រាជធានីភ្នំពេញ ៖ នៅពេលកូនពិបាកចិត្ត ឬមានការថប់បារម្ភ វាជារឿងធម្មតាទេ ដែលឪពុកម្តាយគ្រប់រូបចង់ជួយពួកគេឱ្យមានអារម្មណ៍ធូរស្រាលឡើងវិញ ។ ប៉ុន្តែប្រសិនបើអ្នកព្យាយាមការពារកុមារពីរឿងដែលធ្វើឱ្យពួកគេតូចចិត្តខ្លាំងពេក អ្នកបែរជាអាចធ្វើឱ្យការថប់បារម្ភកាន់តែធ្ងន់ធ្ងរដោយចៃដន្យ ។…
រាជធានីភ្នំពេញ ៖ នៅពេលកូនពិបាកចិត្ត ឬមានការថប់បារម្ភ វាជារឿងធម្មតាទេ ដែលឪពុកម្តាយគ្រប់រូបចង់ជួយពួកគេឱ្យមានអារម្មណ៍ធូរស្រាលឡើងវិញ ។ ប៉ុន្តែប្រសិនបើអ្នកព្យាយាមការពារកុមារពីរឿងដែលធ្វើឱ្យពួកគេតូចចិត្តខ្លាំងពេក អ្នកបែរជាអាចធ្វើឱ្យការថប់បារម្ភកាន់តែធ្ងន់ធ្ងរដោយចៃដន្យ ។ មធ្យោបាយដ៏ល្អបំផុតក្នុងការជួយកុមារឱ្យយកឈ្នះលើការថប់បារម្ភ ។ មានគន្លឹះមានប្រយោជន៍មួយចំនួន ដើម្បីជួយកុមារឱ្យរួចផុតពីវដ្ដនៃការថប់បារម្ភ ៖
១. គោលដៅ គឺមិនមែនបំបាត់ការថប់បារម្ភនោះទេ ប៉ុន្តែជួយកុមារគ្រប់គ្រងវា ៖ គ្មាននរណាចង់ឃើញកូនមិនសប្បាយចិត្តនោះទេ ប៉ុន្តែវិធីដ៏ល្អបំផុតដើម្បីជួយកុមារឱ្យយកឈ្នះលើការថប់បារម្ភ គឺមិនត្រូវព្យាយាមបំបាត់ភាពតានតឹងដែលបង្កឱ្យមានវានោះទេ ប៉ុន្តែអ្នកគួរតែបង្រៀនកូនឱ្យចេះអត់ធ្មត់ និងគ្រប់គ្រងវាឱ្យបានល្អ ។
២. កុំចៀសវាងរឿងមួយចំនួន ដោយសារតែធ្វើឱ្យកូនមានការថប់បារម្ភ ៖ ការជួយកុមារឱ្យជៀសផុតពីអ្វីដែលពួកគេខ្លាចនឹងធ្វើឱ្យពួកគេមានអារម្មណ៍ធូរស្រាលក្នុងរយៈពេលខ្លី ប៉ុន្តែវានៅតែធ្វើឱ្យកូនអ្នកមានការថប់បារម្ភក្នុងរយៈពេលយូរ ហើយកុមារមិនបានរៀនសូត្រពីយន្តការដោះស្រាយបញ្ហានោះទេ ។
៣. បង្ហាញពីការរំពឹងទុកវិជ្ជមាន ប៉ុន្តែជាក់ស្តែង ៖ ចូរបង្ហាញទំនុកចិត្តថា ពួកគេនឹងមិនអីទេ ពួកគេនឹងអាចគ្រប់គ្រងវាបាន ។ អ្នកអាចប្រាប់ពួកគេថា នៅពេលដែលពួកគេប្រឈមមុខនឹងការភ័យខ្លាចទាំងនោះ កម្រិតនៃការថប់បារម្ភនឹងធ្លាក់ចុះបន្តិចម្តងៗ ។
៤. គោរពអារម្មណ៍របស់គេ ប៉ុន្តែកុំផ្តល់អំណាចដល់គេ ៖ ប្រសិនបើកុមារភ័យខ្លាចក្នុងការទៅជួបគ្រូពេទ្យ ដោយសារតែដល់ពេលត្រូវចាក់ថ្នាំ កុំមើលងាយការភ័យខ្លាចរបស់កូន ប៉ុន្តែក៏កុំពង្រីកវាឱ្យធំដែរ ។ សូមស្តាប់ពួកគេ និងយល់ពីពួកគេ ហើយជួយពួកគេឱ្យយល់ពីអ្វីដែលពួកគេព្រួយបារម្ភ និងលើកទឹកចិត្តពួកគេឱ្យប្រឈមមុខនឹងការភ័យខ្លាចនោះ ។
៥. កុំសួរសំណួរនាំមុខ ៖ លើកទឹកចិត្តកូនរបស់អ្នកឱ្យនិយាយអំពីអារម្មណ៍របស់ពួកគេ ។ កុំសួរថា «តើកូនខ្វល់ខ្វាយអំពីការចាក់ថ្នាំមែនទេ ? តើកូនព្រួយបារម្ភអំពីការប្រឡងគណិតវិទ្យាមែនទេ ? អ្នកគ្រាន់តែសួរសំណួរបើកចំហថា តើកូនមានអារម្មណ៍យ៉ាងណា ចំពោះការប្រឡងគណិតវិទ្យានេះ ? ។
៦. លើកទឹកចិត្តកុមារឱ្យអត់ធ្មត់ ៖ អនុញ្ញាតឱ្យកូនរបស់អ្នកដឹងថា អ្នកកោតសរសើរ និងពេញចិត្ត ចំពោះការងារដែលត្រូវការភាពអត់ធ្មត់ ។
៧. ជជែកគ្នាជាមួយកូន ៖ ពេលខ្លះការជជែកគ្នាអំពីអ្វីដែលកូនភ័យខ្លាច អ្វីដែលធ្វើឱ្យពួកគេថប់បារម្ភគឺល្អបំផុត ។ ពេលខ្លាច ពេលថប់បារម្ភ តើពួកគេនឹងដោះស្រាយវាដោយរបៀបណា ? សម្រាប់ក្មេងមួយចំនួនការមានផែនការច្បាស់លាស់អាចកាត់បន្ថយបញ្ហាថប់បារម្ភបានយ៉ាងល្អប្រសើរ ។
៨. ធ្វើជាគំរូល្អក្នុងការដោះស្រាយការថប់បារម្ភ ៖ អនុញ្ញាតឱ្យពួកគេមើលពីរបៀបដែលអ្នកដោះស្រាយការថប់បារម្ភរបស់អ្នក ។ សូមឱ្យក្មេងៗស្តាប់ ឬឃើញអ្នកគ្រប់គ្រងដោយស្ងប់ស្ងាត់ អត់ធ្មត់ និងមានអារម្មណ៍ល្អក្នុងការឆ្លងកាត់ ៕ ប្រភព ៖ childmind
អត្ថបទនេះផលិតឡើងក្រោមកិច្ចសហប្រតិបត្តិការជាមួយសាលារៀនវ៉េស្ទឡាញន៍ និងសាលារៀនណត្សឡាញន៍ ។ បវេសនកាលឆ្នាំសិក្សាថ្មីសម្រាប់កម្មវិធីចំណេះទូទៅខ្មែរ ពីថ្នាក់មត្តេយ្យ ដល់ថ្នាក់ទី ១២ ចាប់ទទួលចុះឈ្មោះចូលរៀនពីថ្ងៃនេះតទៅ ។ សាលារៀនផ្តល់ជូនអាហារូបករណ៍រហូតដល់ ២០% ការធានារ៉ាប់រងគ្រោះថ្នាក់បុត្រធីតា ការការពារការសិក្សាបុត្រធីតារហូតដល់ ៥ ឆ្នាំ និងបន្ថែមកម្មវិធីសិក្សាអមអន្តរជាតិ ។ សម្រាប់ព័ត៌មានបន្ថែម សូមទំនាក់ទំនងទូរស័ព្ទលេខ ៖ ០៩២ ៨៨៨ ៤៩៩ / ០១៥ ៨០៥ ១២៣ ៕
ចែករំលែកព័តមាននេះ