រាជធានីភ្នំពេញ ៖ បន្ទាប់ពីខកខានក្នុងការជួបជុំអតិថិជនអស់រយៈពេល ២ ឆ្នាំ ដោយសារតែកូវីដ១៩ ក្រុមហ៊ុន Professional Trader (…
រាជធានីភ្នំពេញ ៖ បន្ទាប់ពីខកខានក្នុងការជួបជុំអតិថិជនអស់រយៈពេល ២ ឆ្នាំ ដោយសារតែកូវីដ១៩ ក្រុមហ៊ុន Professional Trader ( Cambodia ) និងក្រុមហ៊ុន ENEOS (Thailand ) Ltd ដែលជាបុត្រសម្ព័ន្ធរបស់ក្រុមហ៊ុន ENEOS Corporation របស់ជប៉ុន បានសហការគ្នាក្នុងការរៀបចំនូវពិធីជួបជុំអតិថិជនរបស់ខ្លួននៅក្នុងប្រទេសកម្ពុជាឡើងវិញ និងមានភាពអធិកអធមជាងឆ្នាំមុនៗ ។ ពិធីជួបជុំអតិថិជននៅក្នុងឆ្នាំ ២០២២នេះបានធ្វើឡើងនៅមជ្ឈមណ្ឌលពិព័រណ៍និងសន្និបាត OCIC ជ្រោយចង្វារកាលពីល្ងាចថ្ងៃទី២៦ វិច្ឆិកា ២០២២កន្លងទៅនេះ ។
តាមសេចក្ដីប្រកាសព័ត៌មានរបស់ក្រុមហ៊ុន បានឱ្យដឹងថា នេះគឺជាការជួបជុំប្រចាំឆ្នាំលើកទី ៥ របស់ក្រុមហ៊ុន Professional Trader ( Cambodia ) បន្ទាប់ពីប្រតិបត្តិការលក់ផលិតផលប្រេងម៉ាស៊ីនម៉ាក ENOEOS អស់រយៈពេល ៧ ឆ្នាំកន្លងមក ហើយប្រារព្ធធ្វើឡើង ក្នុងគោលបំណងដើម្បីថ្លែងនូវសេចក្ដីអំណរគុណដល់ការគាំទ្ររបស់អតិថិជន ចំពោះប្រេងម៉ាស៊ីន ENOES នឹងផ្ដល់ឱកាសដល់អតិថិជន ដែលជាប្រតិបត្តិករទីផ្សារ ស្វែងយល់ឱ្យកាន់តែច្បាស់នូវលក្ខណៈស្ដង់ដារបច្ចេកទេស និងបទដ្ឋានប្រើប្រាស់របស់ផលិតផល ក៏ដូចជាបង្កើតឱ្យមានបរិយាកាស និងទំនាក់ទំនងស្និតស្នាលរវាងអតិថិជននិងអតិថិជន របស់ក្រុមហ៊ុនផងដែរ ។
នៅក្នុងសេចក្ដីប្រកាសព័ត៌មានដដែល បានឱ្យដឹងថា ក្រុមហ៊ុន Professional Trader (Cambodia ) បានទទួលសិទ្ធិចែកចាយផ្ដាច់មុខ នូវផលិតផលប្រេងម៉ាស៊ីនម៉ាក ENEOS សម្រាប់ទីផ្សារប្រទេសកម្ពុជា ពីក្រុមហ៊ុន ENEOS Corporation តាមរយៈក្រុមហ៊ុនបុត្រសម្ព័ន្ធប្រចាំតំបន់អាស៊ីអាគ្នេយ៍ ពីក្រុមហ៊ុន ENEOS (Thailand ) Ltd ។ ក្រុមហ៊ុន ENEOS Corpotation ជាក្រុមហ៊ុនដែលមានដើមកំណើត នៅក្នុងប្រទេសជប៉ុននិងបានកំពុងឈានមុខគេ ក្នុងទីផ្សារថាមពលនៅទូទាំងប្រទេសជប៉ុន ។
ផលិតផលប្រេងម៉ាស៊ីនម៉ាកនេះ មានវត្តមាននៅក្នុងទីផ្សារប្រទេសកម្ពុជា ចាប់តាំងពីដើមឆ្នាំ ២០១៦ និងបានកំពុងចែកចាយនៅទូទាំងប្រទេស តាមរយៈអតិថិជនលក់ដុំនិងលក់រាយ ជាង ១៥០០ កន្លែង ហើយបាននិងកំពុងផ្គត់ផ្គង់នូវ ផលិតផលជាច្រើនប្រភេទ ដែលរួមមាន ប្រេងម៉ាស៊ីន សម្រាប់ម៉ូតូធុនតូច ម៉ូតូស្ពតធុនធំ ម៉ូតូលេខស្វ័យប្រវត្តិប្រេងម៉ាស៊ីន ប្រេងប៉ុង ប្រេងប្រអប់លេខ សម្រាប់រថយន្តទេសចរណ៍ រថយន្តដឹកទំនិញធន់ស្រាល ធុនមធ្យម និងធន់ធ្ងន់ ព្រមទាំងប្រេងម៉ាស៊ីនគ្រប់ប្រភេទ សម្រាប់គ្រឿងចក្រធុនធ្ងន់ ដែលបម្រើឱ្យវិស័យសាធារណការ វិស័យកសិ ឧស្សាហកម្ម និងវិស័យសំណង់ ព្រមទាំងផលិតផលពាក់ព័ន្ធមួយចំនួនផ្សេងទៀត ។
សម្រាប់ឆ្នាំ ២០២២ នេះ ក្រុមហ៊ុនរំពឺងបង្កើនចំនួនអតិថិជនឱ្យបានដល់ទៅ ១៧០០ កន្លែង និងរំពឹងការលក់ឱ្យបានប្រមាណ ៦០០ តោន ។ កំណើនប្រតិបត្តិការនេះ នឹងបន្តជំរុញឱ្យកម្រិតអប្បរមាប្រមាណ ១៥ ភាគរយ ជារៀងរាល់ឆ្នាំ នាឆ្នាំបន្តបន្ទាប់ទៅមុខទៀត ។
អតិថិជនឬសាធារណជន មានចំងល់ពាក់ព័ន្ធនឹងប្រេងម៉ាស៊ីននេះ អាចទាក់ទងទៅលោក សូ សុខប៊ុនថេត នាយកប្រតិបត្តិក្រុមហ៊ុន Profession Trader ( Cambodia ) Co.,Ltd តាមរយៈលេខទូរស័ព្ទ 099 216 688 ឬទៅកាន់ក្រុមហ៊ុនផ្ទាល់នៅផ្ទះលេខ ៥២៧ ផ្លូវលំវត្តអង្គតាមិញ សង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ ៕ អត្ថបទសហការ
ចែករំលែកព័តមាននេះ