ADផ្ទាំងផ្សព្វផ្សាយពាណិជ្ជកម្ម

វិទ្យាស្ថាន​អភិវឌ្ឍ​វិស័យ​អប់រំ​ បានចូលរួម​ចំណែក​អភិវឌ្ឍ​ធនធានមនុស្ស​ លើ​ជំនាញ​ទន់​ជាង ​២៣០០​ នាក់​ សម្រាប់​ស្ថាប័ន​ជាង​ ៣០ ​ក្នុង​ឆ្នាំ​២០២២

1 អាទិត្យ មុន

រាជធានីភ្នំពេញ ៖ វិទ្យាស្ថាន​អភិវឌ្ឍ​វិស័យ​អប់រំ​បាន​ចូលរួម​ចំណែក​អភិវឌ្ឍ​ធនធាន​ជាង​ ២៣០០​ នាក់ សម្រាប់​ក្រុមហ៊ុន​ដៃគូ​ជាង ​៣០ ក្នុង​ឆ្នាំ ​២០២២ លើ​ជំនាញ​ទន់​មាន​ដូច​ជា​ការ​គ្រប់គ្រង​ធនធានមនុស្ស…

រាជធានីភ្នំពេញ ៖ វិទ្យាស្ថាន​អភិវឌ្ឍ​វិស័យ​អប់រំ​បាន​ចូលរួម​ចំណែក​អភិវឌ្ឍ​ធនធាន​ជាង​ ២៣០០​ នាក់ សម្រាប់​ក្រុមហ៊ុន​ដៃគូ​ជាង ​៣០ ក្នុង​ឆ្នាំ ​២០២២ លើ​ជំនាញ​ទន់​មាន​ដូច​ជា​ការ​គ្រប់គ្រង​ធនធានមនុស្ស គ្រប់គ្រង​ធុរៈកិច្ច ជំនាញ​ផ្នែក​លក់​និង​ទីផ្សារ ភាព​ជា​អ្នកដឹកនាំ គណនេយ្យ​ និង​ហិរញ្ញវត្ថុ ការ​គ្រប់គ្រង​គំរោង​ និង​ស្រាវជ្រាវ ការ​បណ្តុះបណ្តាល​និង​អភិវឌ្ឍ​បុគ្គលិក ​។ នេះ​ជា​ការ​លើក​ឡើង​របស់​លោក គុ​ជ សា​វាត នាយក​វិទ្យាស្ថាន​អភិវឌ្ឍ​វិស័យ​អប់រំ ក្នុង​ពិធី​ប្រកាស​ផែនការ​បណ្តុះបណ្តាល និង​អភិវឌ្ឍ​ឆ្នាំ ​២០២៣ និង​ពិធីជប់លៀង​ថ្លែងអំណរគុណ​ដៃគូ​អាជីវកម្ម កាលពី​ពេល​ថ្មី​កន្លង​មកនេះ ។

លោក​បាន​ថ្លែង​បន្ត​ទៀត​ថា កម្មវិធី​ខាងលើ​នេះ​រៀបចំ​ឡើង ​ក្នុង​គោលបំណង​ថ្លែងអំណរគុណ​ជា​ពិសេស​ដល់​ម្ចាស់​អាជីវកម្ម​ក្រុមហ៊ុន​ដៃគូ​ដែល​តែងតែ​គាំទ្រ​សេវា​បណ្តុះបណ្តាល​របស់​វិទ្យាស្ថាន​អភិវឌ្ឍ​វិស័យ​អប់រំ​ ក្នុង​រយៈពេល​ជា​ច្រើន​ឆ្នាំ​មក​ហើយ ​។

សូម​ជម្រាប​ថា វិទ្យាស្ថាន​អភិវឌ្ឍ​វិស័យ​អប់រំ ចាប់​ដំណើរការ​តាំងពី​ឆ្នាំ​ ២០០៨ ក្នុង​ការ​ផ្តល់​នូវ​សេវាកម្ម​អប់រំ សេវាកម្ម​ប្រឹក្សា​យោបល់ សេវាកម្ម​បណ្តុះបណ្តាល​ផ្នែក​ជំនួញ និង​សេវា​ស្រាវជ្រាវ ក្នុង​គោលបំណង​អភិវឌ្ឍ​សមត្ថភាព​របស់​បុគ្គលិក អ្នកគ្រប់គ្រង និង​អ្នកជំនួញ​នៅ​ក្នុង​ប្រទេស​កម្ពុជា វិទ្យាស្ថាន​បាន​ទទួល​នូវ​សិទ្ធ​ផ្តាច់មុខ​ក្នុង​ការ​ប្រើប្រាស់ និង​ចែកចាយ​នូវ​កម្មវិធី​អប់រំ “​ទម្លាប់​ទាំង​ ៧ របស់​បុគ្គល​ឆ្នើម​” នៃ​ក្រុមហ៊ុន Franklin Covey Education ផង​ដែរ ​។

ឆ្លៀត​ក្នុង​ឱកាស​នេះ​ដែរ វិទ្យាស្ថាន​បាន​រៀបចំ​ឲ្យ​មាន​សិក្ខាសាលា​មួយ​ក្នុង​ពេល​តំណាលគ្នា​ស្តី​ពី ”​ប្រកាស​ផែនការ​បណ្តុះបណ្តាល​និង​អភិវឌ្ឍ​ឆ្នាំ​ ២០២៣” ជូន​ដល់​ភ្ញៀ្ក​វ​កិត្តិយស​ដែល​បាន​ចូលរួម ដោយ​កម្មវិធី​សិក្ខាសាលា​នេះ ទទួល​បានការ​ចូលរួម​ពី​វាគ្មិន​កិត្តិយស​ជា​ច្រើន​រូប ដើម្បី​បង​ស្រាយ​ពី​ប្រធានបទ​ទាក់ទង​នឹង​ការ​អភិវឌ្ឍ​ធនធានមនុស្ស និង​វិធីសាស្ត្រ​ក្នុង​ការ​បណ្តុះបណ្តាល​បុគ្គលិក​ជំនាញ និង​ជំនាញ​ទន់​ក្នុង​ឆ្នាំ ​២០២៣​ ផង​ដែរ​ ៕ អត្ថបទសហការ

SEA Game 2023

ព្រឹត្តិការណ៍ស៊ីហ្គេម លើកទី៣២

SEA Game 2023