រាជធានីភ្នំពេញ ៖ ការចិញ្ចឹមកូនពិតជាមិនមែនរឿងងាយស្រួលនោះទេ ។ ពេលខ្លះកូនៗរបស់អ្នកឈ្លោះគ្នា ហើយខំប្រឹងដណ្តើមយកអ្វីដែលពួកគេចង់បានដោយបង្ខំ ឬកម្លាំងបាយ ។ ឪពុកម្តាយគ្រប់រូបពិតជាមិនចង់ឱ្យក្លាយទៅក្មេងមិនចេះគួរសម ចូលចិត្តគំរាមកំហែង…
រាជធានីភ្នំពេញ ៖ ការចិញ្ចឹមកូនពិតជាមិនមែនរឿងងាយស្រួលនោះទេ ។ ពេលខ្លះកូនៗរបស់អ្នកឈ្លោះគ្នា ហើយខំប្រឹងដណ្តើមយកអ្វីដែលពួកគេចង់បានដោយបង្ខំ ឬកម្លាំងបាយ ។ ឪពុកម្តាយគ្រប់រូបពិតជាមិនចង់ឱ្យក្លាយទៅក្មេងមិនចេះគួរសម ចូលចិត្តគំរាមកំហែង ឬអាក្រក់ជាងនេះទេ ហើយក៏មិនចង់ឱ្យកូនប្រើកម្លាំងរបស់ពួកគេក្នុងការគ្រប់គ្រង ឬធ្វើឱ្យអ្នកដទៃឈឺចាប់នោះទេ ។ ខាងក្រោមនេះ គឺជារឿងមិនល្អទាំង ៦ ដែលឪពុកម្តាយមិនចង់ឱ្យកូនធ្វើ និងអ្វីដែលឪពុកម្តាយគួរអប់រំកូន ៖
១. មិនចង់ឱ្យកូនភ័យខ្លាច ឬមិនហ៊ានសាកល្បងហានិភ័យ ៖ ក្មេងខ្លះមានអារម្មណ៍ថា ខ្លួនឯងខ្លាំង ខ្លួនឯងអស្ចារ្យ ហើយពួកគេសុខចិត្តសាកល្បងអ្វីគ្រប់យ៉ាង ។ ប៉ុន្តែក្មេងខ្លះនឹងមិនព្យាយាម ឬសាកល្បងអ្វីទាំងអស់ប្រសិនបើពួកគេមិនប្រាកដថា ពួកគេអាចជោគជ័យ ។ ដូច្នេះត្រូវបង្រៀនកូនឱ្យមានឆន្ទៈក្នុងការសាកល្បងអ្វីដែលថ្មី ចាប់យកឱកាស ដើម្បីទទួលយកបទពិសោធន៍មិនថាជោគជ័យ ឬបរាជ័យនោះទេ ។ ឪពុកម្តាយអាចជួយពួកគេធ្វើកិច្ចការនេះ ដោយធ្វើជាគំរូ ដោយការប្រថុយដោយខ្លួនឯង ហើយបន្ទាប់មកអនុញ្ញាតឱ្យកូនចែករំលែកជ័យជម្នះ នៅពេលដែលអ្វីៗដំណើរការល្អ ឬជួយយើងសម្អាតភាពរញ៉េរញ៉ៃ នៅពេលដែលវាមិនដំណើរការល្អ ។
២. មិនចង់ឱ្យកូនមានមោទនភាពពេក ដោយមិនសុំជំនួយអ្នកដទៃសោះ ៖ ប្រសិនបើកូនរបស់អ្នកជឿថា ការមិនសុំការណែនាំ គឺជាច្បាប់សម្រាប់ជីវិត ពួកគេនឹងធំឡើងជាមួយនឹងអារម្មណ៍មោទនភាពហួសហេតុ ។ វាជាកំហុសក្នុងការព្យាយាមប្រឈមមុខនឹងគ្រប់យ៉ាងដោយខ្លួនឯង ។ ឪពុកម្តាយត្រូវធ្វើជាគំរូសម្រាប់កូនដោយការសុំជំនួយពេលអ្នកត្រូវការ ។ អ្នកក៏ត្រូវប្រាប់កូនឱ្យដឹងថា ពួកគេអាចសុំជំនួយពីឪពុកម្តាយគ្រប់ពេលវេលា ។
៣. មិនចង់ឱ្យកូនឈឺចាប់ ៖ គ្មាននរណាម្នាក់ចូលចិត្តចាញ់ទេ ប៉ុន្តែឪពុកម្តាយត្រូវប្រាប់កូនឱ្យដឹងថា វាមិនអីទេដែលពួកគេចាញ់ ហើយមិនសប្បាយចិត្ត ប៉ុន្តែការត្រឡប់ការប្រកួតនោះវិញ ទើបជារឿងសំខាន់ ។ ឪពុកម្តាយត្រូវបង្រៀនពួកគេពីរបៀបប្រតិកម្ម ឬឆ្លើយតបនៅពេលដែលពួកគេចាញ់ ដោយបង្រៀនកូនអំពីទំនាក់ទំនងរបស់ពួកគេជាមួយនឹងមនុស្សដែលពួកគេកំពុងលេងជាមួយ និងបទពិសោធន៍មានតម្លៃបំផុត លើសពីលទ្ធផលចុងក្រោយ ។
៤. មិនចង់ឱ្យកូនមើលអេក្រង់ច្រើន ៖ ក្មេងៗសព្វថ្ងៃនេះកំពុងធំឡើងរុំព័ទ្ធជុំវិញដោយអេក្រង់ ។ នៅពេលកូនរបស់អ្នកមើលមាតិកាឌីជីថលឥតឈប់ឈរ ពួកគេអាចនឹងបាត់បង់បទពិសោធន៍កុមារភាពសំខាន់ៗមួយចំនួន ដូចជាការចេញទៅខាងក្រៅ ការលេងជាមួយមិត្តភក្តិ និងបទពិសោធន៍ដ៏អស្ចារ្យនៃពិភពលោកជុំវិញខ្លួន ។ ឪពុកម្តាយត្រូវតែជាមនុស្សដំបូងគេដែលដាក់អេក្រង់ទូរសព្ទចុះ ។
៥. មិនចង់ឱ្យកូនមានស្នេហាផ្តេសផ្តាស ឬច្រើនគ្នា ៖ ភាពយន្តមួយចំនួនដែលកូនជំទង់របស់អ្នកមើលខុសពីជីវិតពិត ពេលខ្លះពួកគេអាចទំនាក់ទំនងស្នេហាច្រើន និងរហ័សដោយគ្មានផលវិបាកនោះទេ ។ ដូច្នេះឪពុកម្តាយគប្បីបង្រៀនកូនអំពីសារៈសំខាន់នៃការគោរពបុរសស្ត្រីទាំងអស់ ។ អ្នកក៏ត្រូវជួយពួកគេឱ្យយល់ដែរថា ភាពស្និទ្ធស្នាល គឺសំដៅលើការរីកចំរើនទៅតាមពេលវេលា មិនមែនកើតឡើងភ្លាមៗនៅក្នុងកម្មវិធីជួបជុំណាមួយនោះទេ ។
៦. មិនចង់ឱ្យកូនភ្លេចសារៈសំខាន់នៃជំនឿ ៖ វាអាចជាការលំបាកក្នុងការផ្តល់ជំនឿដល់កូនៗ ប៉ុន្តែដោយសារតែវាពិបាក មិនមានន័យថាអ្នកមិនគួរព្យាយាមនោះទេ ។ ឪពុកម្តាយគប្បីធ្វើជាគំរូតាមជំនឿខ្លួនឯង តាមរយៈការជួយ ការផ្តល់ឱ្យអ្នកដទៃ និងភាពស្មោះត្រង់ ។ យើងជឿថា កូនៗរបស់អ្នកនឹងធំឡើងដោយមានសេចក្តីល្អជាប់ខ្លួន ៕ ប្រភព ៖ allprodad
អត្ថបទនេះផលិតឡើងក្រោមកិច្ចសហប្រតិបត្តិការជាមួយសាលារៀនវ៉េស្ទឡាញន៍ និងសាលារៀនណត្សឡាញន៍ ។ ដើម្បីអបអរការបើកដំណើរការសាលារៀនវ៉េស្ទឡាញន៍ សាខាឫស្សីកែវ និងសាខាពោធិ៍ចិនតុងពីរដំណាលគ្នា សាលាផ្តល់អាហារូបករណ៍ពិសេស ៥០% គ្រប់កម្មវិធីសិក្សា សម្រាប់សិស្ស ១០០ នាក់ដំបូង ចំពោះការចុះឈ្មោះចូលរៀនត្រឹមថ្ងៃទី ៣០ ខែមិថុនា ខាងមុខនេះ ។ សាលារៀនទទួលចុះឈ្មោះកុមារចាប់ពីអាយុ ២ ឆ្នាំកន្លះឡើង សម្រាប់កម្មវិធីចំណេះទូទៅខ្មែរ កម្មវិធីភាសាអង់គ្លេសទូទៅ និងកម្មវិធីភាសាចិនទូទៅចាប់ពីកម្រិតមត្តេយ្យ ដល់ទី ១២ ។ សាលារៀនវ៉េស្ទឡាញន៍ សាខាឫស្សីកែវស្ថិតនៅផ្លូវ ៥៩៨ ទល់មុខបុរីវិមានភ្នំពេញ និងនៅជាប់អគារគណៈកម្មការមូលបត្រកម្ពុជា សាខាពោធិ៍ចិនតុងស្ថិតនៅផ្លូវ ២០០៤ ទល់មុខកងពលតូចដឹកជញ្ជូនលេខ ៩៩ សម្រាប់ព័ត៌មានបន្ថែម សូមទំនាក់ទំនង 092 888 499 | 087 458 282 ៕
ចែករំលែកព័តមាននេះ