រាជធានីភ្នំពេញ ៖ កាលពី​ថ្ងៃ​ទី​ ២៦ ខែសីហា ឆ្នាំ ​២០២៥ កម្មវិធី​ដ៏​មហោឡារិក​មួយ​ត្រូវ​បាន​ប្រារព្ធ​ឡើង​ដើម្បី​អបអរសាទរ​ពិធី​សម្ពោធ​ជា​ផ្លូវការ​មជ្ឈមណ្ឌល​តាំង​បង្ហាញ​រថយន្ត​ម៉ាក Lynk&Co ចំនួន ២ សាខា នៅ​រាជធានី​ភ្នំពេញ ដែល​នេះ​គឺជា​ការ​បោះ​ជំហាន​ដ៏​សំខាន់​មួយ ក្នុង​ការ​នាំ​យក​បទ​ពិសោធន៍​បែប​ប្រណីត និង​ស៊ី​វិ​ល័យ​បែប​ថ្មី​ក្នុង​បរិបទ យានយន្ត​ប្រភេទ​ថាមពល​បែប​ថ្មី​ចុង​ក្រោយ​បំផុត ចូល​មក​កាន់​ទីផ្សារ​កម្ពុជា ​។

ពិធី​សម្ពោធ​មជ្ឈមណ្ឌល​តាំង​បង្ហាញ​រថយន្ត​ទំនើប LYNK & CO បាន​ប្រព្រឹត្ត​ទៅ​ក្រោម​អធិបតីភាព ឯកឧត្តម កឹ​ម ស៊ី​ថន រដ្ឋលេខាធិការ​ប្រចាំ​នៃ​ក្រសួងពាណិជ្ជកម្ម តំណាង​ដ៏​ខ្ពង់ខ្ពស់ លោក​ជំទាវ ចម និម្មល រដ្ឋមន្ត្រីក្រសួង​ពាណិជ្ជកម្ម និង លោកអ្នកឧកញ៉ា លី ហួរ ប្រធាន​នាយក​ប្រតិបត្តិ​នៃ​ក្រុមហ៊ុន លី ហួរ គ្រុប ​។

ក្នុង​ពិធី​សម្ពោធ​នេះ អ្នកឧកញ៉ា លី សុ​ភ័​ក្ត ប្រធាន​ក្រុមប្រឹក្សាភិបាល​នៃ​ក្រុមហ៊ុន ហ្សិត​ឌី​ជី (​ខេ​ម​បូ​ឌា​) ឯ​.​ក បាន​ថ្លែង​ថា​ ដោយ​សង្កត់ធ្ងន់​លើ​វិស័យ​ពាណិជ្ជកម្ម​មានការ​រីក​ចម្រើន និង​ការ​បន្ត​អភិវឌ្ឍន៍​ហេដ្ឋារចនាសម្ព័ន្ធ​របស់​កម្ពុជា ការ​នាំ​មក​រថយន្ត​ទំនើប​ម៉ាក Lynk & Co ជាមួយ​បច្ចេកវិទ្យា​ទំនើប និង​សុវត្ថិភាព​ខ្ពស់ ដើម្បី​បំពេញតម្រូវការ​យ៉ាង​ខ្លាំង​នៅ​ក្នុង​ទីផ្សារ​បច្ចុប្បន្ន​ ។
រថយន្ត Lynk & Co ជា​បេតិកភណ្ឌ​បច្ចេកវិទ្យា​ស្តង់ដារ​អន្តរជាតិ​ដែល​បាន​ប្រើប្រាស់​នូវ​បច្ចេកវិទ្យា CMA Platform ជំនាន់​ថ្មី​របស់​ក្រុមហ៊ុន​ខ្នាត​អន្តរជាតិ Geely Group ដែល​ជា​បច្ចេកវិទ្យា​ទំនើប​នាំមុខ​គេ​ទូ​ទាំង​សកលលោក​ ។

សមាសធាតុ​ប្រព័ន្ធ​ម៉ាស៊ីន​ដំណើរការ​ដោយ បច្ចេកវិទ្យា​ថ្មី​ចុង​ក្រោយបង្អស់ ប្រកបដោយ​ន​វា​នុ​វ​ឌ្ឍ គ្របដណ្តប់​លើ​ប្រព័ន្ធ​បញ្ចូល​ថាមពល (Powertrain) ប្រព័ន្ធ​សុវត្ថិភាព និង​ប្រព័ន្ធ​តួ​រថយន្ត ដើម្បី​ធានា​បាន​នូវ​ទំនុកចិត្ត សុវត្ថិភាព និង​ដំណើរការ​ដ៏​ឥត​ខ្ចោះ​របស់​យានយន្ត​ ។ ដើម្បី​ជា​គំរូ​ក្នុង​ការ​នាំ​ចូល និង​ជំរុញ​ការ​ពង្រីក​ខ្លួន​ក្នុង​ទីផ្សារ​កម្ពុជា រថយន្ត Lynk & Co 06 Renew ផលិត​ឡើង​ភ្ជាប់​មក​ជាមួយ​នូវ​គុណ​តម្លៃ​ស្នូល​ទាំង​៣​ធំ​ៗ​គឺ “​ការ​រចនា​ផ្សារ​ភ្ជាប់​បែបបទ​ជីវិត ស៊ី​វិ​ល័យ​បែប​ទីក្រុង​ជាមួយ​ធម្មជាតិ (Urban Naturalistic Design)” “​បទ​ពិសោធន៍​បែប​ប្រណីត​នៃ​បច្ចេកវិទ្យា​ទំនើប (Technological Luxury Experience)” និង “​ប្រព័ន្ធ​ធានា​សុវត្ថិភាព​ប្រកបដោយ​ភាព​ឆ្លាត​វៃ (Comprehensive Safety Assurance)”​ ។

ប្រព័ន្ធ​ម៉ាស៊ីន (Powertrain): បំពាក់​ដោយ​ម៉ាស៊ីន​សាំង Turbocharged ស៊ីឡាំង ​4 ចំណុះ 1.5T ដែល​មាន​ថាមពល​អតិបរមា 133 kW (181 កម្លាំង​សេះ​) ភ្ជាប់​ជាមួយ​ប្រអប់លេខ​ភ្លោះ 7-speed Dual-Clutch ដែល​ផ្តល់​នូវ​សមត្ថភាព​បង្កើន​ល្បឿន​យ៉ាង​រលូន មាន​កម្លាំង​ខ្លាំង ជាមួយនឹង​ការ​ប្រើប្រាស់​សាំង​ត្រឹមតែ 6.4 លី​ត្រ​/100 គីឡូម៉ែត្រ​ប៉ុណ្ណោះ សម​ស្រប​ក្នុង​ការ​បើកបរ និង​សន្សំ​សំចៃ​សាំង សក្តិ​សមជា​មួយ​គ្រប់​ប្រភេទ​ស្ថានភាព​ផ្លូវ​នៅ​ព្រះរាជាណាចក្រ​កម្ពុជា​ ។

ប្រព័ន្ធ​សុវត្ថិភាព (Safety): Lynk & Co 06 Renew សាងសង់​ឡើង​ជាមួយនឹង​រចនាសម្ព័ន្ធ ប្រព័ន្ធ​តួ​ពោរពេញ​ដោយ​សុវត្ថិភាព​ប្រភេទ Cage-style ប្រកបដោយ​ភាព​ច្នៃប្រឌិត ដោយ​រួម​បញ្ចូល​ដែក និង​អាលុយមីញ៉ូម​ដែល​មាន​កម្លាំង​ខ្លាំង 63.4% ជាមួយនឹង​ការ​ពង្រឹង​ការ​ការពារ​នៅ​ក្នុង​តំបន់​សំខាន់​ៗ​។ កាន់តែ​ពិសេស​ភ្ជាប់​មក​ជាមួយ​នូវ​ប្រព័ន្ធ​ការពារ RP Rollover Protection ដែល​ជា​បច្ចេកវិទ្យា​បង្កើត​ឡើង​ដោយ​ប្រទេស​ចិន ដែល​អាច​ដំណើរការ​ភ្លាម​ៗ​នៅ​ពេល​មាន​អាសន្ន​ ។ ម៉ូ​ដែល​នេះ​ក៏​មាន​ភ្ជាប់​មក​ជាមួយ​មុខងារ​ឆ្លាត​វៃ​ចំនួន 21 ប្រភេទ​ផ្សេង​ទៀត សម្រាប់​ជំនួយ​ដល់​អ្នកបើកបរ​រួម​មាន ប្រព័ន្ធ​គម្លាត​សុវត្ថិភាព (Adaptive Cruise Control), ហ្វ្រាំង​សង្គ្រោះ​បន្ទាន់ (Autonomous Emergency Braking) និង Blind Spot Detection ដែល​ផ្តល់​ការ​ការពារ​ជុំវិញ​រថយន្ត​ ។

ការ​រចនា និង​ផា​សុខភាព (Design & Comfort): បំពាក់​ដោយ​អំ​ពូ​ល LED Matrix ដែល​ឆ្លុះ​បញ្ចាំង​ពី​សោភ័ណ​ភាព អម​ជាមួយ​ចង្កូត​ការពារ​មេរោគ​ដំបូង​គេ​បង្អស់​ក្នុង​វិ​ស្ស័​យ​ឧស្សាហកម្ម​យានយន្ត​ ។ ផ្នែក​ខាងក្នុង​រថយន្ត បំពាក់​នូវ​ផ្ទាំង LCD 10.25 អ៊ី​ញ និង​អំ​ពូ​ល​ព័ទ្ធ​ជុំវិញ បង្កើត​បទ​ពិសោធន៍​បែប​ប្រណីត ប្រកបដោយ​ភាព​ឆ្លាត​វៃ លើស​ពី​នោះ​ប្រព័ន្ធ​ស្វ័យប្រវត្តិ​នេះ​បាន​បំពាក់​ដោយ​ប្រព័ន្ធ Lynk OSN ដែល​អាច​បញ្ជា​ដោយ​សំឡេង និង​អាច​ភ្ជាប់​ជាមួយ Smartphone គ្រប់​ប្រភេទ ​។ កៅអី​ក្រោយ​អាច​បត់​ទៅ​ក្រោយ​បាន 40/60 ដើម្បី​បន្ថែម​ទំហំ​ក្នុង​រថយន្ត​សម្រាប់​ការ​ចាំបាច់​នា​ពេល​ធ្វើ​ដំណើរ​ ។
ជាមួយ​សមត្ថភាព​ខ្ពស់ ប្រព័ន្ធ​សុវត្ថិភាព​ឆ្លាត​វៃ និង​បច្ចេកវិទ្យា​ទំនើប Lynk & Co 06 Renew ផ្តល់​ជូន​ជម្រើស​នៃ​ការ​ធ្វើ​ដំណើរ​លំដាប់ថ្នាក់​ពិភពលោក ប្រកបដោយ​ប្រណីតភាព តរុណភាព និង​កិត្យានុភាព​សក្តិ​សមជា​ជម្រើស​ថ្មី​ក្នុង​ទីផ្សារ​រថយន្ត SUV សម្រាប់​អតិថិជន​កម្ពុជា​ ។

Lynk & Co សូម​ស្វាគមន៍​អតិថិជន និង​សាធារណជន​មក​កាន់​មជ្ឈមណ្ឌល​តាំង​បង្ហាញ​រថយន្ត ដែល​ស្ថិត​នៅ​ក្នុង​ទីក្រុង​ភ្នំពេញ​ទាំង 2​សាខា ជា​រៀងរាល់ថ្ងៃ ចាប់ពី​ម៉ោង 9:00 ព្រឹក ដល់ 9:00 យប់ ដើម្បី​ទទួលយក​បទ​ពិសោធន៍​នៃ​រថយន្ត​ដ៏​ទំនើប​ម៉ូ​ដែល Lynk & Co 06 Renew និង​ម៉ូ​ដែល​ផ្សេង​ទៀត​ដោយ​ផ្ទាល់​ពី​សហការី​ជំនាញ​ផ្នែក​រថយន្ត ជាមួយនឹង​ការ​បើកបរ​សាកល្បង រួម​ទាំង​ការ​ផ្តល់​ជូន​នូវ​ការ​បញ្ចុះតម្លៃ​ពិសេស​ទៀត​ផង ​។

នៅ​ពេល​អនាគត Lynk & Co នឹង​បន្ត​វិនិយោគ​ក្នុង​ទីផ្សារ​កម្ពុជា ដោយ​ផ្តល់​ផលិតផល និង​សេវាកម្ម​មានគុណ​ភាព​កម្រិត​ខ្ពស់ ស្តង់ដា​អន្តរជាតិ ដើម្បី​គាំទ្រ​នវានុវត្តន៍​ដែល​រឹង​មាំ និង​មានគុណ​ភាព​ខ្ពស់​របស់​ឧស្សាហកម្ម​រថយន្ត​ក្នុងស្រុក​ ៕ អត្ថបទសហការ