អេ អាយ អេ ខេមបូឌា អបអរខួប ៨ឆ្នាំ នៃវឌ្ឍនភាព
រាជធានីភ្នំពេញ ថ្ងៃទី ០២ ខែឧសភា ២០២៥ ៖ ក្រុមហ៊ុនធានារ៉ាប់រងអាយុជីវិត និងសុខភាព អេ អាយ…
រាជធានីភ្នំពេញ ថ្ងៃទី ០២ ខែឧសភា ២០២៥ ៖ ក្រុមហ៊ុនធានារ៉ាប់រងអាយុជីវិត និងសុខភាព អេ អាយ អេ ខេមបូឌា បានប្រារព្ធខួប ៨ឆ្នាំជាមួយមោទនភាព ដែលបង្ហាញពីដំណើរនៃការប្តេជ្ញាចិត្តឥតងាករេក្នុងការលើកកម្ពស់គុណភាពជីវិតរបស់ប្រជាជនកម្ពុជា និងសុខភាពសហគមន៍ ។ ក្នុងរយៈពេល ៨ឆ្នាំកន្លងមកនេះក្រុមហ៊ុនបានបោះជំហានទៅមុខយ៉ាងរហ័ស បានក្លាយជាដៃគូផ្តល់សន្តិភាពផ្លូវចិត្ត និងទំនុកចិត្តដល់បុគ្គល និងគ្រួសាររាប់សែនគ្រួសារ តាមរយៈបំពេញតម្រូវការលើការការពារ និងផ្នែកហិរញ្ញវត្ថុ ដែលអនុញ្ញាតឱ្យអតិថិជនរបស់ខ្លួនអាចផ្តោតលើអ្វីដែលសំខាន់បំផុតដើម្បីសម្រេចគោលដៅជីវិតរបស់ខ្លួន ។
ចាប់តាំងពីបើកដំណើរការក្នុងព្រះរាជាណាចក្រកម្ពុជានៅឆ្នាំ ២០១៧ អេ អាយ អេ ខេមបូឌា មានបេសសកម្ម និងគោលបំណង ជាក់លាក់មួយ នោះគឺជួយប្រជាជនកម្ពុជាឱ្យរស់នៅប្រកបដោយសុខភាព និងជីវិតកាន់តែប្រសើរ ។ ដំណើរតាមគន្លងនៃ បេសកកម្មជាមួយការប្តេជ្ញាចិត្តយ៉ាងមោះមុតក្នុងរយៈពេល ៨ឆ្នាំកន្លងមកនេះ ធ្វើឱ្យ អេ អាយ អាយ ខេមបូឌា ក្លាយជាក្រុមហ៊ុនធានារ៉ាប់រងអាយុជីវិត និងសុខភាពឈានមុខគេនៅកម្ពុជា តាមរយៈដំណោះស្រាយធានារ៉ាប់រងប្រកបដោយភាពច្នៃប្រឌិត និងសេវាកម្មល្អឥតខ្ចោះ ដើម្បីបំពេញតម្រូវការអតិថិជនគ្រប់មជ្ឈដ្ឋាន ។
ទិន្នន័យនៃលទ្ធផលលើដំណោះស្រាយហិរញ្ញវត្ថុរបស់ អេ អាយ អេ ខេមបូឌា ត្រូវបានបង្ហាញតាមរយៈបទពិសោធរបស់អតិថិជន ក្នុងការជួយឱ្យពួកគាត់ទទួលបានសន្តិភាពផ្លូវចិត្ត និងលំនឹងហរិញ្ញវត្ថុ ។ នៅក្នុងឆ្នាំទី 8 នេះ អេ អាយ អេ ខេមបូឌា បានផ្តល់ ការការពារលើដំណោះស្រាយហិរញ្ញវត្ថុដល់គ្រួសារជាង ១៣០,០០០សារ ដោះស្រាយករណីទាមទារសំណងចំនួន ២៧,០០០ករណី និងបានផ្តល់អត្ថប្រយោជន៍និងសំណងជូនអតិថិជនសរុបជាង ១០,០០០,០០០* ដុល្លារ ។
គ្រួសារជាច្រើនទទួលបានភាពកក់ក្តៅ និងមានក្តីសង្ឃឹមឡើងវិញតាមរយៈការជ្រោមជ្រែងពីក្រុមហ៊ុនអំឡុងពេលប្រឈមនឹងកាលៈទេសៈដ៏លំបាកបំផុតក្នុងជីវិត ។ សាច់រឿងគ្រប់រសជាតិ និងការតស៊ូដើម្បីយកឈ្នះឧបសគ្គ បានបង្ហាញអំពីការសន្យាចំពោះបេសកកម្មរបស់ អេ អាយ អេ ខេមបូឌា ក្នុងការជួយគាំទ្រយ៉ាងខ្ជាប់ខ្ជួនដើម្បីពង្រឹងសុវត្ថិភាពហិរញ្ញវត្ថុ សន្តិភាពផ្លូវចិត្ត និងការគាំទ្រដល់សហគមន៍ ។
អេ អាយ អេ ខេមបូឌា ស្គាល់ច្បាស់អំពីតួនាទីរបស់ខ្លួនក្នុងការរួមចំណែកដល់សុខុមាលភាពជាតិទាំងមូល ។ ក្នុងរយៈពេល ៨ឆ្នាំកន្លងមកនេះ ក្រុមហ៊ុនបានបង្កើតគំនិតផ្តួចផ្តើមដែលជាប្រយោជន៍ដល់សហគមន៍ជាច្រើន រួមទាំងកម្មវិធីសុខភាព អប់រំ និងគម្រោងក្រោមរូបភាពជាដៃគូជាមួយរដ្ឋាភិបាល និងអង្គការក្នុងស្រុក ក្នុងគោលបំណងលើកកម្ពស់ប្រទេសកម្ពុជាឱ្យកាន់តែរឹងមាំ និងមានសុខភាពល្អ ។
គំនិតផ្តួចផ្តើមធំៗទាំងនោះរួមមាន យុទ្ធនាការ AIA Fit For Hope ជាយុទ្ធនាការលើកកម្ពស់ការយល់ដឹងពីជំងឺមហារីកសុដន់ធំបំផុតនៅកម្ពុជា ដែលសរុបមកដល់បច្ចុប្បន្នយុទ្ធនាការនេះបានផ្តល់ការពិនិត្យជំងឺមហារីកសុដន់ដោយឥតគិតថ្លៃដល់ស្ត្រីជាង ២០,០០០នាក់ ។ កម្មវិធីបាល់ទាត់វិលជុំកុមារនិងយុវជន AIA-ISF Youth League ជាថ្នាលបាល់ទាត់ថ្នាក់មូលដ្ឋានធំជាងគេនៅកម្ពុជា បានផ្តល់ឱកាសដល់កុមារនិងយុវជនជួបការខ្វះខាតជាង ១០,០០០នាក់ ឱ្យបានលេងបាល់ទាត់ក្នុងបរិយាកាសរួសរាយ សុវត្ថិភាព ក៏ដូចជាជួយលើកកម្ពស់សុខភាព បណ្តុះស្មារតីជាអ្នកកីឡា និងចេះធ្វើការជាក្រុម ដែលទាំងអស់នេះទុនដើម្បីអនាគត ត្រចះត្រចង់របស់ពួកគេ ។ គម្រោងលើកកម្ពស់សុខភាព និងសុខុមាលភាពហិរញ្ញវត្ថុសម្រាប់ស្ត្រីកម្ពុជា ក្រោមកិច្ចសហការជាមួយក្រសួងកិច្ចការនារី បានផ្ដល់អត្ថប្រយោជន៍ដោយផ្ទាល់ដល់ស្ត្រី និងគ្រួសារជាង ១៥,០០០*នាក់ នៅក្នុងខេត្តកំពង់ចាម បាត់ដំបង សៀមរាប និងកំពត ។
លទ្ធផលវិជ្ជមាននៃភាពជាដៃគូដ៏រឹងមាំរបស់ អេ អាយ អេ ខេមបូឌា ទាំងវិស័យឯកជន វិស័យសាធារណៈ រដ្ឋាភិបាល និងអង្គការក្រៅរដ្ឋាភិបាលបានរួមចំណែកយ៉ាងសំខាន់ដល់ភាពជោគជ័យរបស់ខ្លួន ដែលអនុញ្ញាតឱ្យក្រុមហ៊ុនបានចុះទៅដល់សហគមន៍នៅទូទាំងប្រទេសកម្ពុជា និងផ្តល់ដំណោះស្រាយធានារ៉ាប់រងអាយុជីវិត និងសុខភាពឈានមុខគេ រួមជាមួយគំនិតផ្តួចផ្តើមទាក់ទងនឹងសុខភាព ។
ក្នុងឱកាសខួបលើកទី ៨ នេះ អេ អាយ អេ ខេមបូឌា ក៏បានអបអរសាទរដល់ដំណើរជោគជ័យលើផ្នែកធនធានមនុស្សរបស់ខ្លួនតាមរយៈសមិទ្ធិផលជាប្រវត្តិសាស្ត្រនៅក្នុងវិស័យធានារ៉ាប់រងកម្ពុជា ពោលគឺ អេ អាយ អេ ខេមបូឌា ជាក្រុមហ៊ុនធានារ៉ាប់រងអាយុជីវិតដំបូងដែលមានទីប្រឹក្សាផែនការជីវិតសម្រេចបានបទដ្ឋានពិភពលោក Top of The Table (TOT)។ ទន្ទឹមនឹងនេះផងដែរ ក្រុមហ៊ុនក៏បានគ្រងតំណែងលេខមួយដែលមានទីប្រឹក្សាផែនការជីវិតសម្រេចបទដ្ឋាន MDRT ច្រើនជាងគេនៅកម្ពុជា ដែលសបញ្ជាក់អំពីភាពជាអ្នកដឹកនាំរបស់ខ្លួនក្នុងវិស័យធានារ៉ាប់រងកម្ពុជា ។ ការទទួលស្គាល់ទាំងនេះ ក៏ជាសក្ខីភាពលើគុណភាពការងារ ភាពស្មោះត្រង់ និងការលះបង់របស់ទីប្រឹក្សាផែនការជីវិត ចំពោះសហគមន៍ដែលពួកគាត់បានធ្វើការជាមួយ បន្ថែមពីលើគោលបំណងរបស់ខ្លួនក្នុងការជួយប្រជាជនកម្ពុជាឱ្យរស់នៅប្រកបដោយសុខភាព និងជីវិតកាន់តែប្រសើរ ។
នាកម្មវិធីថ្ងៃនោះ លោកស្រី Jane Tay អគ្គនាយិកា អេ អាយ អេ ខេមបូឌា បានមានប្រសាសន៍ថា “ដំណើររបស់យើងខ្ញុំបានចាប់ផ្តើមជាមួយនឹងគោលបំណងសាមញ្ញមួយ នោះគឺបង្កើតភាពវិជ្ជមានដ៏ពិតប្រាកដដើម្បីជួយប្រជាជនកម្ពុជាឱ្យរស់នៅប្រកបដោយសុខភាព និងជីវិតកាន់តែប្រសើរ។ ថ្ងៃនេះ យើងខ្ញុំសាទរភាពជោគជ័យ និងលទ្ធផលរបស់ក្រុមហ៊ុនលើភាពខ្លាំង ចំណុចពិសេសជាងគេ និងសមត្ថភាពលេចធ្លោ ដោយរាប់ចាប់ពីគ្រឹះហិរញ្ញវត្ថុដ៏រឹងមាំរហូតដល់ភាពឈានមុខគេមួយក្នុងទីផ្សារ និងតំណាងចែកចាយល្អគ្មានផ្ទឹម” ។
លោកស្រី Jane Tay បានបន្ថែមទៀតថា “សមិទ្ធិផលទាំងនេះ គឺជាលទ្ធផលនៃភាពជាដៃគូដ៏រឹងមាំលើគ្រប់វិស័យ ទាំងវិស័យឯកជន វិស័យសាធារណៈ រដ្ឋាភិបាល និងអង្គការក្រៅរដ្ឋាភិបាល ។ ការប្រារព្ធខួបនេះ មិនមែនគ្រាន់តែជាការអបអរសាទរចំពោះសមិទ្ធផលរបស់យើងប៉ុណ្ណោះទេ ប៉ុន្តែជាការប្រកាសបន្តបង្កើតលទ្ធភាពការងារកាន់តែសកម្មសម្រាប់អនាគត ។ គោលដៅនៃដំណើររបស់យើង គឺនៅឆ្ងាយជាងនេះ ប៉ុន្តែតាមរយៈទំនុកចិត្តរបស់អតិថិជន អេ អាយ អេ ខេមបូឌា នឹងបន្តខិតខំដើម្បីបង្កើតភាពជោគជ័យរួមគ្នា សម្រាប់អនាគតកាន់តែប្រសើរ” ។
ទន្ទឹមនឹង អេ អាយ អេ ខេមបូឌា ប្រារព្ធភាពជោគជ័យនេះ ក្រុមហ៊ុននៅតែផ្តោតលើគោលបំណងរបស់ខ្លួន ជាមួយនឹងផែនការកែលម្អ និងការច្នៃប្រឌិតជាបន្តបន្ទាប់ ដើម្បីបំពេញតម្រូវការរបស់អតិថិជន លើកកម្ពស់គុណភាពជីវិត និងជួយប្រជាជនកម្ពុជាឱ្យរស់នៅប្រកបដោយសុខភាព និងជីវិតកាន់តែប្រសើរឡើង ។
អំពី អេ អាយ អេ ខេមបូឌា
ក្រុមហ៊ុនធានារ៉ាប់រង អេ អាយ អេ ខេមបូឌា គឺជាបុត្រសម្ព័ន្ធនៃ AIA Group មានក្រុមហ៊ុនធានារ៉ាប់រងអាយុជីវិតនៅទូទាំងតំបន់អាស៊ីដែលស្ថិតក្នុងបញ្ជីឈ្មោះសាធារណៈឯករាជ្យធំជាងគេ ។ ក្រុមហ៊ុនមានវត្តមាននៅលើទីផ្សារចំនួន 18 ប្រទេសនៅអាស៊ីប៉ាស៊ីហ្វិក – សាខាគ្រប់គ្រងទាំងស្រុង ។
ចាប់តាំងពីបើកដំណើរការនៅកម្ពុជា រាល់សកម្មភាពរបស់ អេ អាយ អេ ខេមបូឌា ធ្វើឡើងស្របតាមគោលបំណង ក្នុងការជួយឲ្យប្រជាជនកម្ពុជាឲ្យរស់នៅមានសុខភាព និងជីវិតកាន់តែប្រសើរ ។ ចាប់តាំងពីចាប់ផ្តើមអាជីវកម្មក្នុងឆ្នាំ 2017 យើងបានក្លាយជាក្រុមហ៊ុនធានារ៉ាប់រងអាយុជីវិត និងសុខភាពដំបូងបង្អស់នៅកម្ពុជា ផ្តល់ការការពាររហូតដល់ 26 ស្ថានភាពជំងឺធ្ងន់ធ្ងរ។ ចាប់តាំងពីចាប់ផ្តើមអាជីវកម្មក្នុងឆ្នាំ 2017 យើងបានក្លាយជាក្រុមហ៊ុនធានារ៉ាប់រងអាយុជីវិត និងសុខភាពដំបូងបង្អស់នៅកម្ពុជា ផ្តល់ដំណោះស្រាយការពារលើជំងឺធ្ងន់ធ្ងររហូតដល់ 118 ករណីដំបូងគេនៅកម្ពុជាចាប់ពីដំណាក់កាលដំបូងរហូតដល់ដំណាក់កាលចុងក្រោយ ។
ក្នុងនាមជាក្រុមហ៊ុនធានារ៉ាប់រងឈានមុខគេមួយនៅកម្ពុជា អេ អាយ អេ ខេមបូឌា ផ្តល់ជូននូវដំណោះស្រាយជីវិតឈានមុខគេនៅលើទីផ្សារសម្រាប់ប្រជាជនកម្ពុជាគ្រប់មជ្ឈដ្ឋាន រាប់ចាប់ពីគម្រោងធានារ៉ាប់រងសំខាន់ៗដែលបង្កើតឡើងស្របតាមតម្រូវការជាក់លាក់ ដែលរួមមានគម្រោងការពារលើជំងឺធ្ងន់ធ្ងរ គ្រោះថ្នាក់ចៃដន្យ ថ្លៃសម្រួលការសម្រាកព្យាបាលនៅមន្ទីរពេទ្យ និងជំនួយសង្គ្រោះបន្ទាន់នៅក្រៅប្រទេស ។
អេ អាយ អេ ខេមបូឌា ផ្តោតសំខាន់លើការណែនាំ និងជម្រុញឲ្យប្រជាជនក្នុងសង្គមទទួលយកទម្លាប់ល្អៗ ក៏ដូចជាមធ្យោបាយដើម្បីឲ្យពួកគាត់ទទួលបាននូវសុខភាពល្អ តាមរយៈគំនិតផ្តួចផ្តើម រួមមានកិច្ចសហការ ជាមួយក្រសួងកិច្ចការនារី ដើម្បីពង្រឹងលើសមភាពយេនឌ័រនិងសិទ្ធិស្ត្រី ការលើកកម្ពស់ការយល់ដឹងអំពីជំងឺមហារីកសុដន់ តាមរយៈយុទ្ធនាការប្រចាំឆ្នាំ AIA Fit for Hope របស់យើងជាដើម ។
យើងក៏ចូលរួមជួយលើកស្ទួយកុមារដែលជួបបញ្ហាជីវភាពរាប់ពាន់នាក់ផងដែរ ដោយតាមរយៈឧបត្ថម្ភដល់លីគបាល់ទាត់ AIA-ISF ដែលជាលីគបាល់ទាត់ថ្នាក់មូលដ្ឋានធំជាងគេនៅកម្ពុជា ។ ជាងនេះទៀតសោធ យើងក៏សហការជាមួយក្លិបTottenham Hotspur ក្នុងក្របខណ្ឌ English Premier League ដែលជាដៃគូសកល និងជាក្លិបបាល់ទាត់កំពូលនៅលើពិភពលោក ដើម្បីធានាថាកុមារទាំងនោះទទួលបានការអប់រំដែលពួកគេសមនឹងទទួលបាន ។
អេ អាយ អេ ខេមបូឌា គឺជាក្រុមហ៊ុនធានារ៉ាប់រងអាយុជីវិត និងសុខភាពកម្ពុជាតែមួយគត់ដែលបានទទួលពានរង្វាន់ “ក្រុមហ៊ុនល្អបំផុតសម្រាប់ការងារនៅអាស៊ី (Best Companies to Work for in Asia)” ពី HR Asia ក្នុងរយៈពេល 5ឆ្នាំជាប់គ្នាពី 2020 ដល់ 20234 អេ អាយ អេ ខេមបូឌា មានការិយាល័យកណ្តាលនៅទីក្រុងភ្នំពេញ និងបច្ចុប្បន្នបានពង្រីកសាខានៅខេត្តសៀមរាប កំពត កំពង់ចាម និងបាត់ដំបង ៕ អត្ថបទសហការ
ចែករំលែកព័តមាននេះ