រាជធានីភ្នំពេញ ៖ Royal Enfield មាន​ប្រវត្តិ​ដ៏​សម្បូរ​បែប និង​វត្តមាន​ដ៏​រឹង​មាំ​នៅ​ក្នុង​ឧស្សាហកម្ម​ម៉ូតូ​។ យីហោ​នេះ​បាន​វិវត្តន៍​យ៉ាង​ខ្លាំង​ចាប់តាំងពី​ការ​បង្កើត​ឡើង​ក្នុង​ឆ្នាំ 1901 ជា​ពិសេស​បន្ទាប់​ពី​បាន​បង្កើត​រោងចក្រ​ផលិត​របស់​ខ្លួន​នៅ Madras ក្នុង​ឆ្នាំ 1955 ​។ ការ​ផ្លាស់​ប្តូរ​នេះ​បាន​ដើរតួ​នាទី​យ៉ាង​សំខាន់​ក្នុង​ការ​អភិវឌ្ឍ​ទីផ្សារ​ម៉ូតូ​ប្រភេទ​កំលាំង​ម៉ាស៊ីន​កណ្តាល (mid-sized )​ របស់​ប្រទេស​ឥណ្ឌា ​។

ជាមួយនឹង​ការ​ផ្តោត​សំខាន់​ទៅ​លើ​កា​ច្នៃប្រឌិត​ និង​បង្កើត​ម៉ូតូ​ដែល​ទាក់ទាញ និង​ងាយស្រួល​ក្នុង​ការ​បើកបរ Royal Enfield បាន​ក្លាយជា​និមិត្តរូប​នៃ​ការ​រុករក​និង​មាន​ភាព​ជា​ខ្លួនឯង​ខ្ពស់​ ។ ក្នុង​នាម​ជា​ផ្នែក​មួយ​របស់ Eicher Motors Limited ម៉ាក​យីហោ​នេះ​មាន​ហាង​ជាង 2,000 នៅ​ក្នុង​ប្រទេស​ឥណ្ឌា និង​ប្រហែល 850 ហាង​នៅ​ទូ​ទាំង​ពិភពលោក​ព្រមទាំង​ប្រទេស​កម្ពុជា​ចាប់តាំងពី​ឆ្នាំ 2020 ​មក​ម្លេះ​ ។ វិសាលភាព​ដ៏​ទូលំទូលាយ​នេះ​បាន​ធ្វើ​អោយ Royal Enfield ជា​ជម្រើស​ដ៏​ពេញ​និយម​សម្រាប់​អ្នក​ជិះ​ម៉ូតូ​ជុំវិញ​ពិភពលោក ​។

វត្តមាន​របស់ Royal Enfield នៅ​កម្ពុជា​ឆ្លុះ​បញ្ចាំង​ពី​កេរ្តិ៍​ដំណែល​ដ៏​សម្បូរ​បែប និង​ទីផ្សារ​ម៉ូតូ​ធំ​ដ៏​រឹង​មាំ​មួយ​ក្នុង​ចំនោម​ម៉ាក​យី​ហ៊ោរ​ម៉ូតូ​ធំ​ផ្សេង​ៗ​ទៀត ​។ ជាមួយនឹង​បេតិកភណ្ឌ 123 ឆ្នាំ ម៉ាក​យី​ហ៊ោរ​នេះ​ផ្តល់​ជូន​នូវ​ម៉ូតូ Royal Enfield គ្រប់​ម៉ូ​ឌែ​ល ឈុត​សំលៀក​បំពាក់ (Apparel) និង​គ្រឿង​តុបតែង​ម៉ូតូ (GMA) ជា​ច្រើន​ប្រភេទ ដែល​មាននៅ​ក្នុង​ហាង​តែ​មួយ​ដែល​រួម​បញ្ចូល​ទស្សនវិជ្ជា​បែប Pure Motorcycling បន្ទាប់​ពី​ដំណើរការ​រយៈពេល 4 ឆ្នាំ​នៅ​ក្នុង​ប្រទេស​កម្ពុជា ក្រុមហ៊ុន Royal Enfield បាន​សាង​កេរ្តិ៍ឈ្មោះ​ និង​សាង​ទំនុកចិត្ត​ចំពោះ​អតិថិជន​ជា​ច្រើន​ដោយសារ​តែគុណភាព រចនាបថ ផ្នែក​សេវាកម្ម​អតិថិជន និង​តំលៃ​សមរម្យ​ ។

ភាព​ជោគជ័យ​នា​ពេល​ថ្មី​ៗ​នេះ​ជាមួយ​និង​ការ​លក់​ចេញ​ជិត 50 គ្រឿង​នៅ​ក្នុង​ខែកញ្ញា​កន្លង​ទៅ​បង្ហាញ​ពី​ការ​រីក​ដុះដាល​នៃ​ម៉ាក​យី​ហ៊ោរ​នេះ​កាន់តែ​ទូលំទូលាយ​នៅ​ក្នុង​ចំនោម​អ្នក​ស្រលាញ់​ម៉ូតូ​ធំ ​។ បន្ថែម​ពី​នេះ​ទៀត​ដោយ​មើលឃើញ​ពី​កំណើន​នៃ​ការ​គាំទ្រ​ពី​មួយ​ថ្ងៃ​ទៅ​មួយ​ថ្ងៃ ក្រុមហ៊ុន Royal Enfield Cambodia មាន​សុទិដ្ឋិនិយម​ក្នុង​ការ​បង្កើន​ការ​លក់​លើស​ពី 1,000 គ្រឿង​មុន​ដំណាច់ឆ្នាំ ២០២៤ នេះ ​។

ថ្មី​ៗ​នេះ​ក្រុមហ៊ុន Royal Enfield Cambodia បាន​ពង្រីក​សាខា​ទី​ពីរ​នៅ​ខេត្តសៀមរាប​ហើយ​នេះ​ជា​ជំហាន​ដ៏​សំខាន់​មួយ​ក្នុង​ការ​លើកកម្ពស់​ភាព​ងាយស្រួល និង​សេវាកម្ម​របស់​អតិថិជន​នៅ​ទីនោះ​ ។ ទីតាំង​ថ្មី​នេះ មិន​ត្រឹមតែ​សម្រួល​ដល់​អ្នក​ដែរ​នៅ​សៀមរាប​ប៉ុ​ន្នោះ​ទេ​ប៉ុន្តែ​បាន​ផ្តល់​ភាព​ងាយស្រួល​ដល់​អ្នក​ដែរ​រស់នៅ បាត់ដំបង បន្ទាយ​មាន​ជ័យ ប៉ោយ​ប៉ែ​ត និង​កំពង់ធំ ដោយ​ផ្តល់​ជូន​នូវ​ម៉ូតូ Royal Enfield គ្រប់​ម៉ូ​ឌែ​ល ឈុត​សំលៀក​បំពាក់ (Apparel) និង​គ្រឿង​តុបតែង​ម៉ូតូ (GMA) ជា​ច្រើន​ប្រភេទ ​។

បន្ថែម​ពី​នេះ​ទៀត​ជាមួយ​ការ​សម្ពោ​ធ​ម៉ូ​ដែល​ថ្មី​ៗ​ដូច​ជា Shotgun 650 & Himalayan 452 បាន​បង្កើន​អត្រា​ការ​កក់​ទិញ​យ៉ាងច្រើន​ក្នុង​ត្រីមាស​ទី 3 ឆ្នាំ 2024 នេះ ​។ ឆាប់​ៗ​នេះ​ក្រុមហ៊ុន Royal Enfield Cambodia និង​ធ្វើការ​សម្ពោធ​ជា​ផ្លូវការ​សម្រាប់​ម៉ូ​ឌែ​ល Guerrilla 450 ដែល​បាន​កំពុង​ទាក់ទាញ​អ្នកគាំទ្រ​ជា​ច្រើន​ក្រោយ​ពេល​មានការ​បង្ហាញ​វត្តមាន​របស់​វា​នៅ​ក្នុង​ប្រទេស​ឥណ្ឌា​ ៕ អត្ថបទសហការ