រាជធានីភ្នំពេញ ៖ កាលពីចុងសបា្តហ៍កន្លងមកនេះ សាលារៀនវ៉េស្ទឡាញន៍ និងសាលារៀនណត្សឡាញន៍បានរៀបចំកម្មវិធីប្រឡងដំឡើងខ្សែរក្រវាត់សម្រាប់សិស្សគុនតៃក្វាន់ដូប្រចាំសិក្សា ២០២៣-២០២៤ ហើយជាលទ្ធផលសិស្សគុនចំនួន ៨៤ រូប បានទទួលការដំឡើងខ្សែក្រវាត់ដោយជោគជ័យ…
រាជធានីភ្នំពេញ ៖ កាលពីចុងសបា្តហ៍កន្លងមកនេះ សាលារៀនវ៉េស្ទឡាញន៍ និងសាលារៀនណត្សឡាញន៍បានរៀបចំកម្មវិធីប្រឡងដំឡើងខ្សែរក្រវាត់សម្រាប់សិស្សគុនតៃក្វាន់ដូប្រចាំសិក្សា ២០២៣-២០២៤ ហើយជាលទ្ធផលសិស្សគុនចំនួន ៨៤ រូប បានទទួលការដំឡើងខ្សែក្រវាត់ដោយជោគជ័យ ។
លោក ទុំ តុលា នាយកកម្មវិធីបំណិនជីវិត នៃបណ្តាញគ្រឹះស្ថានអប់រំ វេសឡាញ អេខ្យូខេសិន គ្រុប បានណែនាំដល់សិស្សានុសិស្សត្រូវខិតខំហ្វឹកហាត់កីឡា ដើម្បីទទួលបានូវសុខភាពល្អ វិន័យផ្ទាល់ខ្លួនល្អ កិត្តិយស សេចក្តីថ្លៃថ្នូរ សាមគ្គីភាព និងគេចផុតពីគ្រឿងញៀ.ន ។ លោកបានបញ្ចាក់ថា ក្រៅពីផ្តល់ការសិក្សា សាលារៀនក៏បន្ថែមកម្មវិធី កីឡា សិល្បៈ របាំ គំនូរ និងតន្ត្រីនៅចុងសប្តាហ៍ ដើម្បីពង្រឹងកាយសម្បទាឲ្យបានរឹងមាំ ស្វាហាប់ និងមានសុខភាពល្អ និងក្នុងបំណងឲ្យសិស្សទទួលបានជំនាញផ្សេងៗ ក៏ដូចជាកាត់បន្ថយការតានតឹងផ្នែកអារម្មណ៍ ។ លើសពីនេះ សាលាបានផ្តល់នូវបំណិនថ្មីៗ ក្នុងនោះមានដូចជា ភាពជាអ្នកដឹកនាំ ហិរញ្ញវត្ថុនិងសហគ្រិនភាព បំណិនបច្ចេកវិទ្យាឌីជីថល ដើម្បីឆ្លើយតបនឹងទីផ្សារការងារនៅពេលអនាគត ។
លោកបានថ្លែអរគុណចំពោះគណៈនាយក លោកគ្រូ អ្នកគ្រូសាលារៀនវ៉េស្ទឡាញន៍ និងណត្សឡាញន៍ គ្រប់សាខា ព្រមទាំងសិស្សានុសិស្សដែលបានខិតខំព្យាយាមសិក្សារៀនសូត្រ និងហ្វឹកហាត់ដោយយកអស់កម្លាំងកាយចិត្តរហូតឈានដល់ការប្រឡងដំឡើងខ្សែក្រវាត់សិស្សគុននាឱកាសនេះ ។ គួរបញ្ជាក់ថាសិស្សគុនចួលរួមប្រឡងមានអាយុចន្លោះពី ៩ ដល់ ១៩ ឆ្នាំមកពី ១០ សាខានៃសាលារៀនវ៉េស្ទឡាញន៍និងណត្សឡាញន៍សរុបចំនួន ១០៥ នាក់ ៕ អត្ថបទសហការ
ចែករំលែកព័តមាននេះ