ទន្សាយនាំសំណាង ដល់បុរស ២០ នាក់នៅសៀមរាប ឈ្នះរង្វាន់ធំ ២ ម៉ឺនដុល្លារ
រាជធានីភ្នំពេញ៖ មិនទាន់ចូលឆ្នាំចិនស្រួលបួលផង ទន្សាយនាំសំណាងរបស់ Cambodia Beer បានពាំនាំរង្វាន់ធំលុយ ២ ម៉ឺនដុល្លារទៅឲ្យបុរសកំពូលសំណាង ២០ នាក់…
រាជធានីភ្នំពេញ៖ មិនទាន់ចូលឆ្នាំចិនស្រួលបួលផង ទន្សាយនាំសំណាងរបស់ Cambodia Beer បានពាំនាំរង្វាន់ធំលុយ ២ ម៉ឺនដុល្លារទៅឲ្យបុរសកំពូលសំណាង ២០ នាក់ រស់នៅក្នុងខេត្តសៀមរាប ពេលពួកគាត់ទិញអស់ ១២ កំប៉ុង មកពិសាជុំគ្នាក្រោយពីបង្ហើយការងារ ។
ហេងចូលហេង ពេលកំពុងពិសា Cambodia Beer ស្រាប់តែបងប្រុសឈ្មោះ ស៊ន់ សារុំ រស់នៅភូមិខ្នារចាស់ សង្កាត់ជ្រាវ ស្រុកសៀមរាប ខេត្តសៀមខេត្ត បានចាប់ចំកំប៉ុងមានរង្វាន់ធំលុយ ២ ម៉ឺនដុល្លារ ដែលជាកំប៉ុងមានការរចនាថ្មី សម្រាប់អបអរបុណ្យចូលឆ្នាំចិន ដោយមានការបញ្ចូលរូបទន្សាយនាំលាភនាំជ័យជូនដល់អតិថិជនខ្លួន ។
បងប្រុស ស៊ន់ សារុំ ដែលបច្ចុប្បន្នមានអាជីពជាអ្នកបើកឡានដឹកដី បានឱ្យដឹងថាក្រោយពីគាស់ឃើញ ២ ម៉ឺនដុល្លារ ភ្លាមគាត់ក៏បានទាក់ទងទៅម្ចាស់តូបលក់ Cambodia Beer ដើម្បីប្រាប់ពីដំណឹងហើយមួយរំពេចក្រោយមក ក្រុមការងាររបស់ក្រុមហ៊ុនក៏បានចុះមកដល់ទីតាំង ដែលគាត់ត្រូវរង្វាន់ភ្លាមៗតែម្តង ។
បងប្រុស ស៊ន់ សារុំ និងមិត្តរួមអាជីពទាំង ១៩ រូបទៀតបានស្រុះស្រួលគ្នា សម្រេចបែងចែករង្វាន់ធំលុយ ២ ម៉ឺនដុល្លារនេះជា ២០ ចំណែកដោយម្នាក់ៗ ទទួលបានទឹកប្រាក់ ១ ពាន់ដុល្លារ ។ ពិតជាគួរឲ្យសរសើរទឹកចិត្តរាប់អានគ្នា ដ៏ល្អរបស់បងប្រុសទាំង ២០ នាក់នេះណាស់ ។
តាងនាមឱ្យបុគ្គលសំណាងទាំង ២០ នាក់ បងប្រុស ស៊ន់ សារុំ បានសម្តែងអារម្មណ៍សប្បាយចិត្តឥតឧបមា ហើយបានពោលពាក្យថា៖ «ត្បិតតែលុយ ២ ម៉ឺនដុល្លារ ចែកគ្នា ២០ នាក់ ខ្ញុំសប្បាយចិត្តខ្លាំងព្រោះមានលុយសម្រាប់ក្រុមគ្រួសារចាយវាយ នាឱកាសចូលឆ្នាំចិនខាងមុខនេះ ហើយកាន់តែសប្បាយចិត្តខ្លាំង ព្រោះនៅសុខៗលុយក៏រត់ចូលមកឯងៗ» ។
គួរបញ្ជាក់ថា ទន្សាយនាំលាភនាំជ័យរបស់ Cambodia Beer កាលពីពេលថ្មីៗនេះក៏បានពាំនាំលុយ ២ ម៉ឺនដុល្លារ ជូនដល់បងប្រុសម្នាក់រស់នៅខេត្តកណ្តាលផងដែរ ។
តើអតិថិជនរបស់ Cambodia Beer រូបណានឹងទទួលបានលាភជ័យពីទន្សាយនាំសំណាង?
ពិសារដោយការទទួលខុសត្រូវ ៕ អត្ថបទសហការ
ចែករំលែកព័តមាននេះ