រាជធានីភ្នំពេញ​ ៖ អាជ្ញាធរ​ពាក់ព័ន្ធ​រំពឹង​ថា វិស័យ​ទេសចរណ៍​ក្នុង​តំបន់​នឹង​មានការ​កើនឡើង តាម​រយៈ​ការ​ខិតខំ​បង្កើន​គោលដៅ​ទេសចរណ៍ និង​បង្កើត​ព្រឹត្តិការណ៍​ជា​ច្រើន តួយ៉ាង​ដូច​ជា​ការ​រៀបចំ​ព្រឹត្តិការណ៍ Big Bike Meeting Elite Night-​វរៈជន​ម៉ូតូ​ធំ នៅ​ទឹកដី​ខេត្តសៀមរាប​នេះ​ជាដើម ​។ ភាព​ជោគជ័យ​នេះ ក៏​ត្រូវ​តែ​មានការ​ចូលរួម​ចំណែក​ពី​វិស័យ​ឯកជន​ផង​ដែរ ហេតុ​ដូច្នេះ​ហើយ ទើប​ក្រុមហ៊ុន​ផលិត​ភេសជ្ជៈ «Made in Cambodia» ស្តង់ដារ​ពិភពលោក ខ្មែរ ប៊ែ​វើ​រី​ជី​ស ធ្វើការ​ឧបត្ថម្ភ​ផ្ដាច់មុខ​ព្រឹត្តិការណ៍​ខាងលើ​នេះ​ ។

ខ្មែរ ប៊ែ​វើ​រី​ជី​ស ជា​ក្រុមហ៊ុន​ផលិត​ភេសជ្ជៈ​ឈានមុខ​គេ​នៅ​កម្ពុជា បាន​ចូលរួម​លើកកម្ពស់​វិស័យ​ទេសចរណ៍ តាម​រយៈ​ការ​ជ្រោមជ្រែង​ឧបត្ថម្ភ​ផ្ដាច់មុខ​ព្រឹត្តិការណ៍ Big Bike Meeting Elite Night ដែល​ជា​ព្រឹត្តិការណ៍​ដាក់​តាំង​ម៉ូតូ​ធំ​ស៊េរី​ទំនើប​ៗ​តម្រៀប​ជា​ជួរ​រាប់រយ​គ្រឿង ដោយ​ក្នុង​នោះ​មាន​ផលិតផល ភេសជ្ជៈ​ប៉ូវ​កម្លាំង WURKZ, ភេសជ្ជៈ EXPREZ រសជាតិ​ស្ត្រ​ប៊ែ​រី និង CAMBODIA BEER​។ ការ​ឧបត្ថម្ភ​ព្រឹត្តិការណ៍​នេះ គឺ​ក្នុង​គោលបំណង​ចូលរួម​ជំរុញ​ចលនា​ទេសចរណ៍​ក្នុងស្រុក និង​ចូលរួម​ចំណែក​ផ្សព្វផ្សាយ​សក្ដានុពល​វិស័យ​ទេសចរណ៍​កម្ពុជា ជា​ពិសេស​ក្នុង​ខេត្តសៀមរាប ដើម្បី​ទាក់ទាញ​ភ្ញៀវ​ទេសចរ​ជាតិ និង​អន្តរជាតិ​ឱ្យមក​ទស្សនា​ទឹកដី​អង្គរ​ដ៏​ពិសិដ្ឋ​នៃ​កម្ពុជា ​។

គួរ​បញ្ជាក់​ដែរ​ថា ក្រុមហ៊ុន ខ្មែរ ប៊ែ​វើ​រី​ជី​ស ជា​រោងចក្រ​ឈានមុខ​គេ​នៅ​កម្ពុជា វិនិយោគ​ដោយ​សហគ្រិន​ខ្មែរ​១០០% ផលិត​នូវ​ផលិតផល «Made in Cambodia» ស្តង់ដារ​គុណភាព​ខ្ពស់​កម្រិត​ពិភពលោក​។ ខ្មែរ ប៊ែ​វើ​រី​ជី​ស ទទួល​បាន​នូវ​មេដាយមាស Monde Selection ៣៧​គ្រឿង ច្រើន​ជាងគេ​បំផុត​នៅ​កម្ពុជា ពី​ស្ថាប័ន​អន្តរជាតិ​បញ្ជាក់​ពី​គុណភាព​ផលិតផល​, វិញ្ញាបនបត្រ ISO 9001 បញ្ជាក់​ពី​ប្រព័ន្ធ​គ្រប់គ្រង​គុណភាព​, វិញ្ញាបនបត្រ ISO 14001 បញ្ជាក់​ពី​ប្រព័ន្ធ​គ្រប់គ្រង​បរិស្ថាន ព្រមទាំង​ទទួល​បាន​ពានរង្វាន់​គ្រប់គ្រង​ច្រវាក់​ផលិតកម្ម​លំដាប់​ពិភពលោក (World Class Operation Management) ៕ អត្ថបទសហការ