រាជធានីភ្នំពេញ ៖ ជម្លោះអាចកើតឡើងគ្រប់ក្រុមគ្រួសារ ។ ខណៈពេលដែលវាជារឿងធម្មតា ហើយវាក៏ជាការសំខាន់ផងដែរក្នុងការដោះស្រាយជម្លោះតាមរបៀបដែលមានសុខភាពល្អ ។ ប្រសិនបើអ្នករកឃើញថា ការជជែកគ្នា ការដោះស្រាយបញ្ហាក្នុងគ្រួសារនាំឱ្យមានការស្រែក…
រាជធានីភ្នំពេញ ៖ ជម្លោះអាចកើតឡើងគ្រប់ក្រុមគ្រួសារ ។ ខណៈពេលដែលវាជារឿងធម្មតា ហើយវាក៏ជាការសំខាន់ផងដែរក្នុងការដោះស្រាយជម្លោះតាមរបៀបដែលមានសុខភាពល្អ ។ ប្រសិនបើអ្នករកឃើញថា ការជជែកគ្នា ការដោះស្រាយបញ្ហាក្នុងគ្រួសារនាំឱ្យមានការស្រែក ទ្រគោះបោះបោក វាដល់ពេលដែលអ្នកគួរវាយតម្លៃលើវិធីសាស្ត្រទំនាក់ទំនងរបស់អ្នកហើយ ។ ការស្តីបន្ទោសបែបនេះនឹងជំរុញឱ្យមានភាពតានតឹង ជំនួសឱ្យការស្វែងរកដំណោះស្រាយចំពោះបញ្ហា ។
១. ការប្រាស្រ័យទាក់ទងដោយគ្មានកំហុស ៖ ការប្រាស្រ័យទាក់ទងល្អ គឺជាមូលដ្ឋានគ្រឹះនៃទំនាក់ទំនងដែលមានសុខភាពល្អ ។ នៅពេលដែលអ្នកអាចទំនាក់ទំនងប្រកបដោយប្រសិទ្ធភាព អ្នកបង្កើតទំនុកចិត្ត និងទទួលបានការគាំទ្រពីភាគីម្ខាងទៀត ។
២. ប្រើពាក្យ «ខ្ញុំ» ៖ ពាក្យ «ខ្ញុំ» ផ្តោតលើអារម្មណ៍ ឬជំនឿរបស់អ្នក ជាជាងការគិត ឬការចង្អុលបញ្ហាទៅកូនរបស់អ្នក ។ ឧទាហរណ៍ ប្រសិនបើក្មេងជំទង់របស់អ្នកមិនសម្អាតបន្ទប់ បន្ទាប់ពីអ្នកប្រាប់ច្រើនដង ជំនួសឱ្យការនិយាយថា កូនមិនទាន់បានសម្អាតបន្ទប់ទេ កូនមិនទទួលខុសត្រូវខ្លាំងណាស់ អ្នកអាចសាកល្បងនិយាថា ប៉ាមានអារម្មណ៍ថា កូនមិនគោរពប៉ា ពេលដែលប៉ាប្រាប់កូនច្រើនដងឱ្យសម្អាតបន្ទប់ ។
៣. ទទួលខុសត្រូវ ៖ ពេលប្រកែកគ្នា នរណាក៏ចង់ត្រូវ និងការពារខ្លួនឯងដែរ សូម្បីតែឪពុកម្តាយ ។ យ៉ាងណាមិញ ក្នុងជម្លោះភាគច្រើនកំហុសគឺមានទាំងសងខាង ។ ជំនួសឱ្យការស្តីបន្ទោសទាំងអស់ទៅលើអ្នកដ៏ទៃតែម្ខាង សូមចំណាយពេលបន្តិចដើម្បីគិតអំពីរបៀបដែលសកម្មភាព ឬអាកប្បកិរិយារបស់អ្នកអាចរួមចំណែកដល់ជម្លោះ ។ សូមទទួលស្គាល់កំហុសរបស់អ្នកផងដែរ ទោះបីជាអ្នកជាឪពុកម្តាយក៏ដោយ ។
៤. ដោះស្រាយជម្លោះ ជាមួយនឹងអាកប្បកិរិយាដោះស្រាយបញ្ហា ៖ ជំនួសឱ្យការផ្តោតលើរបៀបដែលអ្នកត្រឹមត្រូវ ហើយក្មេងជំទង់របស់អ្នកខុសអំឡុងពេលមានជម្លោះ ចូរគិតអំពីរបៀបដែលអ្នកអាចរកដំណោះស្រាយបញ្ហាបាន ។ បើអ្នកចាំតែស្វែងរកអ្នកខុស និងអ្នកត្រូវ វាគ្មានកន្លែងសម្រាប់ឈានទៅមុខ ដើម្បីស្វែងរកដំណោះស្រាយឡើយ ។
៥. សម្រាកបន្តិច ៖ មិនមែនរាល់ជម្លោះនឹងត្រូវបានដោះស្រាយក្នុងពេលបច្ចុប្បន្ន ឬភ្លាមៗនោះទេ ។ ប្រសិនបើអារម្មណ៍ភាគីទាំងសងខាងកើនឡើងខ្លាំង ហើយមនុស្សម្នាក់កំពុងបន្ទោសមនុស្សម្ខាងទៀត សូមសម្រាក ដកឃ្លាសិន ហើយត្រលប់មកការសន្ទនាវិញ នៅពេលដែលមនុស្សគ្រប់គ្នាមានអារម្មណ៍ស្ងប់ស្ងាត់ និងត្រៀមខ្លួនដើម្បីស្វែងរកដំណោះស្រាយ ។
៦. ស្វែងរកជំនួយ ៖ ទោះបីជាវាពិតជាល្អណាស់ក្នុងការដោះស្រាយបញ្ហាទាំងអស់របស់យើងដោយខ្លួនឯង វាអាចមានពេលខ្លះដែលអ្នកត្រូវការស្វែងរកជំនួយពីខាងក្រៅ ។ ប្រសិនបើគ្រួសាររបស់អ្នកមិនអាចដោះស្រាយជម្លោះ ហើយអ្នករកឃើញថា ខ្លួនអ្នកស្ថិតនៅក្នុងវដ្តនៃការឈ្លោះប្រកែក និងការស្តីបន្ទោស នោះអ្នកប្រឹក្សាយោបល់គ្រួសារអាចជួយអ្នកបាន ។ អ្នកជំនាញផ្នែកសុខភាពផ្លូវចិត្តដែលបានទទួលការបណ្តុះបណ្តាលអាចជួយគ្រួសាររបស់អ្នកកំណត់តំបន់ជម្លោះ និងធ្វើការជាមួយអ្នក ដើម្បីបង្កើតជំនាញទំនាក់ទំនងដែលមានសុខភាពល្អ ដើម្បីដោះស្រាយបញ្ហាទាំងនោះនាពេលអនាគតថែមទៀតផង ៕ ប្រភព ៖ solsticertc
អត្ថបទនេះផលិតឡើងក្រោមកិច្ចសហប្រតិបត្តិការជាមួយសាលារៀនវ៉េស្ទឡាញន៍ និងសាលារៀនណត្សឡាញន៍ ។ អបអរសាទរ បវេសនកាលឆ្នាំសិក្សាថ្មី សម្រាប់កម្មវិធីមត្តេយ្យភាសាខ្មែរ និងអង់គ្លេស កម្មវិធីភាសាអង់គ្លេសសម្រាប់កុមារ កម្មវិធីភាសាអង់គ្លេសសម្រាប់សិស្សធំ និងកម្មវិធីភាសចិន ចូលរៀនថ្ងៃទី ១ ខែសីហា ឆ្នាំ ២០២៤ ។ កម្មវិធីចំណេះទូទៅខ្មែរ ពីថ្នាក់ទី ១ ដល់ទី ១២ ចូលរៀនថ្ងៃទី ២៦ ខែសីហា ឆ្នាំ ២០២៤ ។ សាលារៀនផ្តល់ជូនកញ្ចប់សិក្សាសម្រាប់គ្រួសារ (ការធានារ៉ាប់រងគ្រោះថ្នាក់បុត្រធីតា និងការការពារការសិក្សាបុត្រធីតារហូតដល់ ៥ ឆ្នាំ) និងអាហាររូបករណ៍រហូតដល់ ៣០% លើតម្លៃសិក្សា សម្រាប់ការចុះឈ្មោះចូលរៀនត្រឹមថ្ងៃទី ៣១ ខែកក្កដា (សម្រាប់មត្តេយ្យ អង់គ្លេស និងចិន) និងថ្ងៃទី ២៥ ខែសីហា (ចំណេះទូទៅខ្មែរ) ។ សាលារៀនចាប់ទទួលចុះឈ្មោះសិស្សចូលរៀងរាល់ថ្ងៃ ។ សម្រាប់ព័ត៌មានបន្ថែម សូមទំនាក់ទំនងទូរស័ព្ទលេខ ៖ ០៩២ ៨៨៨ ៤៩៩ / ០១៥ ៨០៥ ១២៣ ៕
ចែករំលែកព័តមាននេះ