រាជធានីភ្នំពេញ ៖ មីជាតិបានប្រកាសជាផ្លូវការវត្តមានផលិតផលថ្មីរបស់ខ្លួនគឺ មីជាតិគ្រឿងសមុទ្រគោក ! ហឹរ ម៉ាឆ្ងាញ់ ! ផលិតពីគ្រឿងសមុទ្រសម្បូរបែប មានក្លិនឈ្ងុយប្រហើរ…
រាជធានីភ្នំពេញ ៖ មីជាតិបានប្រកាសជាផ្លូវការវត្តមានផលិតផលថ្មីរបស់ខ្លួនគឺ មីជាតិគ្រឿងសមុទ្រគោក ! ហឹរ ម៉ាឆ្ងាញ់ ! ផលិតពីគ្រឿងសមុទ្រសម្បូរបែប មានក្លិនឈ្ងុយប្រហើរ រសជាតិឆ្ងាញ់ជាប់ចិត្ត ជម្រើសស័ក្តិសមសម្រាប់យុវវ័យសម័យថ្មី ។
មីជាតិ មានវត្តមាននៅក្នុងទីផ្សារកម្ពុជាអស់រយៈកាលប្រមាណជាង ៥ឆ្នាំមកហើយ ចាប់តាំងពីចុងឆ្នាំ ២០១៩ ក្រោមការវិនិយោគរបស់អ្នកវិនិយោទុនខ្មែរ ដើម្បីបង្ហាញអំពីសមត្ថភាព និងផ្តល់ការផ្គត់ផ្គងដល់ប្រជាពលរដ្ឋ ។ ថ្មីៗនេះ មីជាតិបានប្រកាសបង្ហាញសមាជិកថ្មីរបស់ខ្លួន «មីជាតិគ្រឿងសមុទ្រគោក» ទទួលយកបទពិសោធន៍រសជាតិថ្មី ជួយដាស់ស្មារតីរបស់អ្នក ។
មីជាតិ គ្រឿងសមុទ្រគោក ផលិតចេញពីគ្រឿងសមុទ្រសម្បូរបែប មានក្លិនឈ្ងុយប្រហើរ រសជាតិឆ្ងាញ់ជាប់ចិត្ត សម្រិតសម្រាំងពីរសជាតិក្តាម បង្គា មឹក ខ្យងសមុទ្រចម្រុះជាច្រើនប្រភេទ ជាពិសេសមីគោកថ្មីនេះផ្តល់នូវភាពងាយស្រួលក្នុងការចម្អិន ដែលពោរពេញទៅដោយគ្រឿងស្រោចស្រពគ្រប់សរសៃមី ។ ជាងនេះទៅទៀត មីជាតិ គ្រឿងសមុទ្រគោក ជារបបអាហារមានតុល្យភាពល្អ សម្បូរជីវជាតិបំប៉នជួយដល់រាងកាយ រួមមាន កាបូអ៊ីដ្រាត ប្រូតេអ៊ីន កាកសរសៃអាហារ និងសារធាតុដែក ដែលផ្តល់ឱ្យអ្នកបរិភោគនូវថាមពល និងសុខភាពល្អ ។
គួរបញ្ជាក់ផងដែរ មីជាតិ គ្រឿងសមុទ្រគោក បានបង្ហាញខ្លួនលើទីផ្សារជាមួយនឹងសម្បកវេចខ្ចប់រចនាឡើងទាក់ទាញ ទាន់សម័យ ដោយប្រើប្រាស់ពណ៌ខ្មៅ លាយក្រហម ទាំងនៅលើកញ្ចប់ និងលើកេស ជាមួយបរិមាណទម្ងន់ ៨៥ក្រាមក្នុងមួយកញ្ចប់ ។
លោក ជុនហៀង ថាវសិទ្ធិ អនុប្រធានធុរៈកិច្ច នៃក្រុមហ៊ុន វ័ន ហ្វ្រេតធើនីធី (មីជាតិ) បានមានប្រសាសន៍ថា ៖ «ដើម្បីឆ្លើយតបទៅនឹងតម្រូវការរបស់ទីផ្សារ និងអតិថិជន ជាពិសេសការយល់ឃើញអំពីភាពសំខាន់នៃរសជាតិ ដែលសមស្របទៅនឹងការនិយម ចូលចិត្តរបស់អ្នកញ៉ាំមីគោក យើងបានបង្កើតនូវមីគោក របស់ខ្មែរដំបូងគេបង្អស់នេះឡើង គឹមានជាតិគ្រឿងសមុទ្រគោក» ។ លោកបន្ថែមថា «មីគ្រឿងសមុទ្រគោក រសជាតិស័ក្តិសមបំផុតសម្រាប់អ្នកនិយមញុំាមីគោករសជាតិហិរតិចៗ ឬហឹរល្មម ដែលមានពាក្យស្លោកផ្សព្វផ្សាយថា «មីជាតិគ្រឿងសមុទ្រគោក ហឹរ ! ម៉ាឆ្ងាញ់» ។
មីជាតិ ជាផលិតផលរបស់ក្រុមហ៊ុន វ័នម៉រ មេនូហ្វេកឆឺរីង ជាប្រភេទមីកញ្ចប់ឆ្អិនស្រាប់ផលិតឡើងដោយ មានការត្រួតពិនិត្យត្រឹមត្រូវ ស្របតាមស្តង់ដារអន្តរជាតិ ។ មីជាតិ ត្រូវបានទទួលស្គាល់ដោយក្រសួងសុខាភិបាល និងស្ថាប័នពាក់ព័ន្ធនានា នៃព្រះរាជាណាចក្រកម្ពុជា ។ មីជាតិ ក៏ត្រូវបានទទួលស្គាល់ និងត្រូវបានដាក់បញ្ចូលជាសមាជិក នៃសមាគមមីកញ្ចប់ ឆ្អិនស្រាប់ពិភពលោក ដែលតំណាងឲ្យប្រទេសកម្ពុជា នាពេលបច្ចុប្បន្ន និងជាមីកញ្ចប់ខ្មែរដំបូងគេ ទទួលបានវិញ្ញាបនបត្រស្តង់ដារអន្តរជាតិ ផ្នែកប្រព័ន្ធគ្រប់គ្រងគុណភាព (ISO9001:2015) ពីចក្រភពអង់គ្លេសផងដែរ ។ លោកអ្នកអាចរកជាវមីជាតិ បាននៅតាមដេប៉ូចែកចាយតូចធំ ផ្សារទំនើប ម៉ាត និងផ្ទះលក់ចាប់ហួយ ដែលនៅជិតផ្ទះរបស់លោកអ្នក ។
មីជាតិ ស្នាដៃខ្មែរ រសជាតិខ្មែរ ! ៕ អត្ថបទសហការ
ចែករំលែកព័តមាននេះ