រាជធានី​ភ្នំពេញ ​៖ ក្រុមហ៊ុន​ តាន់​ចុង ម៉ូ​ធ័​រ (​ខេ​ម​បូ​ឌា​) ភី​ធី​វ៉ា​យ អិ​ល​ធី​ឌី (Tan Chong Motor (Cambodia) Pty. Ltd. (​ហៅ​ថា “​ធី​ស៊ី​អេ​ម​ស៊ី (TCMC)”) ជា​ក្រុមហ៊ុន​លក់ និងចែកចាយ​ផ្ដាច់មុខ​រថយន្ត​នី​សាន់ នៅ​ព្រះរាជាណាចក្រ​កម្ពុជា និង​ជា​បុត្រ​សម្ព័ន្ធ​គ្រប់គ្រង​ទាំងស្រុង​នៃ ក្រុមហ៊ុន​តាន់​ចុង​ម៉ូ​ធ័​រ​ហូល​ឌី​ង​ប៊័រ​ហា​ដ (​ប្រទេស​ម៉ា​ឡេ​ស៊ី​) មាន​មោទនភាព​ក្រៃ​លែង​នាំ​មក​ជូន​នូវ ព្រឹត្តិការណ៍​តាំង​បង្ហាញ​រថយន្ត នី​សាន់​ថេ​រ៉ា ស្ព័​រ​ថ្មី ប្រណិត​កម្រិត​កំពូល សម្រាប់​ទីផ្សារ​នៃ​ព្រះរាជាណាចក្រ​កម្ពុជា ។

ពិធី​តាំង​បង្ហាញ​រថយន្ត​ស៊េរី​ថ្មី​របស់ ក្រុមហ៊ុន​តាន់​ចុង​ម៉ូ​ធ័​រ​ខេ​ម​បូ​ឌា ធ្វើ​ឡើង​នៅ​អគារ​តាំង​បង្ហាញ តាម​បណ្ដោយ​ផ្លូវ​សហព័ន្ធរ​ស្ស៊ី សង្កាត់​ទឹកថ្លា ខណ្ឌ​សែន​សុខ រាជធានី​ភ្នំពេញ រយៈពេល​៣​ថ្ងៃ​ចាប់ពី​ថ្ងៃ​ទី​ ២១ ដល់​ថ្ងៃ​ទី ២៣ មីនា ២០២៥ ។

លោក ហួត គី​ម​ម៉េ​ង ប្រធាន​គ្រប់គ្រង​ជាន់ខ្ពស់​នៃ​ក្រុមហ៊ុន​តាន់​ចុង​ម៉ូ​ធ័​រ​ខេ​ម​បូ​ឌា​ប្រចាំ​ប្រទេស​កម្ពុជា​បាន​លើក​ឡើង​ថា “​យើង​ពិតជា​មាន​ក្ដី​រំភើប​ក្រៃ​លែង​ក្នុង​ការ​នាំ​មក​ជូន រថយន្ត Nissan TERRA SPORT ថ្មី​គឺជា​ធ្វើ​បច្ចុប្បន្នភាព​ថ្មី​ចុង​ក្រោយ​បំផុត​ចំពោះ​ត្រកូល SUV លំដាប់ថ្នាក់​ខ្ពស់​របស់​យើង ​។ វា​ត្រូវ​បាន​រចនា​ឡើង​សម្រាប់​គ្រួសារ​ដែល​ចូល​ចិត្ត​ស្វែងរក​ដំណើរ​កម្សាន្ត​បែប​ផ្សងព្រេង និង​ល្អ​បំផុត​សម្រាប់​ការ​បើកបរ​ក្នុង​ទីក្រុង​ប្រចាំ​ថ្ងៃ​ ។ បំពាក់​ដោយ​មុខងារ​ពិសេស​ៗ​ប្រកបដោយ​ភាព​ច្នៃប្រឌិត ផ្តល់​ភាព​ងាយស្រួល និង​បច្ចេកវិទ្យា​ទំនើប​ៗ ផ្តល់​នូវ​ទំនុកចិត្ត​ក្នុង​ការ​បើកបរ ។

រថយន្ត Nissan Terra Sport ថ្មី​ត្រូវ​បាន​រចនា​ឡើង​វិញ​ជាមួយ​ការ​តុបតែង​ផ្នែក​ខាងក្រៅ​ពណ៌​ខ្មៅ និង យ៉ា​ន់​ស្ព័​រ​ពណ៌​ខ្មៅ​ថ្មី ដែល​ជួយ​បង្កើន​សោភ័ណ​ភាព​រួម​របស់​វា​ឱ្យ​កាន់តែ​ស្រស់​ស្អាត បែប​ស្ព័​រ​ ។ ផ្នែក​ខាងក្នុង​ក៏​ត្រូវរ​តុបតែង​ដោយ​ពណ៌​ខ្មៅ​ទាំងអស់​ផង​ដែរ វា​បាន​បន្ថែម​ភាព​ទាក់ទាញ​ដល់​រថយន្ត SUV លក្ខ​ណះ​គ្រួសារ​មួយ​កម្រិត​ទៀត ​។ វា​គឺ​សមិទ្ធផល​ដ៏​ល្អ​ឥត​ខ្ចោះ​នៃ DNA ប្រកបដោយ​ភាព​ច្នៃប្រឌិត របស់​ក្រុមហ៊ុន ​នី​សាន់ ដែល​ប្តេជ្ញា​ផ្តល់​ជូន​អតិថិជន​នូវ​រថយន្ត ដែល​មិន​ត្រឹមតែ​បំពាក់​ដោយ​បច្ចេកវិទ្យា​ឆ្លាត​វៃ​កម្រិត​ខ្ពស់​របស់​នី​សាន់​សម្រាប់​ការ​បើកបរ​ប្រកបដោយ​ទំនុកចិត្ត​ប៉ុណ្ណោះ​ទេ ប៉ុន្តែ​ថែម​ទាំង​ការ​រចនា​ដិត​ខ្មៅ​រលោង និង​ទាន់សម័យ​ដែល​ទាក់ទាញ​ភ្នែក​អ្នក​ទស្សនា​ផង​ដែរ ​។

រថយន្ត Nissan Terra Sports ស៊េរី​ថ្មី​នេះ​ត្រូវ​បាន​ពង្រឹង​ដោយ​គ្រឿង​បន្ថែម​បែប​ស្ព័​រដែ​ល​មាន​ដូច​ជា​ ៖
•​ ​ប៉ា​ណា​មុខ​ពណ៌​ខ្មៅ
•​ ​រចនា​បែប​ស្ព័​រ​ខ្មៅ​រលោង​ចាប់ពី​ផ្នែក​ខាង​មុខ​រហូត​ដល់​កាង​ខាងក្រោយ
•​ ​ស៊ុម​កាង​មុខ​ខាងក្រោម និង​ស៊ុម​កាង​ក្រោយ​ខាងក្រោម​ខ្មៅ​រលោង
•​ ​អំ​ពូ​ល​កាត់​អ័ព្ទ​តុបតែង​ដោយ​ពណ៌​ខ្មៅ
•​ ​កញ្ចក់​ទ្វារ​ពណ៌​ខ្មៅ
•​ ​កាង​លើដំបូល​ពណ៌​ខ្មៅ
•​ ​ដៃ​ទ្វារ​ពណ៌​ខ្មៅ
•​ ​បូ​ឌា និង​ឈ្នាន់​ជាន់ តុបតែង​ដោយ​ពណ៌​ខ្មៅ
•​ ​អង់​តែ​ន​រាង​ព្រុយ​ត្រី​ឆ្លាម​ពណ៌​ខ្មៅ
•​ ​កាង​ក្រោយ​ពណ៌​ខ្មៅ ទ្វារ​ក្រោយ និង​កាង​លើ​ទ្វារ​ក្រោយ​ពណ៌​ខ្មៅ
•​ ​ផ្នែក​ខាងក្នុង​រចនា​បែប​ស្ព័​រ​ខ្មៅ​រលោង
•​ ​យ៉ា​ន់​អាលុយមីញ៉ូម​ពណ៌​ខ្មៅ​ទំហំ ១៨ អ៉ីញ ។

រថយន្ត Nissan Terra Sport បំពាក់​ដោយ​ម៉ាស៊ីន​ម៉ា​ស៊ូ​ត 2.5L Turbocharger 4​ ស៊ីឡាំង ដែល​អាច​ផលិត​បាន​កម្លាំង 190 សេះ និង​កម្លាំង​រមួល 450Nm ដែល​ផ្តល់​នូវ​ការ​បង្កើន​ល្បឿន​ដ៏​ល្អ​បំផុត​នៅ​ក្នុង​ថ្នាក់​របស់​វា​។ បំពាក់​ដោយ​ប្រអប់លេខ 7 វគ្គ​អូ​តូ និង 7 ដៃ​ធានា​បាន​នូវ​ការ​បើកបរ​រលូន ម៉ាស៊ីន​ខ្លាំង ជាន់​ស្ទុះ ប្រសិទ្ធភាព​ក្នុង​ការ​បង្កើន​ល្បឿន​លឿន ​។ បន្ថែម​ពីលើ​ដំណើរការ​ម៉ាស៊ីន​ខ្លាំង​របស់​វា រថយន្ត​ប្រភេទ SUV គ្រួសារ​ប្រើប្រាស់​ប្រព័ន្ធ​កា​ពី​តាស 4X4 (4WD) ដែល​អនុញ្ញាត​ឱ្យ​អ្នកបើកបរ និង​អ្នកដំណើរ​កាន់តែ​មាន​សមត្ថភាព​ក្នុង​ការ​ធ្វើ​ដំណើរ​ផ្សងព្រេង​កាន់តែ​ច្រើន ដោយសារ​វា​អាច​ប្តូរ​ពី​កា​ពី​តាស​4X4 (4WD) ទៅ (2H) ដោយ​ប្រើ​ប៊ូ​តុង​នៅ​ផ្នែក កណ្តាល​ ។

ប្រព័ន្ធ​ជើង​ក្រោម​ខាងក្រោយ multi-link rear suspension ផ្តល់​នូវ​ការ​បើកបរ​កាន់តែ​រលូន និង​ស្ថេ​រ​ភាព​នៅ​លើ​ផ្លូវ​កោង ផ្តល់​នូវ​ការ​ធ្វើ​ដំណើរ​ដ៏​រីករាយ​សម្រាប់​អ្នក​រាល់គ្នា​នៅ​ក្នុង​រថយន្ត​ប្រភេទ SUV លំដាប់​កំពូល ​។ នី​សាន់ Terra Sport ថ្មី​អនុញ្ញាត​ឱ្យ​អ្នក​ធ្វើ​ដំណើរ​ផ្សងព្រេង​គ្មាន​ដែន​កំណត់​នៅ ក្នុង​រថយន្ត​ដ៏ ប្រណីត ដែល​ត្រូវ​បាន​ធ្វើ​ឱ្យ​ប្រសើរ​ឡើង​ដោយ​ផ្ទៃ​ខាងក្នុង​ពណ៌​ខ្មៅ​បែប​ស្ព័​រ បង្កើន​ផាសុកភាព​នៅ​ពេល​បើកបរ​ ។

តាប​ឡូ​ត្រូវ​បាន​តុបតែង​ដោយ​ស្បែក​ពណ៌​ខ្មៅ​ដែល​ផ្តល់​នូវ​ភាព​ទំនើប​ទាន់សម័យ អារម្មណ៍​ស្រស់ស្រាយ បំពាក់​មក​ជាមួយ​ប្រព័ន្ធ​កម្សាន្ត​ចាក់​ចម្រៀង​ជា​សម្លេង​ថា​ច់​ស្គ្រី​ន ទំហំ 8 អ៉ី​ញ ដែល​អាច​ភ្ជាប់​ជាមួយ Apple CarPlay និង Android Auto ។ វា​ត្រូវ​បាន​បំពេញបន្ថែម​ដោយ​ប្រព័ន្ធ​បំពង​សម្លេង​ម៉ាក Bose ដែល​ល្អ​បំផុត ចំនួន 8 គ្រាប់​ដែល​ផ្តល់​នូវ​សម្លេង​ពីរោះ​រណ្តំ​នៅ​ក្នុង​រថយន្ត ខណៈ​ដែល​អ្នកដំណើរ​ខាងក្រោយ​ក៏​អាច​ទទួល​បាន ភាព​សប្បាយ​រីករាយ​ជាមួយនឹង​អេ​ក្រង់​កម្សាន្ត LCD ទំហំ 11 អ៊ី​ញ ដែល​ត​ភ្ជាប់​ជាមួយ​ខ្សែ HDMI ក្នុងអំឡុងពេល​ធ្វើ​ដំណើរ ​។

រថយន្ត​ នី​សាន់ Terra Sport ថ្មី​នេះ បាន​បំពាក់​នូវ​បច្ចេកវិទ្យា​សុវត្ថិភាព​ជា​ច្រើន​ដែល​អាច​ជួយ​ដល់​ការ​បើកបរ​ក្នុង​ស្ថានភាព​ផ្សេង​ៗ​ ។ ប្រព័ន្ធ​ការពារ​សុវត្ថិភាព 360 ដឺ​ក្រេ របស់​នី​សាន់ ផ្តល់​នូវ​ការ​ការពារ​យ៉ាង​ពេញលេញ ដោយ​បំពាក់​នូវ​មុខងារ​សុវត្ថិភាព​កម្រិត​ខ្ពស់​ដូច​ជា ប្រព័ន្ធ​តាមដាន​សុវត្ថិភាព​ជុំវិញ​រថយន្ត (IAVM) ប្រព័ន្ធ​ផ្តល់​សញ្ញា​ពេល​មាន​វត្ថុ​មាន​ចលនា​នៅ​ក្បែរ​រថយន្ត (MOD) ដែល​ផ្តល់​នូវ​ទិ​ដ្ឋ​ភា ជុំវិញ​រថយន្ត​កាន់តែ​ប្រសើរ​ឡើង ខណៈ​ដែល សេន​ស័​រ​ជំនួយ​ចូល​ចត​មុខក្រោយ ផ្តល់​សញ្ញា​ព្រមាន​ជា​សំឡរង​ប៊ី​ប​នៅ​ពេល​រថយន្ត​ខិត​ជិត​ឧបសគ្គ រឺ ខិត​ជិត​រថយន្ត​ដែល​នៅ​ក្បែរ​នោះ​។ រថយន្ត​នេះ ក៏​បាន​បំពាក់​មក​ជាមួយ​ប្រព័ន្ធ​ត្រួតពិនិត្យ​សម្ពាធ​ខ្យល់​កង់​រថយន្ត (TPMS) ដែល​មិន​ត្រឹមតែ​បង្ហាញ​សម្ពាធ​សំបក​កង់​ក្នុង​ពេល​ជាក់ស្តែង​ប៉ុណ្ណោះ​ទេ ប៉ុន្តែ​ថែម​ទាំង​ជូនដំណឹង​ដល់​អ្នកបើកបរ​នៅ​ពេល​ដែល​សម្ពាធ​ខ្យល់​ធ្លាក់​ក្រោម​កម្រិត​ធម្មតា ​។

វា​ក៏​រួម​បញ្ចូល​ផង​ដែរ​នូវ​ប្រព័ន្ធ​ហ្វ្រាំង​ដែល​រួម​មាន ប្រព័ន្ធ​ការពារ​ការ​ជាប់​គាំង​ហ្វ្រាំង (ABS), ប្រព័ន្ធ​ជំនួយ​ហ្វ្រាំង​អេ​ឡិច​ត្រូ​និ​ច​ជំនួយ​ពេល​ជាប់ផុង (EBD) និង ហ្វ្រាំង​ជំនួយ​បន្ទាន់ (BA)​។ វា​ក៏​បាន​បំពាក់​មក​ជាមួយ​ប្រព័ន្ធ​គ្រប់គ្រង​លំនឹង​របស់​រថយន្ត (VDC) និង​ប្រព័ន្ធ​គ្រប់គ្រង​ការ​សណ្តោងរ​ម៉ក​(TCS) ដើម្បី​ធានា​បាន​នូវ​ស្ថេ​រ​ភាព​ក្នុង​គ្រប់​លក្ខខណ្ឌ​នៃ​ការ​បើកបរ និង​ប្រព័ន្ធ​ជំនួយ​ពេល​ឡើង​ចំណោត (HSA)​។ កញ្ចប់​សុវត្ថិភាព​ដែល​គ្របដណ្តប់​ទាំង​អស់នេះ រួម​បញ្ចូល​ពោង​សុវត្ថិភាព SRS ចំនួន​ប្រាំមួយ ខ្សែក្រវាត់​សុវត្ថិភាព​ការពារ​ការ​ប៉េះ​ទង្គិច​ ។

រថយន្ត​នី​ សាន់ មាន​បី​ពណ៌ សម្រាប់​ជា​ជម្រើស រួម​មាន​ពណ៌ ប្រផេះ ពណ៌​ស​គុ​ជ និង​ពណ៌​ផ្កាយ​ខ្មៅ និង​បាន​ដាក់​លើ​ទីផ្សារ​ប្រទេស​កម្ពុជា​ក្នុង​តម្លៃ 63,000 ដុល្លារ​អា​មេ​រិ​ក ៕ អត្ថបទសហការ