រាជធានីភ្នំពេញ ៖ ការធ្វើការងារផ្ទះមានសារៈសំខាន់សម្រាប់ការអភិវឌ្ឍន៍របស់កុមារ ។ ការធ្វើការងារផ្ទះអាចជួយកុមារឱ្យរៀនជំនាញជីវិត និងការទទួលខុសត្រូវ ។ ការធ្វើការងារផ្ទះក៏អាចបង្កើនទំនុកចិត្តសម្រាប់កុមារផងដែរ ។ ការងារផ្ទះអាចបង្រៀនកុមារពីរបៀបធ្វើកិច្ចការដែលពួកគេត្រូវការពេញមួយជីវិត…
រាជធានីភ្នំពេញ ៖ ការធ្វើការងារផ្ទះមានសារៈសំខាន់សម្រាប់ការអភិវឌ្ឍន៍របស់កុមារ ។ ការធ្វើការងារផ្ទះអាចជួយកុមារឱ្យរៀនជំនាញជីវិត និងការទទួលខុសត្រូវ ។ ការធ្វើការងារផ្ទះក៏អាចបង្កើនទំនុកចិត្តសម្រាប់កុមារផងដែរ ។ ការងារផ្ទះអាចបង្រៀនកុមារពីរបៀបធ្វើកិច្ចការដែលពួកគេត្រូវការពេញមួយជីវិត ដូចជាការបោកគក់ ការលាងចាន និងការជូតផ្ទះជាដើម ។ ការងារផ្ទះក៏បង្រៀនជំនាញដែលនឹងផ្តល់អត្ថប្រយោជន៍ដល់ពួកគេនៅក្នុងថ្នាក់រៀន និងក្នុងវិស័យកីឡា ដូចជារបៀបធ្វើការជាក្រុម និងជាផ្នែកមួយនៃក្រុម ។ កាលណាអ្នកចាប់ផ្ដើមបង្រៀនកូនធ្វើកិច្ចការបានកាន់តែឆាប់ វាកាន់តែល្អសម្រាប់អ្នក និងកូន ។ អ្នកអាចឱ្យពួកគេចាប់ផ្តើមធ្វើរឿងតូចៗមួយចំនួននៅជុំវិញផ្ទះ នៅពេលដែលពួកគេមានអាយុចាប់ពី ៣ ឬ ៤ ឆ្នាំ ។
១. ធ្វើកិច្ចការជាផ្នែកមួយនៃទម្លាប់ ៖ សូមធ្វើឱ្យការងារផ្ទះជាទម្លាប់មួយដ៏ល្អក្នុងក្រុមគ្រួសាររបស់អ្នក ។ សូមផ្តល់ឱ្យកុមារនូវជម្រើសនៃកិច្ចការដែលពួកគេអាចធ្វើ ហើយការរក្សាតារាងការងារក៏អាចមានប្រយោជន៍ផងដែរ ។ ការរៀបចំការងារឱ្យជាក់លាក់ ដូចជាការសុំឱ្យពួកគេរៀបចំទុកដាក់សៀវភៅនៅលើតុ និងរបស់លេងនៅក្នុងកន្ត្រកឱ្យមានរបៀប គឺប្រសើរជាងនិយាយថា ចូរសម្អាតបន្ទប់របស់កូន ។ ភាពជាក់លាក់អនុញ្ញាតឱ្យកុមារដឹងពីអ្វីដែលអ្នករំពឹងទុក ។ ការបំបែកការងារជាតូចៗ កុមារទំនងជាទទួលបានជោគជ័យជាងមុន ដូច្នេះហើយពួកគេមានអារម្មណ៍ថា មានសមិទ្ធផលកាន់តែច្រើន ។
២. ការផ្តល់រង្វាន់ ៖ ការផ្តល់រង្វាន់ដល់កុមារដោយការសរសើរ ឬប្រាក់ឧបត្ថម្ភសម្រាប់ការបំពេញការងារអាចផ្តល់ឱ្យកុមារនូវអារម្មណ៍នៃស្នាដៃ ។ ហើយអ្នកក៏អាចបង្កើនទំហំការងារ និងទំនួលខុសត្រូវចំពោះកូនបន្ថែមទៀតបានផងដែរ ។ ឧទាហរណ៍ ចាប់ផ្តើមដោយឱ្យកូនរបស់អ្នករៀបចំគ្រែគេងម្តងក្នុងមួយសប្តាហ៍ ហើយបង្កើតបន្តិចម្តងៗរហូតដល់ពួកគេធ្វើវាជារៀងរាល់ថ្ងៃ ។
៣. ផលវិបាកនៃការមិនធ្វើកិច្ចការ ៖ ប្រសិនបើក្មេងដឹងពីការងាររបស់ពួកគេ ប៉ុន្តែពួកគេមិនធ្វើទេ អ្នកអាចប្រាប់ពួកគេថា អ្នកក៏អាចដកប្រាក់ឧបត្ថម្ភ ឬម៉ោងមើលទូរទស្សន៍របស់ពួកគេដែរ ។ វិធីនេះកុមារចាប់ផ្តើមយល់ថា ជម្រើសរបស់ពួកគេនឹងបង្កឱ្យមានផលវិបាក ។ បន្ទាប់មកអ្នកអាចលើកទឹកចិត្តពួកគេថា ៖ «សប្តាហ៍ក្រោយ គឺជាឱកាសមួយទៀត ដើម្បីធ្វើកិច្ចការរបស់កូន ហើយកូនក៏នឹងអាចទទួលបានប្រាក់ឧបត្ថម្ភវិញផងដែរ ៕ ប្រភព ៖ childmind
អត្ថបទនេះផលិតឡើងក្រោមកិច្ចសហប្រតិបត្តិការជាមួយសាលារៀនវ៉េស្ទឡាញន៍ និងសាលារៀនណត្សឡាញន៍ ។ អបអរសាទរ បវេសនកាលឆ្នាំសិក្សាថ្មី សម្រាប់កម្មវិធីមត្តេយ្យភាសាខ្មែរ និងអង់គ្លេស កម្មវិធីភាសាអង់គ្លេសសម្រាប់កុមារ កម្មវិធីភាសាអង់គ្លេសសម្រាប់សិស្សធំ និងកម្មវិធីភាសចិន ចូលរៀនថ្ងៃទី ១ ខែសីហា ឆ្នាំ ២០២៤ ។ កម្មវិធីចំណេះទូទៅខ្មែរ ពីថ្នាក់ទី ១ ដល់ទី ១២ ចូលរៀនថ្ងៃទី ២៦ ខែសីហា ឆ្នាំ ២០២៤ ។ សាលារៀនផ្តល់ជូនកញ្ចប់សិក្សាសម្រាប់គ្រួសារ (ការធានារ៉ាប់រងគ្រោះថ្នាក់បុត្រធីតា និងការការពារការសិក្សាបុត្រធីតារហូតដល់ ៥ ឆ្នាំ) និងអាហាររូបករណ៍រហូតដល់ ៣០% លើតម្លៃសិក្សាសម្រាប់ការចុះឈ្មោះចូលរៀនត្រឹមថ្ងៃទី ៣១ ខែកក្កដា (សម្រាប់មត្តេយ្យ អង់គ្លេស និងចិន) និងថ្ងៃទី ២៥ ខែសីហា (ចំណេះទូទៅខ្មែរ) ។ សាលារៀនចាប់ទទួលចុះឈ្មោះសិស្សចូលរៀងរាល់ថ្ងៃ ។ សម្រាប់ព័ត៌មានបន្ថែម សូមទំនាក់ទំនងទូរស័ព្ទលេខ ៖ ០៩២ ៨៨៨ ៤៩៩ / ០១៥ ៨០៥ ១២៣ ៕
ចែករំលែកព័តមាននេះ