ADផ្ទាំងផ្សព្វផ្សាយពាណិជ្ជកម្ម

CEO ក្រុមហ៊ុន GenMusix ប្រាប់ពីចំណុចខ្លាំងៗ នៃផលិតកម្មថ្មីរបស់ខ្លួន ត្រៀមវាយលុកចូលទីផ្សារ (វីដេអូ)

2 ឆ្នាំ មុន

២០ ខែ កញ្ញា ឆ្នាំ ២០២៣ ម៉ោង ១១:៥២

រាជធានីភ្នំពេញ៖ GenMusix ជាក្រុមហ៊ុនតន្ត្រីដ៏ថ្មីសន្លាងមួយ បានប្រកាសសម្ពោធជាផ្លូវការ កាលពីថ្ងៃទី ១៩ ខែកញ្ញា ឆ្នាំ ២០២៣ នេះ…

រាជធានីភ្នំពេញ៖ GenMusix ជាក្រុមហ៊ុនតន្ត្រីដ៏ថ្មីសន្លាងមួយ បានប្រកាសសម្ពោធជាផ្លូវការ កាលពីថ្ងៃទី ១៩ ខែកញ្ញា ឆ្នាំ ២០២៣ នេះ ក្រោមវត្តមាននាយិកាប្រតិបត្តិ និងភ្ញៀវកិត្តិយសជាច្រើនរូប ដែលកម្មវិធីដ៏ពិសេសនេះ បានប្រព្រឹត្តិទៅនៅសណ្ឋាគារ Hyatt Regency Phnom Penh ។ នេះជាការបើកទំព័រប្រវត្តិសាស្ត្រថ្មីមួយទៀត ក្នុងវិស័យតន្ត្រីក្នុងប្រទេសកម្ពុជា ជាសញ្ញាណនាំមកនូវភាពរីករាយ ការកម្សាន្តអារម្មណ៍ដ៏សម្បូរបែប តាមរយៈការផលិតនូវបទចម្រៀងរសជាតិថ្មី ដ៏មានគុណភាព ពីផលិតកម្មដ៏ធំ និងថ្មីថ្មោងមួយនេះ ។

ថ្លែងនៅក្នុងពិធីសម្ពោធក្រុមហ៊ុន GenMusix ដែលជាបុត្រសម្ព័ន្ធក្រុមហ៊ុនតន្ត្រីខ្នាតយក្ស ហង្សមាស លោកស្រី អ៊ឹង គីមលាង ដែលជានាយិកាប្រតិបត្តិ បានថ្លែងពីគោលបំណង នៃការបង្កើតផលិតកម្មថ្មីមួយនេះ ព្រមទាំងបង្ហើបខ្លះៗពីចំណុចខ្លាំងៗ ដែលអាចនាំឱ្យក្រុមហ៊ុនតន្ត្រីរបស់ខ្លួន អាចប្រកួតប្រជែងនៅលើទីផ្សារអន្តរជាតិបាន ។

លោកស្រី អ៊ឹង គីមលាង ថ្លែងថា ៖ «GENMUSIX ត្រូវបានបង្កើតឡើង ក្រោមគំនិតផ្ដួចផ្ដើម និងការគាំទ្រយ៉ាងពេញទំហឹង ពីគណៈគ្រប់គ្រង និងបុគ្គលិកគ្រប់ជាន់ថ្នាក់ ហើយបេសកកម្មនៃក្រុមហ៊ុន GENMUSIX គឺ “ការផលិតតន្ត្រីគុណភាពស្តង់ដារអន្តរជាតិ”» ។

លោកស្រីនាយិកាថ្លែងបន្តថា ទស្សនវិស័យរបស់ GenMusix គឺ៖ «ផ្តល់នូវវេទិកាលំដាប់ថ្នាក់ពិភពលោកសម្រាប់វិស័យតន្ត្រីនៃប្រជាជនកម្ពុជា”។ ចំណុចនេះអាចចាត់ទុកថា ជាការបោះជំហានដ៏ធំមួយសម្រាប់វិស័យតន្ត្រីក្នុងប្រទេសកម្ពុជា ដែលមិនមែនសម្រាប់តែការប្រកួតប្រជែងក្នុងស្រុកនោះទេ ប៉ុន្តែជាការបោះទុន ឆ្ពោះទៅកាន់លំដាប់ថ្នាក់ពិភពលោក ។ អ្វីដែលកាន់តែគួរឱ្យចាប់អារម្មណ៍ខ្លាំងជាងនេះ ចំពោះផលិតកម្មថ្មីមួយនេះ គឺមិនមែនគ្រាន់តែផលិតតន្ត្រី ដើម្បីកម្សាន្តអារម្មណ៍ប៉ុណ្ណោះទេ តែបើតាមការឱ្យដឹងពីលោកស្រី អ៊ឹង គីមលាង ក្រុមហ៊ុនតន្ត្រីរបស់ខ្លួនមានគុណតម្លៃដ៏ពិសេសគឺ «ជំរុញទឹកចិត្តមនុស្សតាមរយៈតន្ត្រី» ។

លោកស្រីនាយិកាបន្តទៀតថា ជាមួយនឹងការយល់ដឹងយ៉ាងជ្រាលជ្រៅរបស់ក្រុមហ៊ុន អំពីថាមពល និងសក្ដានុពលនៃតន្ត្រី លោកស្រីធានាថារាល់ផលិតផល ឬកិច្ចខិតខំប្រឹងប្រែងដែលរបស់ក្រុមការងារ សិល្បករ-សិល្បការិនីនឺងបង្កើតផលជាវិជ្ជមាន ដល់សង្គម និងជំរុញទឹកចិត្តទស្សនិកជនតាមរយៈសមិទ្ធផល´ផ្សេងៗជាច្រើន ។

គួរឱ្យដឹងថា Step និង SK នឹងក្លាយជាសមាជិកផ្លូវការដំបូងគេរបស់ផលិតកម្ម GenMusix ដែលពួកគេបានត្រៀមខ្លួនរួចជាស្រេចដើម្បីមកបំបែកកំណត់ត្រាក្នុងវិស័យតន្ត្រីនៅប្រទេសកម្ពុជា ៕ អត្ថបទសហការ