រាជធានីភ្នំពេញ, ថ្ងៃទី 17 ខែមីនា ឆ្នាំ 2023 ៖ ក្នុងនាមជាក្រុមហ៊ុនអភិវឌ្ឍន៍ឈានមុខគេ ក្នុងប្រទេសកម្ពុជា និងជាស្ថាប័នសំខាន់មួយរបស់ក្រុមហ៊ុន Prince Holding Group ដែលជាសម្ព័ន្ធក្រុមហ៊ុន ដែលមានវិសាលភាពអាជីវកម្មធំសម្បើម និងរីកចម្រើនបំផុតមួយនៅក្នុងប្រទេសកម្ពុជា ក្រុមហ៊ុន Prince Real Estate Group បានរៀបចំទទួលស្វាគមន៍គណៈប្រតិភូផ្នែកធុរកិច្ចអូស្ត្រាលី នៅទីស្នាក់ការកណ្តាលរបស់ខ្លួន ដើម្បីបង្ហាញនូវសក្តានុពលវិនិយោគរបស់កម្ពុជានាពេលថ្មីៗនេះ ។
លោក Kenneth Tang ប្រធាន AusCham Cambodia លោក Matthew Care សហស្ថាបនិក និងជានាយកប្រតិបត្តិនៃ DCG និងលោក Tom O’Sullivan នៃ realestate.com.kh បានធ្វើការស្វាគមន៍គណៈប្រតិភូនាថ្ងៃនោះ ដែលរួមមានស្ថាបនិក និងមន្ត្រីប្រតិបត្តិកម្រិត C មកពី Compass Education, Flooring Xtra, Chen Foods, Explorers Early Learning និង Amtrade International ។ល។
លោក Edward Lee នាយកប្រតិបត្តិនៃក្រុមហ៊ុន Prince Real Estate Group បានមានប្រសាសន៍ថា «ដោយសារការកើនឡើងនៃចំណាប់អារម្មណ៍របស់ប្រតិភូផ្នែកធុរកិច្ចអូស្ត្រាលី ក្នុងការស្វែងរកឱកាសវិនិយោគនៅក្នុងប្រទេសកម្ពុជា យើងបាននិងកំពុងរៀបចំផ្តល់ការគាំទ្រក្នុងការអភិវឌ្ឍវិស័យអចលនទ្រព្យ ម្ហូបអាហារនិងភេសជ្ជៈ និងការលក់រាយសម្រាប់ប្រតិភូផ្នែកធុរកិច្ចអូស្ត្រាលី ដែលកំពុងស្វែងរកការពង្រីកអាជីវកម្មនៅកម្ពុជា ។ លោក Lee បានបន្ថែមថា «យើងព្យាយាមរៀបចំទទួលស្វាគមន៍គណៈប្រតិភូផ្នែកធុរកិច្ចកាន់តែច្រើនពីតំបន់អាស៊ីប៉ាស៊ីហ្វិក ដើម្បីធ្វើជាសាក្សី និងចូលរួមនៅក្នុងគន្លងអភិវឌ្ឍន៍របស់ប្រទេសកម្ពុជា» ។
ចែករំលែកព័តមាននេះ