រាជធានីភ្នំពេញ ៖ តាមការចេញផ្សាយរបស់សារព័ត៌មានថៃ Khaosod កាលពីថ្ងៃទី ២៨ ខែសីហា គ្រូបង្រៀនម្នាក់នៅខេត្ត Surin នៃប្រទេសថៃ…
រាជធានីភ្នំពេញ ៖ តាមការចេញផ្សាយរបស់សារព័ត៌មានថៃ Khaosod កាលពីថ្ងៃទី ២៨ ខែសីហា គ្រូបង្រៀនម្នាក់នៅខេត្ត Surin នៃប្រទេសថៃ បានអះអាងថា មានការចាប់ខ្លួនកូនសិស្សអាយុ ១៣ឆ្នាំម្នាក់ ក្រោមការចោទប្រកាន់ថា ក្មេងម្នាក់នោះ គឺជាជនអន្តោប្រវេសន៍ខុសច្បាប់ ។ កូនសិស្សរូបនោះ ដែលមានម្តាយជាជនជាតិខ្មែរ និងឪពុកចុងជាជនជាតិថៃ ត្រូវបានប៉ូលិសឃាត់ខ្លួននៅឯសាលារៀនកាលពីថ្ងៃពុធ ហើយគ្រោងបណ្តេញចេញពីប្រទេស ។
ដោយការអាណិតអាសូរ ឧកញ៉ា ប៉ិច បូឡែន អគ្គនាយក ក្រុមហ៊ុន វេសឡាញ អេឌ្យូខេសិន គ្រុប និងជាទីប្រឹក្សាក្រសួងការងារ និងបណ្តុះបណ្តាលវិជ្ជាជីវៈ បានប្រកាសផ្តល់ជូនអាហារូបករណ៍ជូនដល់យុវសិស្សដែលមានម្ដាយជាជនជាតិខ្មែរ និងឪពុកចុងជាជនជាតិថៃ ដែលត្រូវប៉ូលីសថៃបណ្ដាញចេញពីសាលាកាលពីប៉ុន្មានថ្ងៃមុននេះ ។
បន្ថែមពីនេះ លោកឧកញ៉ា ក៏បានសន្យាផ្តល់ជូនឱកាសការងារជូនដល់ស្ត្រីជាម្ដាយ និងបុរសជាឪពុកចុងជនជាតិថៃផងដែរដោយមិនរើសអើងជាតិសាសន៍ ប្រសិនបើពួកគាត់សម្រេចចិត្តចូលមករស់នៅក្នុងប្រទេសកម្ពុជាវិញ ៕ អត្ថបទសហការ
ចែករំលែកព័តមាននេះ