ខេត្តកំពង់ចាម ៖ កម្លាំងជំនាញជលផលខេត្តបានសហការចុះបង្ក្រាបបទល្មើសនេសាទ ដោយបានធ្វើឡើងនៅថ្ងៃទី២៦ ខែធ្នូ ឆ្នាំ២០១៩ ដោយបានបង្ក្រាបបទល្មើសនេសាទរហូតទៅដល់៣ករណី និងរឹបអូសបានវត្ថុតាងជាច្រើនដុតបំផ្លាញចោលនៅក្នុងឃុំមៀន ស្រុកព្រៃឈរ ចំណែកម្ចាស់វិញបានសម្ងំឱ្យឈឹងដូចពង្រូល…
ខេត្តកំពង់ចាម ៖ កម្លាំងជំនាញជលផលខេត្តបានសហការចុះបង្ក្រាបបទល្មើសនេសាទ ដោយបានធ្វើឡើងនៅថ្ងៃទី២៦ ខែធ្នូ ឆ្នាំ២០១៩ ដោយបានបង្ក្រាបបទល្មើសនេសាទរហូតទៅដល់៣ករណី និងរឹបអូសបានវត្ថុតាងជាច្រើនដុតបំផ្លាញចោលនៅក្នុងឃុំមៀន ស្រុកព្រៃឈរ ចំណែកម្ចាស់វិញបានសម្ងំឱ្យឈឹងដូចពង្រូល ។
លោក អ៊ុក ណារិន នាយខណ្ឌរដ្ឋបាលជលផលខេត្តបានឱ្យដឹងថា មន្ត្រីជលផលបានសហការជាមួយអាជ្ញារធរស្រុកព្រៃឈរ កម្លាំងប៉ុស្តិ៍នគរបាលរដ្ឋបាលមៀន សហគមន៍នេសាទសាមគ្គីឃុំមៀន និងសហគមន៍នេសាទវិហារធំ បានចុះបង្ក្រាបបទល្មើសជលផលបានចំនួន០៣ករណីបំផ្លាញចោល និងវត្ថុតាងរួមមាន ករណីទី០១-លូស្បៃមុងចំនួន១៥មាត់ របាំងស្បៃមុងប្រវែង៧៥០ម៉ែត្រ បង្គោលចម្រឹងឬស្សីចំនួន២២៥ដើម ចាក់លែងត្រីចម្រុះទម្ងន់១០គ.ក ត្រង់ចំណុចជ្រោយអណ្តូង ឃុំមៀន ស្រុកព្រៃឈរ ។
ករណីទី០២-លូស្បៃមុងចំនួន១២មាត់ របាំងស្បៃ មុងប្រវែង៦០០ម៉ែត្រ បង្គោលចម្រឹងឬស្សីចំនួន១៨០ដើម ចាក់លែងត្រីចម្រុះទម្ងន់៨គ.ក នៅចំណុចបាំងដៃ ឃុំមៀន ស្រុកព្រៃឈរ និងករណីទី០៣-លូស្បៃមុងចំនួន០៨មាត់ របាំងស្បៃ មុងប្រវែង៤០០ម៉ែត្រ បង្គោលចម្រឹងឬស្សីចំនួន១២៥ដើម ចាក់លែងត្រី ចម្រុះទម្ងន់ច្រើនគីឡូចំណុច ខ្ទមលោកយាយ ឃុំមៀន ស្រុកព្រៃឈរ វត្ថុតាងទាំង៣ករណីនេះត្រូវបានដុតបំផ្លាញចោលនៅហ្នឹងកន្លែង ៕
កែសម្រួលដោយ ៖ សំណាង
ចែករំលែកព័តមាននេះ