សិស្សសាលារៀនវ៉េស្ទឡាញន៍ សាខាច្បារអំពៅ ២២ នាក់ ទស្សនកិច្ចសិក្សាពីសង្វាក់ផលិតកម្ម
រាជធានីភ្នំពេញ ៖ នៅថ្ងៃទី ២០ ខែមិថុនា ឆ្នាំ ២០២៤ កន្លងមកនេះ សិស្សសាលារៀនវ៉េស្ទឡាញន៍ សាខាច្បារអំពៅចំនួន…
រាជធានីភ្នំពេញ ៖ នៅថ្ងៃទី ២០ ខែមិថុនា ឆ្នាំ ២០២៤ កន្លងមកនេះ សិស្សសាលារៀនវ៉េស្ទឡាញន៍ សាខាច្បារអំពៅចំនួន ២២ នាក់ បានទស្សនកិច្ចឈ្វេងយល់ពីសង្វាក់ផលិតកម្ម វិធីសាស្ត្រគ្រប់គ្រងបុគ្គលិក និងយុទ្ធសាស្ត្រទីផ្សារ និងការលក់របស់សិប្បកម្មធ្វើផលិតផលអាលុយមីញ៉ូម អង្គរធំ ដែលស្ថិតនៅ ភូមិតាង៉ៅកណ្តាល សង្កាត់និរោធ ខណ្ឌច្បារអំពៅ ។
ទស្សនកិច្ចសិក្សានេះ គឺផ្នែកមួយនៃកម្មវិធីសិក្សាតាមបែបសហគមន៍ដែលផ្សារភ្ជាប់ទ្រឹស្តីទៅនឹងការអនុវត្តជាក់ស្តែង ហើយក៏ផ្តល់ឱកាសដល់សិស្សានុសិស្សទទួលបានចំណេះដឹង និងបទពិសោធថ្មីៗ ពីម្ចាស់សហគ្រាសផ្ទាល់ លើការគ្រប់គ្រងអាជីវកម្ម និងដំណើរការសង្វាក់ផលិតកម្មផងដែរ ។
លើសពីនេះ ប្អូនៗសិស្សានុសិស្សយល់ដឹងកាន់តែច្បាស់បន្ថែមទៀតពាក់ព័ន្ធនឹងសហគ្រិនភាព ដែលអាចមើលឃើញនូវឪកាស ក្នុងការច្នៃប្រឌិត ឬធ្វើនវានុវត្តន៍នូវដំណោះស្រាយអ្វីមួយដែលអាចបង្កើតតម្លៃបន្ថែមដល់ទីផ្សារ ៕ អត្ថបទសហការ
ចែករំលែកព័តមាននេះ