រាជធានីភ្នំពេញ ៖ មិនខុសពីអ្វីដែលមនុស្សគ្រប់គ្នាបានស្គាល់អំពីចក្រវាឡប្លែកគេ វឌ្ឍនៈ កាពីតាល ដែលជាមជ្ឈមណ្ឌលពាណិជ្ជកម្មខ្ពស់បំផុតនៅក្នុងប្រទេសកម្ពុជា ផ្សារទំនើបរបស់អគារដ៏ធំនេះតែងនាំយកមកនូវអ្វីថ្មី ហើយប្លែកជូនដល់អតិថិជនរបស់ខ្លួន ។ ក្រៅពីម៉ាកសញ្ញាលំដាប់ពិភពលោកជាច្រើនដែលអាចរកបានតែនៅក្នុងផ្សារប្រណីត…
រាជធានីភ្នំពេញ ៖ មិនខុសពីអ្វីដែលមនុស្សគ្រប់គ្នាបានស្គាល់អំពីចក្រវាឡប្លែកគេ វឌ្ឍនៈ កាពីតាល ដែលជាមជ្ឈមណ្ឌលពាណិជ្ជកម្មខ្ពស់បំផុតនៅក្នុងប្រទេសកម្ពុជា ផ្សារទំនើបរបស់អគារដ៏ធំនេះតែងនាំយកមកនូវអ្វីថ្មី ហើយប្លែកជូនដល់អតិថិជនរបស់ខ្លួន ។ ក្រៅពីម៉ាកសញ្ញាលំដាប់ពិភពលោកជាច្រើនដែលអាចរកបានតែនៅក្នុងផ្សារប្រណីត ភាពមួយនេះ វឌ្ឍនៈ កាពីតាល បាននាំយកបទពិសោធន៍ថ្មី និងនាំមុខគេ គឺបទពិសោធន៍ជាវទំនិញដល់យប់អាធ្រាតដែលមិនធ្លាប់មាននៅកម្ពុជា ។
កាលពីយប់ថ្ងៃសុក្រកន្លងទៅ វឌ្ឍនៈ កាពីតាល ជាថ្មីម្តងទៀតបានរៀបចំកម្មវិធីជាវទំនិញរហូតដល់ម៉ោង ១១:៣០យប់ រួមជាមួយការប្រគំតន្ត្រីពីតារាចម្រៀងល្បីៗជាច្រើន ការដើរបង្ហាញម៉ូដសម្លៀកបំពាក់រដូវកាលថ្មីចុងក្រោយពីម៉ាកលំដាប់អន្តរជាតិដូចជា ៖ Burberry, Dolce and Gabbana, Balenciaga, Polo Ralph Lauren, Jimmy Choo, Hugo Boss, Bottega Veneta, Salvatore Ferragamo, Bally ព្រមទាំងទទួលទានស្រាវីស្គី ស្រាទំពាំងបាយជូរដោយសេរី និងឥតគិតថ្លៃ និងថែមទាំងមានការប្រកាសជាផ្លូវការស្វាគមន៍ទូតសុឆន្ទៈនៃផ្សារទំនើប វឌ្ឍនៈ កាពីតាល គឺអ្នកចម្រៀងដ៏មានប្រជាប្រិយភាពលោក នីកូ ថែមទៀតផងដែលនឹងក្លាយទៅតំណាងលើវិស័យហ្វេសិនរបស់ វឌ្ឍនៈ កាពីតាល ។
ក្រៅកម្មវិធីកម្សាន្តសប្បាយ អតិថិជនក៏បានរីករាយជាមួយប្រម៉ូសិនជាច្រើនដែលរៀបចំជាពិសេសសម្រាប់ស្វាគមន៍បុណ្យចូលឆ្នាំចិនដូចជាការចាប់យកអាំងប៉ាវជាប័ណ្ណទឹកប្រាក់រហូតដល់ ១៦៨ដុល្លារ ភ្លាមៗសម្រាប់រាល់ការចំណាយចាប់ពី ១០០ដុល្លារឡើងទៅក្នុងមួយវិក្កយបត្រ, ការបញ្ចុះតម្លៃបន្ថែមចំនួន ៥% រាល់ពេលទូទាត់តាមប័ណ្ណឥណទានវីសាមាសរបស់ធនាគារវឌ្ឍនៈ រឺក៏ទទួលបានការបញ្ចុះតម្លៃរហូតដល់ ៦% សម្រាប់ការទូទាត់តាមសេវាធនាគារចល័តធនាគារវឌ្ឍនៈ ព្រមទាំងការបន្ថែមជូននូវដបទឹកមួយដ៏ស្រស់ស្អាតសម្រាប់ឆ្នាំថ្មីរាល់ការចំណាយចាប់ពី ១,០០០ដុល្លារឡើងទៅក្នុងមួយវិក្កយបត្រ ។
សម្រាប់ការចំណាយចាប់ពី ១០០ដុល្លារ ក៏ទទួលបានឆ្នោតផ្សងសំណាងមួយសន្លឹកដើម្បីចាប់ឆ្នោតយករង្វាន់ធំដែលមានតម្លៃសរុបរហូតដល់ ១០០,០០០ដុល្លារ ក្នុងឱកាសអបអរខួបគម្រប់ ៣ឆ្នាំរបស់អគារពាណិជ្ជកម្ម វឌ្ឍនៈ កាពីតាល នៅខែឧសភាខាងមុខនេះ ហើយប្រូម៉ូសិននៅតែបន្តរហូតដល់ថ្ងៃទី ២៨ ខែកុម្ភៈនេះ ។
វឌ្ឍនៈ កាពីតាល ត្រូវបានគេស្គាល់ថា ជាអគារពាណិជ្ជកម្មដ៏ប្រណីត និងជាទិសដៅទិញទំនិញម៉ាកសញ្ញាល្បីៗលំដាប់ពិភពលោកនៅប្រទេសកម្ពុជាមានដូចជា ៖ Burberry, Dolce and Gabbana, Balenciaga, Jimmy Choo, Hugo Boss, Brioni, Bottega Veneta, Canali, Salvatore Ferragamo, Santoni, Stefano Ricci, Bally, Bang & Olufsen, Frette, Poltrona Frau និង Christofle ជាដើម ៕ ដោយសហការ
ចែករំលែកព័តមាននេះ