ខេត្តកំពង់ធំ៖ លោកជំទាវបណ្ឌិត ជាសិរី សមាជិកគណៈអចិន្ត្រៃយ៍ គណៈកម្មាធិការកណ្តាលគណបក្សប្រជាជនកម្ពុជា និងជាប្រធានក្រុមការងារគណបក្ស ចុះមូលដ្ឋាន ស្រុកសន្ទុក កាលពីថ្ងៃទី២០ ខែកក្កដា ឆ្នាំ២០២៤ បាននាំយកទៀនព្រះវស្សា ទេយ្យវត្ថុ និង ព្រមទាំងបច្ច័យដែលជាទឹកចិត្តប្រកបដោយសុទ្ធាជ្រះថ្លា របស់ឯកឧត្តម ជា ចាន់តូ និងលោក ជំទាវ ខៀវ ស៊ីណាទៅប្រគេនព្រះសង្ឃគង់ចាំព្រះវស្សាដល់វត្តចំនួន ៦៦ វត្តស្ថិតក្នុងស្រុកសន្ទុក ខេត្តកំពង់ធំ ។
សូមបញ្ជាក់ថា ពិធីចូលព្រះវស្សានេះ ត្រូវបានប្រជាជនកម្ពុជា គោរពប្រតិបត្តិធ្វើជារៀងរាល់ឆ្នាំ តាមទំនៀមទម្លាប់ប្រពៃណីព្រះពុទ្ធសាសនា ។ ហើយសម្រាប់ឆ្នាំ២០២៤ នេះពិធីចូលព្រះវស្សាគឺប្រព្រឹត្តិទៅ ត្រូវថ្ងៃអាទិត្យ១រោច ខែអាសាឍ ឆ្នាំរោង ឆស័ក ព.ស. ២៥៦៨ ត្រូវនឹង ថ្ងៃទី២១ ខែកក្កដា ឆ្នាំ២០២៤ ។
នៅក្នុងឱកាសអញ្ជើញប្រគេនទៀនព្រះវស្សា ទេយ្យវត្ថុនិង បច្ច័យទៅប្រគេនដល់វត្តចំនួន ៦៦ ក្នុងស្រុកសន្ទុក ខេត្តកំពង់ធំ នោះលោកជំទាវបណ្ឌិត ជា សិរី បានជម្រាបពីការផ្ដាំផ្ញើសាកសួសុខទុក្ខ ពីសំណាក់ឯកឧត្តម ជា ចាន់តូ ទេសាភិបាលកិត្តិយសធនាគារជាតិនៃកម្ពុជា និងជាអ្នកតំណាងរាស្ត្រមណ្ឌលកំពង់ធំនិង លោកជំទាវ ខៀវ ស៊ីណា ប្រគេនដល់ព្រះសង្ឃគ្រប់ៗព្រះអង្គ ក៏ដូច លោកយាយលោកតាចាស់ព្រឹទ្ធាចារ្យ តាមអារាមទាំងអស់ទូទាំងស្រុក ដោយក្ដីគោរពនិងនឹករលឹកបំផុត ។
លោកជំទាវបណ្ឌិតបានបញ្ជាក់ដែរថា៖ មិនថាបុណ្យទានជាប្រពៃណីជាតិ និងការងារមនុស្សធ៌ម រួមទាំងការកសាងរាល់សមិទ្ធផលនានាក្នុងស្រុកសន្ទុកកន្លងមកនេះលោកទាំង ២ បានខិតខំកសាងបានច្រើនសន្ធឹកសន្ធាប់ទាំងក្នុងវិស័យពុទ្ធចក្រនិងអាណាចក្រ ។
ក្នុងឱកាសនោះដែរលោកជំទាវបណ្ឌិត ជា សិរី ក៏បញ្ជាក់ដែរថា៖ តាមរយៈបុណ្យកុសលដែលកើតចេញ
នាពេលនេះ លោកជំទាវបណ្ឌិតក៏បានឧទ្ទិសជូនដល់ជីដូន ជីតាមាតា បិតា និងញ្ញាត្តិតិការទាំង ៧សណ្ដាន បានចែកឋាននោះមួយចំណែក ហើយមួយចំណែកទៀត គឺឧទ្ទិសជូនចំពោះដល់ឌួងវិញ្ញាណនៃវិរៈយុទ្ធជន យុទ្ធនារី ស្នេហាជាតិគ្រប់ៗជំនាន់ ដែលបានបូជាអាយុ ជីវិតដើម្បីបុព្វហេតុជាតិមាតុភូមិ និង ប្រជាជានកម្ពុជា ដែលស្លា.ប់បាត់បង់ជីវិត ក្នុងបរបប្រល័យពូជសាសន៏ ប៉ុល ពត នោះផងដែរ ។
ទៀនព្រះវស្សា ទេយ្យវត្ថុ និងបច្ច័យសរុបប្រមាណជាង ១០០ លានរៀល ត្រូវបានវេប្រគេនដល់ព្រះសង្ឃដែលគង់ចាំព្រះវស្សា អស់កាលត្រីមាសសម្រាប់វត្តទាំង ៦៦ ក្នុងស្រុកសន្ទុកនាពេលនោះ ក្នុងវត្តនីមួយៗ រួមមាន៖ ទៀនព្រះវស្សា១គូរ, អង្ករ, មីត្រីខ, ទឹកដោះគោ, ទឹកសុទ្ធ ទឹកក្រូច, ទឹកត្រី, ទឹកស៊ីអ៊ីវ, អំបិល, ប៊ីចេង, តែ, កាហ្វេ និង បច្ច័យមួយចំនួនផងដែរ ៕ អត្ថបទសហការ
ចែករំលែកព័តមាននេះ