រាជធានីភ្នំពេញ៖ ហាង Café Amazon Concept Store ដំបូងគេនៅកម្ពុជា ដែលជាហាងដែលមានលក្ខណៈសម្គាល់ថ្មី នៅរាជធានីភ្នំពេញ ដែលមានទីតាំងនៅក្នុងតំបន់អាជីវកម្ម…
រាជធានីភ្នំពេញ៖ ហាង Café Amazon Concept Store ដំបូងគេនៅកម្ពុជា ដែលជាហាងដែលមានលក្ខណៈសម្គាល់ថ្មី នៅរាជធានីភ្នំពេញ ដែលមានទីតាំងនៅក្នុងតំបន់អាជីវកម្ម ដែលរួមមានហាងអាហារតាមផ្លូវ អគាការរិយាល័យ សាលារៀន សាកលវិទ្យាល័យ និងខុនដូជាច្រើន បានបើកសម្ពោធដាក់ឲ្យដំណើរការជាផ្លូវការហើយ កាលពីថ្ងៃទី 21 ខែមីនា ឆ្នាំ2025 នេះតទៅ ។
នៅថ្ងៃបើកដំណើរការសាកល្បងហាង Café Amazon Concept Store នេះ លោក ណាត់ថៈភុ´ង កែវត្រៈកូលភុង អគ្គនាយកក្រុមហ៊ុន ភីធីធី ប្រចាំនៅកម្ពុជា បានឱ្យថា៖ «ហាង Café Amazon ត្រូវបានរចនាឡើង ដើម្បីឆ្លើយតបទៅនឹងតម្រូវការរបស់អតិថិជនគ្រប់រូប ជាពិសេសអ្នកដែលចូលចិត្តទទួលទានកាហ្វេដែលមានរសជាតិឆ្ងាញ់ ជាមួយទីតាំងមានបរិយាកាសល្អ និងមានផាសុកភាព» ។
ហាង Café Amazon Concept Store Cambodia សាខាទួលគោកជាហាង ត្រូវបានបង្កើតឡើងក្រោមគំនិត “People Concept” ដែលផ្តោតសំខាន់លើការចងសម្ពន្ធភាពជាមួយសហគមន៍។ ការរចនានៃហាងនេះ ផ្តោតលើការផ្សារភ្ជាប់មនុស្ស (Connect to the People) ដោយផ្តល់ទីធ្លាសម្រាប់អតិថិជនគ្រប់ក្រុមគ្រប់វ័យដូចជា បុគ្គលិកក្រុមហ៊ុន សិស្សនិស្សិត និងអថិជនបែបគ្រួសារ ។
តាមរយៈអ្នកអង្គម្ចាស់ ពិកថង ថងយ៉ៃ នាយកប្រតិបត្តិក្រុមហ៊ុន PTT Oil and Retail Business Public Company Limited ឬ OR (អូអា) មានថ្លែងថា៖ «ហាង Café Amazon Concept Store មានការរចនានូវរូបរាងថ្មី ដែលមិនធ្លាប់មានពីមុនមក នៅកម្ពុជា។ ការបើកដំណើរការ ហាង Café Amazon Concept Store ជាលើកដំបូងនៅកម្ពុជា នាពេលនេះ គឺជាភាពជោគជ័យក្នុងការពង្រីកអាជីវកម្មរបស់ OR នៅលើទីផ្សារនៅក្រៅប្រទេស។ ក្រៅពីការផ្តល់ជូននូវកាហ្វេដែលមានគុណភាព ក៏មានគ្រឿងឧបភោគ និងបរិភោគជាច្រើនយ៉ាង ដែលឆ្លើយតបទៅនឹងតម្រូវការរបស់មនុស្សសម័យថ្មីផងដែរ» ។
ជាមួយនឹង Concept Store ហាងមានម៉ឺនុយពិសេស ដែលបានប្រើប្រាស់គ្រឿងផ្សំ ក្នុងសហគមន៍ ដើម្បីបង្កើតម៉ឺនុយពិសេស ដែលមានលក់តែសាខានេះប៉ុណ្ណោះ៖ កំលោះស្រុកយើង ជាការបំផុសគំនិតមកពីវប្បធម៌ និងទំនៀមទំលាប់របស់ខ្មែរ ជាពិសេសក្នុងពិធី និងពិធីបុណ្យផ្សេងៗ ភេសជ្ជៈនេះគឺផ្អែកលើកាហ្វេ Amazon Blend ផ្សំជាមួយនឹងទឹកស៊ីរ៉ូចេក ហើយបន្ថែមនំអន្សមចេក (បាយដំណើបចេក)។ នារីសម័យថ្មី ជាភេសជ្ជៈផ្សំឡើងពីផ្លែត្របែកពណ៌ផ្កាឈូក ដែលជាផ្លែឈើដ៏ល្បីមួយរបស់ប្រទេសកម្ពុជា លាបជាមួយម្សៅ plum ដើម្បីឱ្យមានរសជាតិផ្អែម និងជូរ ។
សូមជម្រាបផងដែរថា ហាង Café Amazon Concept Store ត្រូវរចនាឡើងយ៉ាងប្រណិត មានកម្ពស់ ២ជាន់ និងលម្អដោយរុក្ឋជាតិបៃតង ដើម្បីបង្កបរិយាកាសស្រស់ស្រាយ និងលម្ហែអារម្មណ៍ ជាមួយនឹងទីតាំងដ៏ធំទូលាយទាំងក្នុង និងក្រៅ។ ហាងក៏មាន 2 Bar ( Concept Bar & Speed Bar) និងបម្រើជួននូវអាហារ និងភេសជ្ជៈ មានផលិតផលថ្មី (Soft Serve) និង ការរចនាឆ្លើយតបទៅនឹង Lifestyle របស់មនុស្សគ្រប់ស្រទាប់វណ្ណះ ( អ្នកធ្វើការ សិស្ស អ្នកជំនួញ បុគ្គលិកក្រុមហ៊ុន សិស្សនិស្សិត និងអតិថិជនបែបគ្រួសារ ៕ អត្ថបទសហការ
ចែករំលែកព័តមាននេះ