឹងជួយកូនតូចរបស់អ្នកឱ្យមានអារម្មណ៍សុវត្ថិភាព រីករាយ និងសំខាន់ ។ បន្ទាប់មក ប្រាប់ពួកគេថា អ្នកស្រឡាញ់ពួកគេ ។
៩. ចូលរួមក្នុងសកម្មភាពរបស់កូន ៖ បើកូនបបួលទៅលេង ឬចូលរួមកម្មវិធីអ្វីមួយ សូមធ្វើតាមកូន ។ នេះនឹងពង្រឹងចំណងមិត្តភាពរបស់អ្នក និងបង្ហាញថា អ្នកមានពេលវេលាសម្រាប់ពួកគេ ។
១០. ប្រាប់ពួកគេថា ពួកគេសំខាន់ ៖ វាអាចស្តាប់ទៅដូចជាងាយស្រួលពេក ប៉ុន្តែការប្រាប់កូនរបស់អ្នកថា ពួកគេសំខាន់ គឺជារឿងដ៏ល្អបំផុតមួយដែលអ្នកអាចធ្វើបាន ។ ការប្រាប់ពួកគេក្នុងអំឡុងពេលស្ងប់ស្ងាត់ នឹងជួយពួកគេឱ្យរីករាយ សប្បាយចិត្ត និងមានអារម្មណ៍សុវត្ថិភាព ៕ ប្រភព ៖ lioninsidelive
អត្ថបទនេះផលិតឡើងក្រោមកិច្ចសហប្រតិបត្តិការជាមួយសាលារៀនវ៉េស្ទឡាញន៍ និងសាលារៀនណត្សឡាញន៍ ។ វគ្គសិក្សាថ្មីចូលរៀនថ្ងៃទី ២៨ ខែមេសា ឆ្នាំ ២០២៥ ។ សាលារៀនផ្តល់ជូនកម្មវិធីចំណេះទូទៅខ្មែរពីថ្នាក់មត្តេយ្យ ដល់ទី ១២ កម្មវិធីភាសាអង់គ្លេសទូទៅ និងកម្មវិធីភាសាចិនទូទៅចាប់ពីកម្រិតមត្តេយ្យ ដល់ទី ១២ ។ សាលារៀនផ្តល់ជូនអាហារូបករណ៍រហូតដល់ ៣០% ការធានារ៉ាប់រងគ្រោះថ្នាក់បុត្រធីតា និងការការពារការសិក្សាបុត្រធីតារហូតដល់ ៥ ឆ្នាំ សម្រាប់ការចុះឈ្មោះត្រឹមថ្ងៃទី ៣០ មេសា ២០២៥ ។ សម្រាប់ព័ត៌មានបន្ថែម សូមទំនាក់ទំនងទូរស័ព្ទលេខ ៖ ០៩២ ៨៨៨ ៤៩៩ / ០១៥ ៨០៥ ១២៣ ៕
ចែករំលែកព័តមាននេះ