ការយកចិត្តទុកដាក់លើសុខភាពរបស់អ្នកសិក្សា គឺជារឿងសំខាន់ណាស់ ជាពិសេសកំឡុងពេលរដូវក្ដៅនេះ ។ ទន្ទឹមនឹងនេះផងដែរ គណៈគ្រប់គ្រងសាលាបានពិនិត្យតាមដានលើការថែទាំកុមារជាប្រចាំ ហើយនៅសាលាផ្ទាល់ក៏មានគ្រូពេទ្យប្រចាំការដើម្បី ពិនិត្យសុខភាពរបស់កុមារនៅពេលដែលមានអ្វីមិនប្រក្រតី ។ សាលាក៏មានទំនាក់ទំនងយ៉ាងកៀកជាមួយមាតាបិតាសិស្សក្នុងការផ្ដល់ព័ត៌មានឆាប់រហ័សពីបញ្ហាសុខភាពរបស់ បុត្រធីតារបស់ពួកគាត់ និងការតាមដានបន្ត ។
ពេលថ្មីៗនេះសាលាបានសហការជាមួយមន្ទីរពេទ្យអឃីត “Orchid Hospital” និងក្រុមហ៊ុនធានារ៉ាប់រងអាយុជីវិត និងសុខភាព “AIA Cambodia” ដើម្បីធ្វើបទបង្ហាញលើការថែទាំសុខភាពដល់សិស្សានុសិស្ស និងអ្នកអាណាព្យាបាល ។ ជាមួយគ្នានេះដែរ ក៏មានការផ្ដល់ជូនការពិគ្រោះយោបល់ និងការពិនិត្យសុខភាពដល់សិស្សានុសិស្សផងដែរ ។
សាលាអន្តរជាតិ ហ្វររ៉េសហៀល ជាគ្រឹះស្ថានអប់រំមួយដែលតែងតែយកចិត្តទុកដាក់ ខ្ពស់លើសុខភាពរបស់អ្នកសិក្សា ។ បន្ថែមលើការផ្ដល់សេវាកម្មអប់រំស្តង់ដារអន្តរជាតិ សាលាក៏ផ្ដល់ជូនការថែទាំសុខភាពសិស្សានុសិស្សរបស់ខ្លួនផងដែរ ជាពិសេសកំឡុងពេលរដូវក្ដៅនេះដែលកុមារតូចៗងាយជួបប្រទះនឹងបញ្ហាសុខភាព ប្រសិនបើមិនមានការមើលថែទាំបានល្អនោះទេ ។ ដូច្នេះហើយ សាលាតែងតែផ្ដល់អាទិភាពខ្ពស់លើការគាំពារលើសុខភាពរបស់កុមារ ។ កុមារដែលមានសុខភាពល្អនឹងមានការរីកចម្រើនបានឆាប់រហ័សទាំងផ្នែករូបរាងកាយ និងផ្នែកបញ្ញាស្មារតី ៕ អត្ថបទសហការ
ចែករំលែកព័តមាននេះ