រាជធានីភ្នំពេញ ៖ ឪពុកម្តាយមួយចំនួនវាយកូនពេលកូនធ្វើខុស ។ ប៉ុន្តែតើមានវិធានការវិន័យផ្សេងទៀតដែលមានប្រសិទ្ធភាពជាងនេះដែរ ឬទេ ? វាជាការល្អណាស់ប្រសិនបើអ្នកកំពុងគិតអំពីវិធីសាស្ត្រផ្សេងទៀតចំពោះការដាក់វិន័យលើកូនៗ ។ ការវាយ…
រាជធានីភ្នំពេញ ៖ ឪពុកម្តាយមួយចំនួនវាយកូនពេលកូនធ្វើខុស ។ ប៉ុន្តែតើមានវិធានការវិន័យផ្សេងទៀតដែលមានប្រសិទ្ធភាពជាងនេះដែរ ឬទេ ? វាជាការល្អណាស់ប្រសិនបើអ្នកកំពុងគិតអំពីវិធីសាស្ត្រផ្សេងទៀតចំពោះការដាក់វិន័យលើកូនៗ ។ ការវាយ ឬការដាក់ទណ្ឌកម្មទៅលើកូនអាចធ្វើឱ្យកូនមានអារម្មណ៍មិនល្អ និងអាម៉ាស់ ។ វាអាចនាំឱ្យមានការកើនឡើងនូវភាពឆេវឆាវ បញ្ហាអាកប្បកិរិយា បញ្ហាផ្លូវចិត្ត និងការអាក់អន់ចិត្ត ព្រមទាំងប៉ះពាល់ដល់រាងកាយកូនផងដែរ ។ ការដាក់ទណ្ឌកម្ម ជាញឹកញាប់មិនអាចបង្រៀនមេរៀនល្អដល់កូនតាមដែលឪពុកម្តាយមានបំណងនោះទេ ហើយការស្រាវជ្រាវក៏បង្ហាញថា ក្នុងរយៈពេលវែងការដាក់ទណ្ឌកម្មនឹងមិនអាចកែលម្អអាកប្បកិរិយាមិនល្អរបស់កូនឡើយ ។
ការដាក់ទណ្ឌកម្មបង្រៀនកូនក្មេងថា ការឈ្លានពាន ការវា.យដំ ឬការដាក់ទណ្ឌកម្ម គឺជាការឆ្លើយតបដ៏មានប្រសិទ្ធភាពចំពោះអារម្មណ៍ខឹង ។ វាអាចធ្វើឱ្យពួកគេងាយនឹងវាយបងប្អូនបង្កើតមិត្តភ័ក្តិរបស់ពួកគេ និងអ្នកដទៃ ។ ម្យ៉ាងទៀតក្មេងខ្លះមានអាកប្បកិរិយាមិនសមរម្យ ដើម្បីទទួលបានការចាប់អារម្មណ៍ ។ ដូច្នេះការវាយគ្នាពិតជាអាចបង្កើតឥរិយាបទអវិជ្ជមានបាន ។ សម្រាប់ហេតុផលទាំងនេះ អ្នកជំនាញមិនណែនាំអោយប្រើការដាក់ទណ្ឌកម្មលើកូននោះទេ ។
មធ្យោបាយផ្សេងទៀតក្នុងការដាក់វិន័យដល់កុមារប្រកបដោយប្រសិទ្ធភាពរួមមាន ការអស់ពេល ការដកសិទ្ធិ ការធ្វើគំរូតាមអាកប្បកិរិយាសមរម្យ (ដូចជាការគ្រប់គ្រងខ្លួនឯង) និងការជួយកុមារឱ្យយល់អំពីទំនាក់ទំនងរវាងសកម្មភាព និងលទ្ធផល ។ ការអស់ពេលមានប្រយោជន៍សម្រាប់កុមារ និងឪពុកម្តាយរបស់ពួកគេ ។
ការឆ្លៀតពេលនៅឆ្ងាយពីកូននៅពេលកូនមានអាកប្បកិរិយាមិនល្អអាចធ្វើឱ្យឪពុកម្ដាយដកដង្ហើមវែងៗបានមួយរយៈ ហើយមានអារម្មណ៍ស្ងប់ល្អពេលប្រដៅកូន ។ វាក៏សំខាន់ផងដែរក្នុងការផ្តល់ឱ្យកុមារនូវការពង្រឹងវិជ្ជមានជាច្រើន (ឧទាហរណ៍ ការសរសើរ និងការផ្តល់រង្វាន់) សម្រាប់អាកប្បកិរិយាល្អ ។ សូមចាំថា កុមារនឹងធ្វើសកម្មភាពមួយចំនួន ដែលពួកគេចាប់អារម្មណ៍ ។ ការសរសើរពេលពួកគេធ្វើបានល្អជួនកាលវាជាមធ្យោបាយដ៏មានប្រសិទ្ធភាព ដើម្បីលើកទឹកចិត្តឱ្យពួកគេមានអាកប្បកិរិយាវិជ្ជមាននេះឡើងវិញ ជាជាងការប្រៀនប្រដៅដោយផ្ទាល់មាត់ ។ ប្រសិនបើអ្នកមានអារម្មណ៍ថា អ្នកត្រូវការការណែនាំបន្ថែម សូមពិគ្រោះជាមួយវេជ្ជបណ្ឌិតរបស់អ្នក អ្នកប្រឹក្សាយោបល់ ឬទាក់ទងអ្នកចិត្តសាស្ត្រកុមារ ដើម្បីពិភាក្សា និងរៀបចំផែនការយុទ្ធសាស្ត្រវិន័យថ្មី ៕ ប្រភព ៖ kidshealth
អត្ថបទនេះផលិតឡើងក្រោមកិច្ចសហប្រតិបត្តិការជាមួយសាលារៀនវ៉េស្ទឡាញន៍ និងសាលារៀនណត្សឡាញន៍ ។ វគ្គសិក្សាថ្មីចូលរៀនថ្ងៃទី ២៨ ខែមេសា ឆ្នាំ ២០២៥ ។ សាលារៀនផ្តល់ជូនកម្មវិធីចំណេះទូទៅខ្មែរពីថ្នាក់មត្តេយ្យ ដល់ទី ១២ កម្មវិធីភាសាអង់គ្លេសទូទៅ និងកម្មវិធីភាសាចិនទូទៅចាប់ពីកម្រិតមត្តេយ្យ ដល់ទី ១២ ។ សាលារៀនផ្តល់ជូនអាហារូបករណ៍រហូតដល់ ៣០% ការធានារ៉ាប់រងគ្រោះថ្នាក់បុត្រធីតា និងការការពារការសិក្សាបុត្រធីតារហូតដល់ ៥ ឆ្នាំ សម្រាប់ការចុះឈ្មោះត្រឹមថ្ងៃទី ៣០ មេសា ២០២៥ ។ សម្រាប់ព័ត៌មានបន្ថែម សូមទំនាក់ទំនងទូរស័ព្ទលេខ ៖ ០៩២ ៨៨៨ ៤៩៩ / ០១៥ ៨០៥ ១២៣ ៕
ចែករំលែកព័តមាននេះ