រាជធានីភ្នំពេញ ៖ ក្នុងកិច្ចខិតខំប្រឹងប្រែងដើម្បីបង្កើនបទពិសោធន៍ភ្ញៀវទេសចរណ៍ លើកកម្ពស់ទេសចរណ៍ឆ្លាតវៃ និងគាំទ្រការផ្លាស់ប្តូរឌីជីថលនៅមូលដ្ឋាន មិត្តហ្វូន បានចាប់ដៃគូជាមួយរដ្ឋបាលខេត្តកំពត និងខេត្តកែប រួមជាមួយនឹងមន្ទីរទេសចរណ៍ មន្ទីរប្រៃសណីយ៍…
រាជធានីភ្នំពេញ ៖ ក្នុងកិច្ចខិតខំប្រឹងប្រែងដើម្បីបង្កើនបទពិសោធន៍ភ្ញៀវទេសចរណ៍ លើកកម្ពស់ទេសចរណ៍ឆ្លាតវៃ និងគាំទ្រការផ្លាស់ប្តូរឌីជីថលនៅមូលដ្ឋាន មិត្តហ្វូន បានចាប់ដៃគូជាមួយរដ្ឋបាលខេត្តកំពត និងខេត្តកែប រួមជាមួយនឹងមន្ទីរទេសចរណ៍ មន្ទីរប្រៃសណីយ៍ និងទូរគមនាគមន៍ បានបើកកម្មវិធីផ្តល់សេវា Wi-Fi សាធារណៈដោយឥតគិតថ្លៃ នៅតំបន់ទេសចរណ៍ពេញនិយមចំនួនពីរគឺ រូបសំណាកសេះសមុទ្របា.ញ់ទឹក និង ខ្ញុំស្រលាញ់ខេត្តកែប ។
កម្មវិធីនេះបានចាប់ផ្តើមនៅខែកក្កដា ឆ្នាំ ២០២៥ ហើយនឹងដំណើរការរយៈពេលមួយឆ្នាំ ដែលអនុញ្ញាតឱ្យទាំងអ្នករស់នៅ និងអ្នកទេសចរអាចប្រើប្រាស់អ៉ីនធឺណេតល្បឿនលឿនដោយមិនគិតថ្លៃនៅតំបន់ដែលមានចរាចរណ៍ខ្ពស់ ។ គំនិតផ្តួចផ្តើមនេះមានគោលបំណងលើកកម្ពស់គុណភាពនៃបទពិសោធន៍ទេសចរណ៍ និងពង្រឹងរូបភាពទេសចរណ៍ក្នុងស្រុក ។
អ្នកទេសចរអាចស្វែងរកព័ត៌មានបានយ៉ាងងាយស្រួល ប្រើប្រាស់សេវាកម្មឌីជីថល និងចែករំលែកពេលវេលាធ្វើដំណើររបស់ពួកគេភ្លាមៗតាមរយៈបណ្តាញ Wi-Fi ដែលមានស្ថេរភាព និងគ្របដណ្តប់យ៉ាងទូលំទូលាយ ។ ឧបករណ៍ប្រើប្រាស់ទំនើបនេះកំពុងក្លាយជាកត្តាសំខាន់ក្នុងការសម្រេចចិត្តរបស់ភ្ញៀវទេសចរជាតិ និងអន្តរជាតិកាន់តែខ្លាំងឡើង ។
ក្រៅពីវិស័យទេសចរណ៍ មិត្តហ្វូនក៏បានចូលរួមចំណែកយ៉ាងសកម្មក្នុងវិស័យអប់រំ ថែទាំសុខភាព និងរដ្ឋបាលសាធារណៈផងដែរ ។ សាលារៀន មន្ទីរពេទ្យ និងការិយាល័យរដ្ឋាភិបាលរាប់រយបានទទួលការគាំទ្រអ៉ីនធឺណិតដោយមិនគិតថ្លៃ ឬការបញ្ចុះតម្លៃ ដោយលើកកម្ពស់ការចូលប្រើប្រាស់បច្ចេកវិទ្យា និងការផ្លាស់ប្តូរឌីជីថលកាន់តែទូលំទូលាយ ជាពិសេសនៅតំបន់ដាច់ស្រយាល និងតំបន់ខ្វះខាត ។
ការដាក់ពង្រាយប្រព័ន្ធ Wi-Fi ឥតគិតថ្លៃក្នុងខេត្តកំពត និងកែប បញ្ជាក់ជាថ្មីពីការប្តេជ្ញាចិត្តរបស់មិត្តហ្វូនក្នុងការធ្វើការងារជាមួយអាជ្ញាធរមូលដ្ឋាន ។ កន្លងមកក្រុមហ៊ុនបានដំឡើងអ៉ីនធឺណិតដោយឥតគិតថ្លៃក្នុងព្រឹត្តិការណ៍ធំៗ ពិធីបុណ្យវប្បធម៌ ការប្រកួតកីឡា និងសកម្មភាពសហគមន៍ផ្សេងៗទៀតដែលរៀបចំដោយរដ្ឋបាលខេត្ត ឬក្រសួងជាតិ ។
ដឹកនាំដោយទស្សនវិជ្ជារបស់ខ្លួននៃ “ការបម្រើសង្គម” មិត្តហ្វូននៅតែបន្តពង្រីកកម្មវិធីគាំទ្រសហគមន៍តាមរយៈភាពខ្លាំងផ្នែកបច្ចេកវិទ្យា និងហេដ្ឋារចនាសម្ព័ន្ធទូរគមនាគមន៍ ។ រាល់ការដំឡើង Wi-Fi hotspot ដោយមិនគិតថ្លៃមិនត្រឹមតែជាការតភ្ជាប់អ៉ីនធឺណិតប៉ុណ្ណោះទេ ប៉ុន្តែជាការប្តេជ្ញាចិត្តក្នុងការរួមដំណើរជាមួយការអភិវឌ្ឍន៍សហគមន៍មូលដ្ឋាន និងប្រទេសជាតិកម្ពុជា។
តំណាងក្រុមហ៊ុន មិត្តហ្វូន បានចែករំលែកថា ៖ “យើងជឿថាបច្ចេកវិទ្យាគួរតែបម្រើមនុស្ស ។ ការផ្តល់ Wi-Fi ដោយឥតគិតថ្លៃនៅតាមគោលដៅទេសចរណ៍មិនត្រឹមតែបង្កើនភាពងាយស្រួលសម្រាប់អ្នកក្នុងស្រុក និងអ្នកទស្សនាប៉ុណ្ណោះទេ ប៉ុន្តែថែមទាំងរួមចំណែកដល់ការធ្វើឌីជីថលនៃសេវាសាធារណៈ ជំរុញការអភិវឌ្ឍន៍សេដ្ឋកិច្ចសង្គមនៅក្នុងតំបន់” ។
យុទ្ធនាការ Wi-Fi ឥតគិតថ្លៃនៅកំពត និងកែប បង្ហាញជាថ្មីម្តងទៀតនូវការប្តេជ្ញាចិត្តរយៈពេលវែងរបស់ មិត្តហ្វូន ក្នុងការធ្វើជាដៃគូជាមួយអាជ្ញាធរមូលដ្ឋាន ផ្តល់តម្លៃជាក់ស្តែងដល់ប្រជាជន និងជួយខេត្តនានាឱ្យប្រើប្រាស់សក្តានុពលទេសចរណ៍របស់ពួកគេយ៉ាងពេញលេញតាមរយៈការផ្លាស់ប្តូរឌីជីថល ៕ អត្ថបទសហការ
ចែករំលែកព័តមាននេះ