រាជធានីភ្នំពេញ ៖ តាមរយៈការគាំទ្រពីស្រា Chivas អ្នកគាំទ្រកម្ពុជាបានជួបសន្ទនាជាមួយសមាជិកក្រុមបិសាចក្រហម Manchester United តាមរយៈវីឌីអូអនឡាញកាលពីថ្ងៃទី ២៣ ខែកុម្ភៈ…
រាជធានីភ្នំពេញ ៖ តាមរយៈការគាំទ្រពីស្រា Chivas អ្នកគាំទ្រកម្ពុជាបានជួបសន្ទនាជាមួយសមាជិកក្រុមបិសាចក្រហម Manchester United តាមរយៈវីឌីអូអនឡាញកាលពីថ្ងៃទី ២៣ ខែកុម្ភៈ ឆ្នាំ ២០២១ ដែលវាជាបទពិសោធន៍ថ្មីមួយ របស់ក្រុមអ្នកគាំទ្របាល់ទាត់ពីកម្ពុជា ។
នៅក្នុងសេចក្តីប្រកាសព័ត៌មានរបស់ក្រុមហ៊ុន ស្រា Chivas បានឱ្យដឹងថា CHIVAS ដែលជាស្រាវិស្គីនាំចូលពីប្រទេសស្កុតឡែន បានសហការជាមួយនឹងក្រុមបាល់ទាត់ លំដាប់ពិភពលោក Manchester United បង្កើតនូវជំនឿមួយយ៉ាងមុតមាំ ថាភាពសាមគ្គីគ្នានឹងបង្កើតឱ្យមាន ភាពជោគជ័យកាន់តែខ្លាំងឡើងៗ ជាមួយនឹងការជ្រើសរើសយកការរួមបញ្ចូលគ្នារវាង Malts និង Grain វិស្គីដើម្បីផលិតចេញជាស្រាវិស្គីដ៏ល្អ សម្រាប់បញ្ចូលទៅក្នុងដប ដែលត្រូវបានគេទទួលស្គាល់នូវរសជាតិទូទាំងពិភពលោក ធៀបទៅនឹងក្រុម Manchester United ដែលទទួលបានកិត្តិនាម ជាក្រុមបាល់ទាត់លំដាប់ពិភពលោក ដោយសារការសហការយ៉ាងស្អិតរមួត រវាងកីឡាករ និងអតីតកីឡាករដែលនាំឱ្ យក្រុមទទួលបានជោគជ័យក្នុងទីលានប្រកួត ។
គួរបញ្ជាក់ថា Manchester United បានសហការជាមួយ Chivas តាំងពីឆ្នាំ ២០១៨ ជាមួយនឹងកម្មវិធីជាច្រើន ដើម្បីផ្តល់ឳកាសឱ្យអ្នកដែលជាអ្នកគាំទ្រផ្ទាល់ ទទួលបាននូវបទពិសោធន៍ និងភាពរីករាយជាច្រើន មិនថានៅតាមបណ្តាកម្មវិធីរបស់ Chivas នៅក្នុង PUB និងក្លឹបកម្សាន្តនៅក្នុងប្រទេសកម្ពុជា ជាពិសេសបទពិសោធន៍ទៅទស្សនា ការប្រកួតផ្ទាល់នៅទីក្រុង Manchester និងប្រទេសសិង្ហបុរី ។
ដោយឡែកដើម្បីចូលរួមចំណែកទប់ស្កាត់ ការរីករាលដាលនៃមេរោគកូវីដ-១៩ Chivas និង Manchester United នៅតែបន្តការសហការនេះសម្រាប់ឆ្នាំ ២០២១ ជាមួយនឹងបទពិសោធន៍ថ្មីសន្លាងមួយទៀត គឺការផ្តល់សំណាងជូនអ្នកគាំទ្រ Chivas និង Manchester Untied នៅក្នុងប្រទេសកម្ពុជា សម្រាប់ការជួបសន្ទនាជាមួយនឹងសមាជិក ដែលជាកីឡាកររបស់ក្រុម Manchester United តាមរយៈវីដេអូផ្ទាល់ ក្នុងរយៈពេលមួយម៉ោងពេញ ៕ ដោយសហការ
ចែករំលែកព័តមាននេះ